මවු පදවිය පතන ඔබට උදවු වන කරුණු කිහිපයක්...

 මවක් වීම විවාහක සෑම කාන්තාවකගේම ප්‍රධානම බලාපොරොත්තුවයි. එහෙත් කාන්තාවකගෙන් කාන්තාවකට මවක් වීමට ගත වන කාලය වෙනස් වේ. මවක් වීමට ප්‍රමාදවීම ඔබේ පසුතැවිල්ලට හේතු වනවා මෙන්ම, ඔබේ පවුලේ නෑදෑ හිත මිතුරන්ගේත් කතා බහට ලක් වෙයි. මෙය ඔබට මහත් මානසික පීඩනයක් වන්නට පුළුවන්. නමුත් එයින් සැලෙන්නට එපා. පහත උපදෙස් පිළිපැද බලන්න...

මතක තබා ගන්න, මවු පදවිය ඉක්මනින් ලබා ගැනීමට යන්තර මන්තරයක් හෝ වේගවත් කරන බෙහෙතක් නැත. ඔබට කල හැකි එකම දෙය ඒ සඳහා සුදුසු කායික හා මානසික තත්වය ලඟා කර ගැනීමයි. පහත ක්‍රම ඔබගේ ගැබ් ගැනීමට ධනාත්මකව බලපානු ඇත.

* වෛද්‍ය පරික්ෂණයක් කරන්න

දරු පිළිසිඳ ගැනීම පිළිබඳ ඔබට ගැටලුවක් තිබුනත් නැතත්, ඔබ මවක් වීමට සුදානම් වීමට පෙර වෛද්‍ය පරිකෂනයක් කිරිමෙන් ඔබ එයට සුදුසු අවස්ථාවක සිටින්නේදැයි නිවැරදිව තීරණය කල හැක. විශේෂයෙන්ම ඔබේ ගර්භාෂය හෝ ප්‍රජනන පද්ධතිය ආශ්‍රිත ගැටළු තිබේදැයි ඔබේ වෛද්‍යවරයා සමග මේ පිළිබද සාකච්චා කර අවශ්‍ය උපදෙස්, විටමින් වර්ග මෙන්ම අවශ්‍ය ප්‍රමාණයට ෆෝලික් අම්ල ගැනීමෙන් ගැබ් ගැනීම පහසු කර ගත හැකි සේම, ගබ්සා වීම් වලක්වා ගත හැක.

* ඔබගේ ඔසප් චක්‍රය පිළිබද අවධානයෙන් සිටින්න

ඩිම්බ මෝචන කාලය පිළිබද අවධානයෙන් සිටීම වැදගත් වේ. එම කාලය තුල ගැබ් ගෙල ආශ්‍රිත පෙදෙස ශ්ලේෂ්මල සහිත වේ. එය සිහින් සහ ලිස්සන සුදු බවක් ගනී. එය ශුක්‍රානු ගමන් කිරීම පහසු කරවයි. චක්‍රයේ වඩාත්ම සරු කාලයක් ලෙස සැලකෙන ආර්තාවයේ සිට ඇති දින ගණන ලියා තබාගෙන එම කාලයේ වැඩි උත්සාහයක යෙදෙන්න.

* ගැබ් ගැනීමට සුදුසුම අවස්ථාව පිළිබද කණගාටු වන්නට එපා

ගැබ් ගැනීම සදහා සංසර්ගයේ යෙදීම අවස්ථා පිළිබද විවිධ මිත්‍යා විශ්වාස පවතී. නමුත් කිසිවක් විද්‍යාත්මකව සනාථ කර නොහැකි නිසා මිත්‍යා විශ්වාස පමණක් වේ. මේ සදහො ඔබට සුදුසු පහසු ක්‍රමයක් යොදා ගත හැක. දරු පිළිසිඳ ගැනීමකට කරන වෑයමක් ලෙස විශේෂයක් නොකර සාමාන්‍ය ආකාරයට ආදරය සහ හැගීම් මුල් කරගෙන ලිංගික සංසර්ගයේ යෙදෙන්න.

* සංසර්ගයන් පසු තැන්පත්ව වැතිර සිටින්න 

ගැබ් ගැනීමේ අවස්ථාව වැඩි වීම සදහා සංසර්ගයෙන් පසු ඔබේ පාද වාතය හොදින් ලැබෙන පරිදි වාතලයට එකතු කරන යන බොරුව ඔබ මිට පෙර අසා ඇති. මෙය සත්‍යයක් නොවේ. සංසර්ගයෙන් පසුව විනාඩි 10-15 ක කාලයක් තැන්පත්ව ඇදේ වැතිර සිටීම ඔබේ ගැබ් ගැනීම් අවස්ථාව වැඩි කරවයි. පාද වාතයට මුසු කිරීමක් අවශ්‍ය නොවේ.

* දිනපතා සංසර්ගයේ යෙදීම අවශ්‍ය නැත

දිනපතා සංසර්ගයේ යෙදීම අවශ්‍ය නොවේ. සාමාන්‍යයෙන් ශුක්‍රාණුවක් සංසර්ගයෙන් පසු පැය 72 ක ආයු කාලයකින් යුක්ත වන අතර, ඩිම්බ මෝචනය සිදු වී හෝ නොවී දින 3කට වරක් පමණ සංසර්ගයේ යෙදීමට උත්සහ කරන්න. මතක තබා ගන්න ඔබ එය කල යුත්තේ ඔබ එම ක්‍රියාවලිය පිලිබඳ ධනාත්මක හැගීමකින් කරනවානම් පමණි. යාන්ත්‍රික ලෙස මෙහි නිරත වීම කායික මෙන්ම මානසික අපහසුතා ඇති කල හැක.

* ආතතියෙන් තොර වන්න

මානසික ආතතිය ඔබ ගැබ් ගැනීමට එරෙහි වනු ඇත. එම නිසා සැම විටම මානසිකව විවේකිව සිටින්න. යෝගා, මෙන්ම භාවනා ක්‍රම ඔබේ මානසික ආතතිය අඩු කිරීමට උපකාරී වේ. හැකි සෑම විටම සතුටින් සිටීමට උත්සහ ගන්න.

* නිරෝගිව සිටින්න

මවක් වීමට බලාපොරොත්තුවෙන් සිටින ඔබ, ඔබේ නිරෝගී බව පිළිබද සැලකිලිමත් වීම වැදගත් වේ. ඔබ නිරෝගී නම් ඔබට ඉක්මනින් මවක් වීමට හැකි වන අතර, ඔබේ දරුවාද නිරෝගී වේ. එමෙන්ම ඔබ ගබ්සා වීම වලින් වැළකීමටද නිරෝගී බව වැදගත් වේ.

.................

ඔබට ඇති වෛද්‍ය ගැටළු අසන්න මෙහි ක්ලික් කරන්න, Ask a Doctor | වෛද්‍යවරයාගෙන් අසන්න

.................

දරු ප්‍රසූතිය වඩා පහසු කර ගැනීමට නම්...

 ගර්භනී මවක් වශයෙන් ඔබ ඔබේ දරු ප්‍රසුතිය පිළිබද කුතුහලයෙන් පසු වනවා වන්නට පුළුවන. මෙය ඔබේ පළමු අත්දැකිම නම් ඒ පිළිබද ඔබේ සිතේ බියක් හට ගැනීම සාමාන්‍ය සිදු වීමක්. එය ඉතා වේදනාකාරී මෙන්ම වදනින් විස්තර කල නොහැකි සතුටු දායක අවස්ථාවක්. මේ සදහා ඔබ සුදානම් විය යුතු ආකාරය අපි මෙම ලිපියෙන් ඔබව දැනුවත් කරන්නෙමු.

දරු ප්‍රසුතිය පිළිබද විවිධ අදහස් අත්දැකීම් ඔබ තැති ගැන්මකට පත් කරවී.කෙසේ වෙතත් ප්‍රසුතිය යනු ඔබ දින ගනිමින් බලා සිටි ඔබේ පුංචි අමුත්තාගේ මෙලොව එලිය දැකීමයි. ඒ සදහා ඔබ පෙර සිටම සුදානම් වීම ඉතා වැදගත් වේ.

* සැලසුම් කරන්න:

ඔබට ප්‍රසුත වේදනාව දැනුනු පසු ආතතියට ලක් වීමෙන් ශක්තිය හානි වීමක් සිදු විය හැක. මේ නිසා මෙම අවස්ථාවේ නිසියාකාරව කල යුතු දේ පිලිබදව කලින් දැනුවත් වන්න. ඔබ රෝහල් ගත විය යුතු දිනය හෝ වෛද්‍යවරයා ඇමතිය යුතු ආකාරය, නිවසේ රැදී සිටිය හැකි කාලය කලින් වෛද්‍ය උපදෙස් මත සැලසුම් කරන්න. එසේම ඔබේ සැමියා සමග මේ පිළිබද සාකච්චා කරන්න. ප්‍රසුත වේදනාව දැනුනු පසු ඔබ රෝහල් ගත වන ආකාරය, ඔබගේ ආරක්ෂාවට ගන්න පියවර පිළිබද ඔහු සමග අදහස් හුවමාරු කර ගන්න. එසේම ඔබේ මව හෝ වෙනත් වැඩි මහළු කාන්තාවක් සමග මේ පිළිබද සාකච්චා කරන්න.

* නිරෝගීව සිටින්න:

ප්‍රසුතිය පහසු කරවීමට ප්‍රත්‍යක්ෂ වූ ව්‍යායාමයක් නැතත්, නිරෝගිමත්ව සහ ශක්තිමත්ව සිටීම ඔබගේ දරු ප්‍රසුතිය පහසු කරවයි. එසේම ගැබුරු ආශ්වාසය ප්‍රසුත වේදනාව පාලනයට මහත් උපකාරී විය හැක. එසේම යෝගා, භාවනා ක්‍රම වැනි ආශ්වාස ප්‍රශ්වාස සම්බන්ධ ක්‍රම ඔබට උපකාරී වනු ඇත. විටමින් වර්ග බොහොමයක් ඔබේ ප්‍රතිශක්තිය වර්ධනය කිරීමට ඉවහල් වේ. එම විටමින් ඉතාම පහසුවෙන් ලබාගැනීමට සුදුසුම ක්‍රමය එළවළු සහ පළතුරු වර්ග ආහාරයට ගැනීමයි.

* සැමගේ උපකාර ලබා ගන්න:

ප්‍රසුත වේදනාව දරා ගැනීම ඉතා අපහසු වේ. මේ නිසා එම අවස්ථාවේ ඔබට ඉතා හිතවත්, ආදරය කරන ආදරණිය පිරිසක් ඔබ වටා සිටීම ඔබ සිතට මහත් සහනයක් ගෙන දේවි. රෝහලෙන් අවසර ලැබෙනවා නම් ඔබේ දරු ප්‍රසුතිය සදහා ඔබේසහකරුවාත් එකතු කර ගන්න. එසේ නැතිනම් අවම වශයෙන් ඔහු ඔබ සමග ප්‍රසූතිකාගාරයට ඇතුලුවන තැන දක්වා කැඳවාගෙන යන්න. ඔබ අදහන ආගමික දර්ශනයට අනුව සිත සන්සුන්වන සහ අනිත් යට උදවුවක්, සේවයක් වන දෙයක් කිරීමෙන් ඔබට ඉතා හොඳ ප්රෙඅතිපාල ලැබෙනු ඇත.

* ශාරීර ශක්තිය වර්ධනය කර ගන්න

ඔබට බොහෝවිට ප්‍රසුතියේ පළමු අවස්ථාව අලුත් අත්දැකීමක් විය හැක. එයට ඔබේ සිරුර හැකි පමණ සුඋදානම් කරගන. ප්‍රසූතිය ආසන්න වන බව දැනුන විට නිතිපතා දිය නෑමෙන් පිරිසිදු වී සූඋදානම් වී සිටින්න. ඔබව ප්‍රබෝධමත් කල හැකි කෙටි ආහාරයක් සහ හැකි පමණ ජලය ලබා ගත හැකිනම් වඩාත් වැදගත් වේ. ඔබ රෝහල් ගත වීමෙන් පසු ඔබට කැමති ලෙස ආහාරයක් නොලැබීමට ඉඩ ඇත. බොහෝ විට වෛද්‍ය උපදෙස් අනුව ඔබට ආහාර වට්ටෝරුවක් නියම කරනු ඇත. ඔබට දරු උපතේදී වැඩි ශක්තියක් අවශ්‍ය වන නිසා ශරීරය ශක්තිමත් වන සේ ගර්භණී සමයේ අන්තිම මාසයේ ආහාර වැඩිපුර පෝෂ්‍යදායී කරගන්න.

* සුළු ව්‍යායාම ගන්න

දරු උපතක් යනු ඇඳ විවේකය පමණක් ගත යුතු අවස්තාවක් නොවේ. එයට සුඋදානම් වන විට හැකි පමණින් එහා මෙහා ඇවිදීම නිසා දරුවා ප්‍රසුතියට අවශ්‍ය පරිදි ස්ථාන ගත වීම පහසු වේ. මෙය ඔබේ වේදනාව ඉතා කුඩා ප්‍රමාණයකින් අඩු වීමට සහ රෝහල් ගත වීමෙන් පසු දරුවා බිහිවන තෙක් බලා සිටීමට සිදුවන කාලය අඩු වේ. තැනිතලා ස්ථානයක ඇවිදීම හෝ වාඩිවී හොදින් ආශ්වාස ප්‍රශ්වාස කිරීම ඔබට යම් සහනයක් සලසාවි.

* ක්‍රමවත් බවකින් කටයුතු කරන්න

ප්‍රසව වේදනාව ඇතිවීම කලින් තීරණය කල නොහැක. එම නිසා ප්‍රසුතියට සුදානම් වන ඔබ ඒ පිළිබද අවධානයෙන් සිටීම වැදගත් වේ. බොහෝ මව්වරු පූර්ව ප්‍රසව වේදනාව ඉතා තදින් දරාගෙන සිටි. මෙය බොහෝ විට මව සිහිසුන් තත්වයට පත්වීමටත් ඉඩ තිබේ. ඔබ මේ කෙරෙහි වැඩි පීඩනයක් යොදන්නට එපා. ප්‍රසුත වේදනාව දැනෙන අවස්ථාවේ ඔබ ඒ සදහා සුදානම් නැති බව හැගීම වැලක්වීමට පෙර සිටම ක්‍රමවත්ව කටයුතු කරන්න. රෝහල් ගත වීමට යනවිට ගෙනයන ගමන් මල්ලට අවශ්‍ය ද්‍රව්‍ය ඔබ පෙර සිටම එකතු කර නිසි දිනට සති දෙකකටවත් කලින් නිවසේ කාටත් ලඟාවිය හැකි තැනක තබන්න.

* වෛද්‍ය, හෙද සහ වින්නඹු මාතාවගේ උපදෙස් පිළිපදින්න 

ඔබේ වෛද්‍යවරයාගෙන් හෝ හෙදියගෙන් තෙරපුමට උපදෙස් ලැබුණු විට තෙරපන්න. ඔබේ අපහසුතා ඔවුන් සමග කතා කරන්න. ප්‍රසුත අවස්ථාවේ වෛද්‍ය උපදෙස් හොදින් ඇහුන්කන් දී ඒ අනුව ක්‍රියාත්මක වන්න. අනවශ්‍ය තෙරපීම් එහා මෙහා වීම් ඔබවත් දරුවවත් පිඩනයට පත් කරාවී.

.................

ඔබට ඇති වෛද්‍ය ගැටළු අසන්න මෙහි ක්ලික් කරන්න, Ask a Doctor | වෛද්‍යවරයාගෙන් අසන්න

.................

,ගර්භණී සමයේ සුව නින්දක්...

 ගර්භණි සමයේ සිදුවන හෝමෝනමය බලපෑම සහ ශාරීරික අපහසුතාවය ඔබේ නින්දට බලපෑම් ඇති කරවන්නට පුළුවන්. ගර්භණි සමය පුරාවටම මව්වරු තමන්ටම ආවේණික වූ විවිධ අභියෝග වලට මුහුණ දෙති. ගර්භණි සමයේ ඔබට මුහුණ පෑමට සිදු විය හැකි දේවල් කිහිපයක් අපි අද සලකා බලමු.

ගර්භණි සමය මාස තුනේ කාල සිමා ලෙස පියවර තුනකට බෙදා දක්වා ඇති අතර එම ත්‍රයි මාසික කාල සිමාව තුල ගර්භණි මව්වරු පහත පරිදි විවිධ අභියෝග වලට මුහුණ දේ. මෙම අභියෝග මවගෙන් මවකට වෙනස් ආකාරයකට බලපෑ හැක.

* ගර්භණි සමයේ පළමු මාස තුන

මෙම මස තුන තුල ඔබේ ශරීරයේ සිදුවන හෝමෝනමය බලපෑම, ශාරීරික අපහසුතාව මෙන්ම මානසික ආතතිමය තත්වයන් නිසා ඔබේ ශරීරයෙන් පිටවන මුත්‍රා ප්‍රමාණයේ වැඩි වීමක් දැක ගත හැකිවේ. මේ නිසා රාත්‍රිය පුරාවටම වැඩි වාර ගණනක් මුත්‍රා කිරීමට සිදු වීම ඔබේ සුව පහසු නින්දට බාධාවක් වේ. එමෙන්ම දහවල් දවස පුරාවට ඔබට දැනෙන විඩාබර බව නිසා ඔබ දහවල් නින්දක් ලබා ගනීවි. එසේ වැඩි වශයෙන් දහවල් කාලය තුල ලැබෙන නින්ද ඔබේ රාත්‍රී නින්දට බාධාවක් වේ. දවල් කාලයේ වැඩිපුර දියර වර්ග පානය කර රාත්‍රියට මඳක් එය අඩු කරන්න. තවද, රාත්‍රී කාලයේදී තේ, කෝපි ආදිය පානයෙන් වලකින්න. මුත්‍රා කිරීමේදී ඉදිරියට බරව මුත්‍රාශය හිස් වනතුරු මුත්‍රා පිටවන බවට වගබලා ගන්න.

* ගර්භණි සමයේ දෙවන මාස තුන

මෙම මස තුන තුල, පළමු මාස තුනට වඩා නින්දෙහි වර්ධනයක් බොහෝ මව්වරු තුල දැක ගත හැක. භ්‍රෑණය වර්ධනය නිසා මුත්‍රාශය මත යෙදෙන පීඩනය අඩුවීම මගින් රාත්‍රියට පිටවන මුත්‍රා ප්‍රමාණය අඩු වීම මෙයට හේතුවයි. නමුත් තවමත් වර්ධනය වන කළලය සහ මානසික ආතතිය නිසා ඔබට සුවපහසු නින්දක් වෙත ලගා නොවිය හැක. සිත සන්සුන් කර ගැනීමට උත්සාහ කරන්න. ධනාත්මක චින්තන ක්‍රමයක් මගින් සිතෙහි නිතරම ධනාත්මක රූප මවා ගන්න. එවිට නින්දට පෙර සිතෙහි බිය සංකා නිසා නින්දා හානි වීම නවතීවි. දවල් කාලයේදී එහා මෙහා ඇවිදීම වැනි සුළු ව්‍යායාම අමතක කරන්න එපා. ඒ සමගම නින්දට පෙර උණුසුම් කිරි වීදුරුවක් පානය කිරීම සමහර අයට සුව නින්දකට උදවු වන බව කියවේ. ඔබටත් එසේ වෙයි දැයි අත්හදා බලන්න.

* ගර්භණි සමයේ තෙවන මාස තුන

සංකීර්ණ හෝමෝන වෙනස් වීම, රාත්‍රී මුත්‍රා පිටවීම්, කෙණ්ඩා පෙරළීම්, පුර්ව ප්‍රසව සංකාව වැනි අපහසුදායක තත්වයන් මෙම සමය තුල ඔබේ නින්දට බාධා පමුණුවයි. ඔබ බොහෝ විට රාත්‍රී කාලයේ දෑස වසාගෙන ප්‍රසුති අවස්ථාව පිළිබද මෙන්ම ඔබ දරුවා පිළිබද කල්පනා කරනවා වන්නට පුළුවන්. ඉහත කී පරිදි දිගින් දිගටම ධනාත්මකව සිතමින් මනස සැහැල්ලු කරගන්න උත්සහ කරන්න. මේ හේතුව නිසා ඔබේ රාත්‍රී මුත්‍රා වාර ගණන වැඩි වීම රාත්‍රිය පුරාවටම ඔබව අපහසුතාවයට පත් කරයි. ගර්භණි සමය පුරාවටම ඔබට සුවපහසු නින්දක් නොලැබීම පුදුමයට කරුණක් නොවේ.

* සුව පහසු නින්දකට

ගර්භණි සමය තුල සුවපහසු නින්දක් ලබා ගැනීම එතරම් පහසු කටයුත්තක් නොවුනද, මෙම සමය තුල සිදුවන විවිධ වෙනස් වීම් නිසා ඔබ ශරීරයට විවේකය අත්‍යවශ්‍ය වේ.

වැඩිපුර කොට්ට භාවිතය: ඔබේ කකුල් දෙක අතර මෙන්ම කොන්ද පිටුපස කොට්ටයක් තැබීම මගින් ඔබ පැත්තට හැරී නිදා ගැනීම පහසු කරවයි. මේ සදහම විශේෂිත වූ කොට්ට මෙන්ම පූර්ණ ශරීර දිගින් යුතු කොට්ට උදරයට මෙන්ම පිටුපස කොන්ද පෙදෙසටද සුවපහසුව සලසයි.

පෝෂණය: නින්දට පෙර උණුසුම් කිරි වීදුරුවක් පානය කිරීම ඔබට සුව නින්දකට උපකාරී වේ. කාබෝහයිඩ්රේට නිසි ප්‍රමාණයට ලබා දෙන ආහාර ලබා ගැනීමද නින්දට උපකාරය වේ. එමෙන්ම අධික ප්‍රෝටීන සහිත කෙටි ආහාර රුධිර ගත සීනි ප්‍රමාණය වැඩි කර නරක සිහින, හිසරදය මෙන්ම රස්නය පිට කිරීම අඩු කරලයි.

ව්‍යායාම සහ සුව පහසු ක්‍රම: ව්‍යායාම මගින් ඔබේ ශරීරයට මෙන්ම මනසටද සුවපසු බවක් ගෙන දේ. ඇදීම් ,යෝගා, සම්භාහන සහ ගැබුරු ආශ්වාස කිරීම් මෙන්ම ඔබේ ශාරීරික මෙන්ම මානසික සුවපසුතාවය වැඩි කරවයි. මෙම ව්‍යායාම කිරීමට පෙර සුදුසුකම් ලත් උපදේශකයන්ගේ උපදෙස් පිළිපැදීම ඉතා වැදගත්!

විවිධ බෙහෙත් වට්ටෝරු සහ ඖෂධ භාවිතය: ඖෂධ භාවිතයේදී වෛද්‍ය උපදෙස් ලබා ගැනීමට අමතක නොකරන්න. විවිධ ඖෂධ වර්ග ඔබේ දරුවාට හානි කල හැක. කෙසේ වෙතත් සමහර ඖෂධ ගර්භනී සමය තුල ආරක්ෂාකාරී ඖෂධ ලෙස හදුනා ගෙන තිබේ. එවැනි ආරක්ෂාකාරී ඖෂධයක් මගින් ඔබට නින්ද ලබා ගත හැකි අතර එසේ ඉහත උපදෙස් ඔබට යම්තාක් දුරකට සුවපහසු නින්දකට මග පාදයි. නිසි නින්දක් නොලැබීම ඔබට මෙන්ම ඔබේ දරුවාටද බලපෑමක් ඇති කරවිය හැකි නිසා ඉතා අපහසු අවස්ථාවකදී වැඩි දුර වෛද්‍ය උපදෙස් ලබා ගැනීම සුදුසු වේ.

................

ඔබට ඇති වෛද්‍ය ගැටළු අසන්න මෙහි ක්ලික් කරන්න, Ask a Doctor | වෛද්‍යවරයාගෙන් අසන්න

එක් නිවුන් දරුවෙකුගේ පෝෂණය අනෙක් නිවුන් දරුවා වෙත ඇදී යාම!

එක් නිවුන් දරුවෙකුගේ පෝෂණය අනෙක් නිවුන් දරුවා වෙත ඇදී යාම!

 නිවුන් දරු උපතක් යනු ඔබට ඉතාම සතුටුදායක උනත් යම් කිසි අවදානමක් සහිත සිදුවීමක් බව අපි මෙයට පෙර ඔබට කියා තිබෙනවා මතකද? එයින් එක අවදානමක් වන්නේ Twin to Twin Transfusion Syndrome නමැති සහ ලක්ෂණයයි. මෙහි ඇති විශේෂත්වය වන්නේ එක නිවුන් දරුවකුට හිමි පෝෂණය අනෙක් නිවුන් දරුවා විසින් ඇද ගැනීමයි. පහත read more ක්ලික් කිරීමෙන් ඔබට ඒ පිලිබඳ වැඩි විස්තර දන ගත හැකිය.

* Twin to Twin Transfusion Syndrome (TTTS) යනු කුමක්ද?

TTTS යනු එක හා සමාන නිවුන් දරුවන් දෙදෙනෙකු පිළිසිඳ ගෙන ඇති අවස්ථාවක දැකිය හැකි සහ ලක්ෂණයකි. මෙම අවස්ථාවේ ඔවුන් එකම වැදෑමහ බෙදා ගනිති. එහි ඇති ලේ නහර වල අවිධිමත් පිහිටීමක් ඇතිවී වැදෑමහ අසමාන ලෙස බෙදා ගන්න අවස්ථාවක් උදාවේ. එක දරුවකුගේ සිට අනික් දරුවා වෙත රුධිරය ගලා යයි.

* මෙය දරුවන් කෙරෙහි බලපාන්නේ කෙසේද?

මෙහි ඇති කනගාටුදායක තත්වය වන්නේ මුලින්ම ගැටලුවක් නැති පිළිසිඳ ගැනීමකින් ආරම්භ වී ගර්භනී සාමය අතර මැදදී මෙම තත්වය මතු වීමයි. දළ වශයෙන් නිවුන් දරු පිළිසිඳ ගැනීම් වලින් 10% කදී පමණ මෙම තත්වය වාර්තා වී ඇති අතර අල්ට්‍රා සවුන්ඩ් පරීක්ෂාව නිසා බොහොමයක් දරුවන් බේරා ගැනීමට හැකියාව ලැබී ඇත. ඉහත දක්වූ පරිදි එක දරුවකු බොහෝ පෝෂ්‍ය පදාර්ථ උරා ගනිද්දී අනික් දරුවා පෝෂණය අඩුවෙන් ලැබීම නිසා අඩුවෙන් වැඩීමට හෝ මිය යාමට පුළුවන. ඊට අමතරව දරුවා වැඩෙන මාධ්‍යයේ වන තරලයද අඩුවේ. මෙයට හේතුව වන්නේ එම තරලය බොහෝ විට නිපදවෙන්නේ දරුවාගේ මුත්‍ර වහනය මගිනි. රුධිර නාල නිසා එක දරුවෙක් අනෙක් දරුවාගෙන් රුධිරය ලබන බව අප සඳහන් කළෙමු. එවිට වැඩියෙන් රුධිරය ලබන දරුවාගේ හදවතට දැරිය නොහැකි ලේ ප්‍රමාණයක් පොම්ප කිරීමට සිදුවී එම දරුවාගේද හදවත අක්‍රිය වීමට ඉඩ ඇත.

* TTTS තත්වය ඇති බවට රෝග ලක්ෂණ

- කුස තුල සිටින දරුවන් දැඩි වේගයෙන් වර්ධනය වන බවක් මවට දැනීම

- ගර්භාෂයේ ප්‍රමාණය සති ගණන සමග බලන විට ඉතා විශාල වීම

- උදරයේ වේදනාව, හිරවන ගතිය සහ ගර්භාෂයේ සංකෝචනය (හැකිලිඉමක්) වැනි දෙයක් දැනීම

- එක වරම බර වැඩි වීමක්

- මුල් අවධියේම අත පය ඉදමීම

* අල්ට්‍රා සවුන්ඩ් ස්කෑන් මගින් දැනගත හැකි දේ

- වැදැමහ දරුවන් දෙදෙනා බෙදාගෙන සිටින බව සහ monochromatic තත්වය

- නිවුන් දරුවන් දෙදෙනාම පිරිමි හෝ දෙදෙනාම ගැහැණු දරුවන් වීම

- ඉතා තුනී පටලයකින් වෙන්වී තිබීම

* මෙම තත්වය ඔබටත් ඇතිවී නම් කල යුත්තේ කුමක්ද?

ඔබටත් මෙම තත්වය ඇති බව දැනගත් පසු ඔබ නිතරම අවධානයෙන් සිටිය යුතුය. උදරයේ දැනෙන සුළු වෙනස් වීමක දී හෝ වහාම වෛද්‍ය උපදෙස් පතන්න. නිවැරදි පෝෂණය ලබා ගැනීම, සුළු ව්‍යායාම වල යෙදීම ආදිය වෛද්‍ය උපදෙස්  පරිදි සිදුකරන්න. සියල්ලටත් වඩා ඔබේ මානසික තත්වය ශක්තිමත් කරගැනීමත් ඉතා වැදගත්. මෙම අවදානම් තත්වය නිසා ඔබට දරුවකු හෝ දෙදෙනාම අහිමි වීමේ ඉඩ කඩ ඇති බව දන්නා නිසා ධනාත්මකව සිතා කටයුතු කරන්න. නමුත් ඔබ ප්‍රවේසම් වුවහොත් සහ නිසි ප්‍රතිකාර ලැබුනොත් දරුවන් දෙදෙනාම ගලවා ගැනීමේ හැකියාවත් ඇති බව අමතක කරන්න එපා...

.................

ඔබට ඇති වෛද්‍ය ගැටළු අසන්න මෙහි ක්ලික් කරන්න, Ask a Doctor | වෛද්‍යවරයාගෙන් අසන්න

.................

දරුපල අහිමි නම් සලකා බැලිය යුතු IVF ප්‍රතිකර්මය

දරුපල අහිමි නම් සලකා බැලිය යුතු IVF ප්‍රතිකර්මය

 දරුවකු නැති සොවින් ඇතැම් තරුණ යුවල විඳින දුක අසීමිතයි. නමුත් ඔබ නිසි ලෙස මේ ගැන දනුවත් නම් ඔබට කල හැකි ප්‍රතිකර්ම බොහොමයක් තිබෙනවා. අද අපි එයින් එකක් ගැන ඔබට කරුණු ගෙන එන්නට සිතුවා... එය හැඳින්වෙන්නේ IVF ලෙස. (පහත දැක්වෙන Read More ක්ලික් කර වැඩි දුර කියවන්න.)

* කුමක්ද මේ IVF?

IVF යනු "In vitro fertilisation" යන්නට කෙටියෙන් කියන නමක්. මෙහිදී සිදුවන්නේ, විද්‍යාගාරයක් තුලදී ඩිම්බ සහ ශුක්‍රාණු සංසේචනය කිරීමට සැලස්වීමයි. මෙය කරනුයේ ඒ පිලිබඳ විශේශඥයින් අතිනුයි. මෙය සිදු කිරීම සඳහා කාන්තාවගේ ඩිම්බයන් සැත්කම් ක්‍රමයක් මගින් ඉවතට ගන්නා අතර, පුරුශයාගේ ශුක්‍රාණුද ආරක්ෂා සහිතව ගෙන එය විද්‍යාගාර තත්වයන් යටතේ සංසෙචනය කරනු ඇත. ඉන් පසුව, සන්සෙචනය වූ ඩිම්බය සහ ශුක්‍රාණුව කලළයක් බවට පත්වේ. එම කලළය ඉතා ප්‍රවෙසමින් මවගේ ගර්භාශය තුල තැන්පත් කරනු ලැබේ. මෙම සම්පූර්ණ ක්‍රියාවලියට සති 4ත් - 7ත් අතර කාලයක් ගතවේ. ඉන්පසු දරු කලළය ගර්භාශය තුල වර්ධනය වේ.

* මෙම ප්‍රතිකර්මය කෙරෙන්නේ කෙසේද?

ඔබගෙ ඩිම්බ නිශ්පාදනය අඩු මට්ටමක පවතී නම් මුලින්ම ඔබට අදාල බෙහෙත් වර්ග නියම කර එම නිශ්පාඩනය වඩි කරනු ඇත. ඉන් පසුව පහත දක්වන පියවර එකින් එක අනුගමනය කරනු ලැබේ.

1. ඩිම්බ සහ ශුක්‍රාණු සාම්පල ලබා ගැනීම අල්ට්‍රා ස්වුන්ඩ් ස්කෑන් පරීක්ශාවක් මගින් ඔබේ ඩිම්බයන් නිසි ලෙස මුහුකුරා ගොස් ඇති දැයි බලනු ඇත. එම ඩිම්බ නිසි ලෙස වර්ධනය වී ඇතිනම් වෛද්‍යවරයා විසින් එය ඉතා සූක්ශම උපකරනයක් මගින් එලියට ගනු ඇත. මෙය මඳක් වේදනාකාරී නමුත් දරුණු නොවේ. මෙයට සමගාමීව ඔබගේ ස්වාමි පුරුශයාගෙන් ශුක්‍රනාණු සාම්පලය ලබා ගැනීම සිදුවේ. සමහර අවස්ථාවලදී යුවලගෙ කැමැත්ත මත පමණක් බාහිර පාර්ශවයන්ගෙන් ඩිම්බ/ ශුක්‍රාණු ගෙන මෙම ප්‍රතිකර්මය කරන අවස්ථාද ඇත.

2. ඩිම්බ සංසෙචනය සහ කළලය ඔබේ ඝර්භාශය තුල තැන්පත් කිරීම විද්‍යාගාර තත්වය යටතෙ ඔබගෙ ඩිම්බ සහ ශුක්‍රාණු එකට තබා එය සංසෙචනය වීමට ඉඩ සලස්වයි. දවසක් ඇතුලත එම සංසෙචනය සිදුවී ඇතිනම් තවත් දින දෙකක් ඇතුලත එය ඔබගෙ ගර්භාශයේ තැන්පත් කිරීමට කටයුතු කරනු ඇත. ඩිම්බය සන්සෙචනය වූ පසු එය කළලයක් බවට පත්වේ. සමහර ප්‍රතිකාර මධ්‍යස්ථාන වල කළලය ඔබේ ගර්භාශයේ තැන්පත් කිරීමට පෙර වර්ණදේහ වල ඇති සංකූලතා පිළිබඳ පරීක්ශාවක් ද සිදු කරයි. මෙය කර ගත හැකි නම් ඉතා වටිනා පරීක්ශාවකි. එමගින් ඔබට මලදරු උපත් සහ වෙනත් සංකූලතා අඩු කර ගැනීමේ අවස්ථාව ලැබේ. සාර්ථක ලෙස සංසෙචනය වූ තවත් කළල තිබෙ නම් ඒවා පසු කාලීනව භාවිතය සඳහා තැන්පත් කිරීමේ පහසුකම්ද ඇතැම් විද්‍යාගාර ඔබට ලබා දෙනු ඇත. මෙය ඉතාම හොඳ දෙයකි.

* IVF ප්‍රතිකර්මයේ ප්‍රයෝජනවත් භාවය

ඔබේ ශරීරයේ පැලෝපියන් නළය හානිවී ඇති හෝ නිසි ලෙස පිහිටා නොමැති විට ඔබට මෙම IVF ප්‍රතිකාරය ගැනීම සලකා බැලිය හැක. තවද, සමහර පුරුෂයන්ගේ ශුක්‍රාණු ප්‍රමාණවත් තරම් සාරවත් නොවන විට මෙය උපකාරී වේ. නමුත් ශුක්‍රාණු අධික ලෙස දුර්වල නම් වෙනත් ප්‍රතිකාරද අවශ්‍ය වේ. මෙම ප්‍රතිකාරයට යොමු වීමට පෙර අවුරුදු දෙකක් වත් ස්වභාවික ලෙස ගැබ් ගැනීමකට උත්සාහ කර බලන්න.

* IVF ප්‍රතිකර්මය අවදානම්ද?

IVF නිසා නිවුන් හෝ ඊට වැඩි ප්‍රමාණයක් දරු උපත් සම්භාවිතාව වැඩිවේ. අප මීට පෙර ඔබට දක්වූ පරිදි, නිවුන් හෝ ඊට වැඩි දරුවන් ගණනක් එක වර පිළිසිඳ ගැනීම අවදානම් තත්ව රැසක් ගෙන එයි. එනිසා IVF නිසා එම අවදානමට මඟ පාදන බව කිව හැකිය. Ovarian hyper stimulation syndrome (OHSS) - මෙම සහලක්ෂණය නිසා උදරයේ වේදනාවක් ඇති කරවයි. සමහර මවු වරුන්ට හුස්ම ගැනීමේ අපහසුතා, උදරයේ තරලයක් පිරීම, ලේ කැටි ගැසීම් ඇතිවීම ආදිය සිදුවිය හැක. මෙම ලක්ෂණ දැනුනොත් වහාම වෛද්‍ය උපදෙස් පතන්න. ආසාදන: ඩිම්බයන් එලියට ගැනීමේදී භාවිතා කරන උපකරණ නිසා සමහර ආසාදන ඇතිවිය හැක. නමුත් නවීන සහ ඉහල තත්වයේ ප්‍රතිකාර මධ්‍යස්ථාන වල මෙයට ඉඩකඩ ඉතා අවමය. යම් ආකාරයකින් සිදු උනොත් වෛද්‍ය වරයා ඔබට බෙහෙත් නියම කරනු ඇත.

...............

ඔබට ඇති වෛද්‍ය ගැටළු අසන්න මෙහි ක්ලික් කරන්න, Ask a Doctor | වෛද්‍යවරයාගෙන් අසන්න

ස්නානයේදී මේ ගැනත් සැලකිලිමත් වන්න,• ස්නානයට සුදුසුම වෙලාව දහවල් කාලයයි. (විශේෂයෙන් සෙම රෝගීන් සදහා) •

ස්නානයේදී මේ ගැනත් සැලකිලිමත් වන්න

• ස්නානයට සුදුසුම වෙලාව දහවල් කාලයයි. (විශේෂයෙන් සෙම රෝගීන් සදහා) • ගල් හා රළු බුරුසු යොදා සම ඇතිල්ලීමෙන් වළකින්න. මෙමගින් සම මතුපිට කුණු ඉවත් වන්නා සේ දුටුවද එමගින් සිදුවන්නේ ඒ මතුපිට ඇති සියුම් සම හම යාමක් බව දැනගන්න. ඒ සදහා මෘදු යමක් භාවිතා කරන්න.

 ස්නානයේදී මේ ගැනත් සැලකිලිමත් වන්න

• හිසට යොදන ෂැම්පු සහ කන්ඩිෂනර් මුහුණට හෝ සිරුරට නොතැවරෙන සේ ගෙල පහළට කර හිසකෙස්ද පහළට කර ගල්වා සෝදා හරින්න. නැතහොත් ඔබේ මුහුණේ , නළලේ,සිරුරේ සමමතුපිට ,පිටේ වැනි ස්ථානවල මේවා රැදීමෙන් සියුමි බිබිලි ලප කැලැල් මතුවේ.
• හොදින් ෂැම්පු හා සබන් යනතුරු ඇල් ජලයෙන් සිරුර සෝදාගත් පසුව ස්නානය අවසන් කරන්න. ඒ නිසා සබන් ගෑමට පෙර ඇල් ජලය දොවා ගත්තාට වඩා සබන් ගැමෙන් පසුව ඇල් ජලය දොවාගත යුතු බව මතක තබාගන්න.
• කිසිම අවස්ථාවක හිසකෙස් පිස දමන විට හිස තද කර තුවායෙන් හිස පිරිමැදිම නොකරන්න. එවිට තෙත් ගතියට බුරුල් වී කෙස් ගස තව තව ගැලවී යාම සිදු වේ. එමෙන්ම හිස පහළට දමා හිසකෙස් අගට තුවායෙන් ගසමින් ජලය ඉත් කිරිම නොකරන්න. එමගින් ඔබේ හිස කෙස් අග කලක් යනවිට පැලි යාවි.
• සිරුර පිසදමන විටද තුවායෙන් සම තද කර අතුල්ලමින් පිරිමැදිම නොකරන්න. විශේෂයෙන්ම ඔබේ මුහුණ ස්නානයෙන් පසු හැකි තරම් සිරුර සහ මුහුණ තෙත මාත්තු වන ලෙස පමණක් පිස දමන්න. සිරුරේ ජලය රදා පවතින්නට නොදි හිසේ සිට පාදාන්තය දක්වාම ජලය හොදින් පිස දමා හරින්න. නැතිනම් ජලය රැදුණු ස්ථානවල සම පසුකලෙක වියළි ස්වභාවයක් ගනී. විශේෂයෙන්ම දෙපා.
• හැකි නම් ස්නානයෙන් පසුව සිරුර පුරා බොඩිලෝෂන් වර්ගයක් ආලේප කරන්න. එමගින් සම වියළිම වැළකී සම සිනිදු වේ.

 ස්නානයේදී මේ ගැනත් සැලකිලිමත් වන්න

sinhalamag.com

දුගී ගැහැනියක, තම නිරුවත පිරිමියකුට ප්‍රදානය කරන්නේ ඇයි?

ලිංගිකත්වය යනු මිනිස් සංහතිය ඇරඹුමේ සිට නිබඳ අවධානයටත් කුතුහලයටත් ලක්වන විෂය පථයකි. මානව ශිෂ්ටාචාරය ඇරඹුමේ සිට ඊට කිසියම් අලෙවි වටිනාකමක් ද ලැබි ඇති බවක් පෙනෙයි. ලොව ප්‍රථම වෘත්තිය වශයෙන් බොහෝ දෙනෙකු හඳුනාගෙන ඇති ගණිකා වෘත්තිය එළිදකින්නේ එහි ප්‍රතිඵලයක් ලෙසිනි.

මිනිස් සංහතියේ විකාශයත් සමග ඉතා සෘජු ලෙස සමාජ බද්ධ මාතෘකාවක් වශයෙන් පරිනාමය වූ ලිංගිකත්වය ඉතිහාසයේ යම් යම් අවස්ථාවන් හි පූජනීයත්වයට පත් වූ බව ද නිසැක ය. මාතෘ මූලික ඉන්දු නිම්න ශිෂ්ටාචාරයේ මාතෘ දෙවඟන පිදීමේ ප්‍රධානතම සංකේතය ඇගේ යෝනියයි. පසුකාලීනව භාරතයේ පැවැති වෛදික පීතෘ මූලික සමාජයේ දී මෙම පූජනීයත්වය පුරුෂ ලිංගය වෙතට ආරෝපණය කරන ලදී. ඒ ශිව ලිංගය පූජාර්හ වස්තුවක් ලෙස සැලකීමෙනි. අද ද ශිව ලිංගය හින්දුන්ගේ පරම පූජනීය වස්තුවක් ලෙස සැලකෙයි.

ලෙවි ස්ට්‍රවුස් යනු විසි වන සියවසේ ලොව බිහි වූ විශිෂ්ටතම මානව සහ සමාජ විද්‍යාඥයෙකි.  මානව සහ සමාජ විද්‍යා විෂය ක්ෂේත්‍රයේ පෙරැලිකාරයකු  වශයෙන් සැලකුණු ස්ට්‍රවුස් වරක් පවසා ඇත්තේ මිනිසාගේ  බොහෝ සංස්කෘතික භාවිතයන්  තුළින් ඔවුන්ගේ ලිංගිකත්වය ද නිරූපණය කෙරෙන බවකි.

ඔහුගේ මෙම ප්‍රකාශය නූතනය සමඟ කෙතරම් බද්ධ වේ දැයි අපට පුදුම සිතෙනුයේ වර්තමාන ජනප්‍රිය සංස්කෘතිය  තුළ ලිංගිකත්වය සඳහා ඇති  අසීමාන්තික අගැයුම සහ ඉල්ලුම පිළිබඳව සිතන විටය. එය අතීත සමාජයේ මිනිසා ලිංගිකත්වය කෙරෙහි දැක්වූ පූජනීය ආකල්පවලට කෙසේවත් නොදවෛනි තත්ත්වයකි.

ජනප්‍රිය සංස්කෘතිය ස්ථාපිත වීමට හා ප්‍රවර්ධනය වීමට ලිංගිකත්වයෙන් ලැබි ඇති පිටිවහල සුළුපටු නොවේ. මෙය තවත් එළි පිටම දැක්වුව හොත් ලිංගිකත්වය යනු ජනප්‍රිය සංස්කෘතියේ විකාශනය සහ ව්‍යාප්තිය සඳහා තුඩු දෙන ප්‍රධාන ගාමක බලවේගයකි.

මෙවන් තත්ත්වයක් යටතේ ජනප්‍රිය සංස්කෘතිය තුළ ලිංගිකත්වය ව්‍යාප්ත වීම, විවිධාංගීකරණයට ලක්වීම මෙන්ම සුභාවිතයටත් අවභාවිතයටත් නැංවීම ඉතා සුලබව දැකිය හැකි තත්ත්වයකි.

මේ දිනවල විකාශය වන, ජයප්‍රකාශ් ශිවගුරුනාදන් අධ්‍යක්ෂණය කළ ‘මුතු පලස’ ටෙලි නාට්‍යය තුළින් කලා ක්ෂේත්‍රය තුළ සිදුවන ලිංගික අවභාවිතයක් පිළිබඳව සාකච්ඡා කෙරේ. ඒ නිළියක වීමේ අරමුණින් ගමින් නගරයට පැමිණෙන සුරූපී තරුණියක කලා ක්ෂේත්‍රයේ පිරිස් විසින් ලිංගික අවභාවිතය සඳහා නැඹුරු කර ගැනීමට දරන වෑයම පිළිබඳ සිදුවීම් දාමයක් ඉදිරිපත් කිරීමෙනි.

ස්ත්‍රී දූෂණය, අපයෝජනය,  අපහරණය, කුට්ටනය ආදී නීතිමය වශයෙන් විවිධ නම්වලින් හැඳින්වෙන, සමාජයේ සිදුවන අනේකවිධ ලිංගික සුරාකෑම් පිළිබඳව කතාබහට ලක් කෙරෙන ටෙලි නාට්‍ය මීට පෙර අප කොතෙකුත් දැක තිබේ.

එහෙත්, කලා ක්ෂේත්‍රය තුළ සිදුවන ලිංගික අවභාවිතාව පිළිබඳව ප්‍රථමවරට සාකච්ඡා වනුයේ මෙම ටෙලිනාට්‍යයෙන් විය යුතුය. එනිසාම එය ටෙලි නාට්‍ය ක්ෂේත්‍රය තුළ ආන්දෝලනයකට ලක්ව ඇති බවක් ද පෙනෙයි.

මෙම ආන්දෝලනය කෙතරම් ප්‍රබලද යත් ටෙලි නිර්මාණවේදීන්ගේ සංසදය එම ටෙලි නාට්‍යයට විරෝධය දක්වමින්, එය විකාශය කරන මාධ්‍ය ආයතනයට පෙත්සමක් ඉදිරිපත් කොට ඇති බව ද දැන ගන්නට ලැබිණ.

එමෙන්ම පසුගිය සති කිහිපය තුළ මෙම සංසිද්ධිය සම්බන්ධයෙන් පුවත්පත් වෙත අදහස් පළ කළ කලා ශිල්පීන්, විශේෂයෙන් ජනප්‍රිය නිළියන් කිහිපදෙනකු කළ ප්‍රකාශ ද ඉතා වැදගත් ය.

මේ නිළියන් අතරින් සමහරකු ප්‍රකාශ කොට ඇත්තේ අපගේ ටෙලි නාට්‍ය ක්ෂේත්‍රය තුළ සිදුවන එවන් ලිංගික අවභාවිතාවන් තමන් අත් දකිනු තබා අඩුම තරමින් කිසිම දිනයෙක එවැන්නක් පිළිබඳව අසාවත් නොමැති බවකි. මේවා ද බුද්ධිමත් සහෘදයන්ගේ සංතීක්ෂණ අවධානයට යොමු විය යුතුය.

මෙහි දී මගේ සිහියට නැංවෙනුයේ ‘කාල් බි හෝම්බර්ග්’ නම් කතුවරයා ලියූ ‘ලිංගිකතා හා ජනප්‍රිය සංස්කෘතිය’ (sexualities and popular culture) නම් කෘතියයි. ‘ප්‍රාන්ස් කෆ්කා’ වැනි ‍ලේඛකයන් තම කලා කෘතීන් සඳහා පාදක කරගත් ලිංගිකත්ව වාද (Gender Issues) පිළිබඳ ක්‍රියාකාරී  ව්‍යුහය (mechanism) හෝම්බර්ග් තම කෘතිය මගින් මනාව විග්‍රහ කරයි.

ඔහු එහිදී අනාවරණය කරන අන්දමට ජනප්‍රිය සංස්කෘතිය තුළ සිදුවන ලිංගික භාවිතය අප සාම්ප්‍රදායික ජන සමාජයේ සිදුවන, නැතහොත් සයිමන් නවගත්තේගමයන් තම ‘සුද්දීලාගේ කතාවෙන්’ ගෙනහැර දැක්වූ ගැමි සමාජයේ ලිංගික සූරාකෑමකට වඩා ඉඳුරාම වෙනස්ය.

අප සාම්ප්‍රදායික  සමාජයේ දුගී ගැහැනියක බොහෝ විට පිරිමියකු උදෙසා තම ලිංගිකත්වය ප්‍රදානය කොට ඇත්තේ තම මූලික ජීවන අවශ්‍යතා සඳහා මිස සිය කාමාශාවන් සංතෘප්ත  කරගනු පිණිස නොවේ. එහෙත් හෝම්බර්ග් විස්තර කරන අන්දමට  ජනප්‍රිය සංස්කෘතිය තුළදී එම තත්ත්වය භාවිතයට  නැගෙනුයේ ඊට ඉඳුරාම  වෙනස් අයුරකිනි. එමඟින් සැබැවින්ම එහි ලිංගික  සූරාකෑමක් තිබේද යන්න නැවත නැවතත් සිතා බැලීමට ඔහු අප ‍පොළඹවයි.

කාන්තාවකගේ ලිංගික අගය වැඩිවීමට තුඩු දෙන සාධක කිහිපයකි. යෞවන බව හා රූමත් බව ඉන් ප්‍රධාන වේ. එමෙන්ම කවර හෝ ක්‍රමයක් ඔස්සේ ජනප්‍රිය සංස්කෘතික ධාරාවට පිවිසෙන බොහෝ කතුන් තුළ ඉහත කී සුදුසුකම් නොඅඩුව පවතින බව පෙනේ.

ඒ අනුව ඉදිරි ගමනක් යනු පිණිස රූපවාහිනී සිනමා වැනි ජනප්‍රිය කලා ක්ෂේත්‍රයකට පිවිසෙන තරුණියන්ට තමන් සතු  කුශලතාව සහ ශිල්පීය ප්‍රගුණතාවට අමතරව ඉහත සඳහන් සාධකවලින් ද අනියම් පිටුබලයක් ලබාගත හැකි බව  හොඳින්ම වැටහේ.

ඒ ක්ෂේත්‍රය තුළදී තමන් වෙත සෘජුව හා අනියමින් එල්ල වන ලිංගික යෝජනා නිසාය. කලා ක්‍ෂේත්‍රයේ පවත්නා කටුක යථාර්ථයක් වන එවැන්නක් පිළිබඳව නොදන්නා බවක් ක්‍ෂේත්‍රය තුළින්ම අසන්නට ලැබිම විස්මයට කරුණකි.

එමෙන්ම ජනප්‍රිය සංස්කෘතියේ ප්‍රධාන ගාමක බලයක් සහ තමන් සතුව ඇති වටිනා සම්පතක් වන රූමත් බව හා යොවුන්  බව මුල් කොටගත් ලිංගිකත්වය යොදාගෙන තම ඉදිරි ගමන යාමේ හෝ එය වඩාත් ජව සම්පන්න කර ගැනීමේ අදිටනක් කලා ක්ෂේත්‍රයට පිවිසෙන ඇතැම් තරුණියක තුළ ඇතිවීම අතිශය ස්වභාවිකය. මෙය ප්‍රසිද්ධියේ කතා කළ නොහැකි අසභ්‍ය දෙයක් වශයෙන් කෙසේවත් සැලකිය නොහැක.

එමෙන්ම එම ක්ෂේත්‍ර තුළ කිසියම් කීර්ති නාමයක්, පෞරුෂයක්, ප්‍රතාපයක් දනවන හෝ එම ක්ෂේත්‍ර තුළින්  ඉදිරියට යාමට තමන්ට අනියමින් හෝ පිටුබලයක් සපයා ගත හැකි වෙනයම් ක්ෂේත්‍රයකට අයත් පුද්ගලයකු සමඟ සහ සම්බන්ධතා ගොඩනගා ගැනීමේ ස්වභාවික නැඹුරුවක් මොවුන්ගෙන් සමහරකු තුළ ඇති වනු ඇත.

මෙබඳු තරුණියන් හා සබඳතාවයන්ට එළැඹෙන  ඉහත සඳහන් කළ පුරුෂයෝ ද හුදෙක් ලිංගික සංතර්පනයෙන් පමණක් නොසෑහෙති. මොව්හු බොහෝ විට එම යුවතියන්  කෙරෙහි එක්තරා අන්දමකට ආධ්‍යාත්මිකව බැඳෙති. ඒ මිනිසාගේ ලිංගිකත්වය හා ආධ්‍යාත්මිකත්වය අතර ඇති නෛසර්ගික සම්බන්ධතාව නිසා ය. එමෙන්ම මෙවන් පුරුෂයෝ තම ජීවන  අසංතෘප්තතාව පිටු දැකීමට ද එම අධ්‍යාත්මික බැඳීම ඉවහල් කර ගැනීමට වෙර දරති.

එමෙන් ම එවන් පුරුෂයන් බොහෝ විට සිතනුයේ මෙම තරුණියන් උදෙසා තමන් විසින් කරනු ලබන  කැපවීමට හිලව් වනු පිණිස ඔවුන් ද තමන් හා ආධ්‍යාත්මිකව ද බැඳෙනු ඇතැයි කියා ය. ‘

එහෙත් මෙම තරුණියන්ගේ චින්තන පරාසය හුදෙක් එම පුරුෂයන් කෙරෙහි පමණක් ආශක්ත වූවක් නොවේ. කලා ක්ෂේත්‍රය පදනම් කරගත්  ඔවුන්ගේ චින්තන පරාසය ඊට වඩා බෙහෙවින්  පුළුල් විය හැකිය, සංකීර්ණ විය හැකිය.

ඒ අනුව කාල් බි හෝම්බර්ක් මෙබඳු පුරුෂයන්ට අපූරු නාමයක් ද ප්‍රදානය කර සිටියි. එනම් ‘ආධ්‍යාත්මික එඩේරුන්’ (spiritual Shepherds) යන්න ය. ඔවුන් අනුන්ට පස්ගෝරසය ලබා ගැනීමට ඉඩ සලසමින් දෙනුන්ට තණ කවා  ‍පෝෂණය කරන බවක් ඔහුගේ මෙම ‘එඩ්ර’ යන සෝපාහාසාත්මක වදනේ සරල අරුත් ගැන්වීම ය.

එමෙන්ම මෙම සංසිද්ධිය අවසානයේ ‘නැටූ තොවිලයකුත් නැති බෙරේ පළුවකුත් නැති’ තත්ත්වයක් තුළ ඉච්ඡාභංගත්වයට පත් වන්නටත්  ජීවිතයේ ප්‍රබල පරාජයක් අත්කර ගැනීමටත් එම පුරුෂයන්ට ද සිදුවන බව හෝම්බර්ග් මනාව තහවුරු කරයි.

ඒ අනුව ‘මුතු පලස’ ටෙලි නාට්‍යයෙන් පැවසෙන කලා ලෝකයේ ලිංගික අවභාවිතය පිළිබඳ මෙවන් නවතම පැතිකඩ ද ඉදිරියටත් කලා නිර්මාණ තුළින් විවර කිරීම නූතන සමාජ විඥානය වඩාත් ‍පෝෂණය කිරීමට හේතුවනු ඇත. එමෙන්ම වත්මන් ඒකාධිකාරී බොළඳ රාමුවෙන් ඉවතට ඇද ටෙලි නාට්‍ය විෂය පථය විවිධාංගීකරණය කිරීමටත් එය බෙහෙවින් ඉවහල් වනු ඒකාන්ත ය.

-ආචාර්ය සාලිය කුලරත්න-http://lankatouch.com/

දියබත ....සාදන ක්‍රමය.ශරීරයේ ඇතිවන දැවිලි ගතිය පහ වීමට. . මෙය ඉතාමත් පෝෂ්‍යදායක ඔසුවක් වැනි ආහාරයක් නිසා යෞවන වයසේ සිටින දරුවන්ට වඩාත් ගුණදායකයි. . බඩේ තුවාල ඇති අයට ඉතා ප්‍රත්‍යක්ෂ ඔසුවකි

දියබත කියන්නේ පාරම්පාරික ගැමි දිවිය එක්ක ඉතා අනාදිමත් කාලයක ඉඳලා බැඳිලා තියන කෑමක්.

අවශ්‍ය ද්‍රව්‍ය :-
1.රාත්‍රියේ උයා ගත් බත් ටිකක්
2.එයට දැමීමට බත් වැසෙන තරමට ජලය
3.පොල් බෑයක්
4. රතුළුණු ගෙඩි 5-6 ක් හෝ රටලුණු ගෙඩි 1 ක්
5.වියලි මිරිස් කරල් 5-6 ක්
6.දෙහි ගෙඩියකින් බෑයක්
7 ලුණු අවශ්‍ය පමණට
8.සුද්ද කරපු පොල් කූරක්

සාදන ක්‍රමය
පෙර දින රැයේ ඉතිරි වූ බත් භාජනයකට දමන්න. පසුව ලියා ගත් රතු ලූණු, කබලේ බැදගත් වියලි මිරිස් කැබලි, ලුණු ස්වල්පයක් හා පොල් කිරිද දමා හොදින් අනා ගන්න. ඒ අතර දෙහි ඇඹුල් මිශ්‍ර කර නැවත අනා ගන්න. පසුව කෑමට ගන්න.
*****************************************************

ගැස්ට්‍රයිටීස් හෙවත් අම්ල පිත්ත රෝග තත්ත්වයෙන් පෙළෙන අයට ඉතාමත් ගුණදායක මෙය මෙසේ පිළියෙල කරගන්න.
අවශ්‍ය දෑ :-
1. හාල් පත භාගයක පමණ බත්,
2. ලියාගත් රතුළුණු අත්ලකින් භාගයක් පමණ
3. පොල් බෑයක කිරි,
4. දෙහි බෑයක ඇඹුල්,
4. ලුණු ස්වල්පයක්,
5. කිතුල් හකුරු අවශ්‍ය පමණ.

සකස් කරන අන්දම.
රාත්‍රියේ ආහාරය සඳහා මැටි හැලියක පිසූ බත් (එතරම් වැදගත් නොවේ. වෙනත් භාජනයක වුවත් කම් නැත්, නමුත් හැකි හැම විටම මැටි භාජන පාවිච්චි කරන්න.) වතුර පීරිසි කෝප්ප දෙකක් දමා නෑබිලියකින් වසා රැය පහන් වනතෙක් තැබිය යුතුයි.

පසුවදා උදයේ එයටම කපාගත් රතුළුණු දමා, මිරිකාගත් පොල්කිරි එක්කර දෙහි ඇඹුල් සහ ලුණු මිශ්‍ර කර කිතුල් හකුරු එක්කර උදේ ආහාරයට ගත හැකියි.

මෙහි ඇති වැදගත්කම. හෙවත් ප්‍රයෝජන.
1. කටතොල් පැලෙන අයට ඉතාමත් ගුණදායක ඔසුවකි.
2. වඩාත්ම විශේෂ කාරණය වන්නේ අද සමාජයට මහත් පිලිලයක් වී ඇති ගැස්ට්‍රයිටීස් නම් අම්ල පිත්ත නමින් ආයුර්වේදයේ හඳුන්වන අවස්තාවට ඉතාමත් ගුණදායක වීමයි. බලන්න අද මේ රෝග තත්වය නිසා කී දෙනෙක් නම් දුක් විදිනවද, ඔබ මෙය පාවිච්චි කර අප දැණුවත් කරන්න. එවිට අන් අයටද මෙයින් ප්‍රයෝජනයක් ලැබීමට සිත් දෙයි. මේ නිසා අපේ රටට නාස්තිවන ධනය ශ්‍රමය කොපමණද, ඒ නිසා නිකමට වගේ අරන් බලන්න.
3. ශරීරයේ ඇතිවන දැවිලි ගතිය පහ වීමට.
4. මෙය ඉතාමත් පෝෂ්‍යදායක ඔසුවක් වැනි ආහාරයක් නිසා යෞවන වයසේ සිටින දරුවන්ට වඩාත් ගුණදායකයි.
5. බඩේ තුවාල ඇති අයට ඉතා ප්‍රත්‍යක්ෂ ඔසුවකි

ඔස්ටියොපරෝසියා‍ව අස්ථි ඛාදනය හෙවත් ඔස්ටියෝපොරෝසිස් රෝගයට තුරුණු වියේ සිටම වැට බඳිමු

ඔස්ටියොපරෝසියා‍ව
අස්ථි ඛාදනය හෙවත් ඔස්ටියෝපොරෝසිස් රෝගයට තුරුණු වියේ සිටම වැට බඳිමු
****************************************************

ඕනෑම පුද්ගලයෙකුගේ සුන්දරතම අවධිය දඟකාර යෞවනය වීම නිසායි. නමුත් ලෝක ධර්මතාවය මත ඹ්නෑම පුද්ගලයෙකු රෝගීවීම , මහළු වීම ස්වභාවයෙන්ම සිදුවන බැවින් මහළු වියේදි හටගත හැකි අසහනකාරී රෝග තත්ත්ව වලින් මිදීමට ජීවිතයේ තරුණ සමයේදී අවධානය යොමු කළ යුතුය. සිතා බලා බුද්ධිමත්ව තීරණ ගැනීමට තරුණවිය තරම් සුදුසු වෙනත් අවධියක් නොමැත්තේය.
Osteoporosis හෙවත් අස්ථී ඛාදනය යන වදන ඔබ අසා ඇතිවාට සැක නැත. එහි අරුතද ඇතැම් විට නොදන්නවා නොවිය හැක. Osteo යනු ‛‛අස්ථී සම්බන්ධ’’ (Concerning bone or bones) යන්නයි. porosi යනු ‛‛ඛාදනය’’ හෙවත් අස්ථියේ ඝනත්වය අඩු කිරීමයි. මේ හේතුව නිසා අස්ථීවල ශක්තිමත් බව, සංධාරණ හැකියාව, අස්ථීවල ක්‍රියාකාරිත්වය බෙහෙවින්ම අඩු වී යා හැකියි. අස්ථීවල ශක්තිමත් බව අඩුවීම අප කාහටත් සුළු කොට තැකිය නොහැක. මන්ද, සිරුරේ පදනම බිඳ වැටීම මත සදාකාලික පීඩාකාරී තත්ත්වයනට ඉඩ සලසන බැවිනි.

සිරුරේ සැඟවී ඇති රෝගයක් වන Osteoporosis මුලින්ම හඳුනාගත හැක්කේ උකුලේ හෝ මැණික් කටුවේ අස්ථීන්වල සිදුවිය හැකි බිඳුමක් ලෙස විය හැකියි. Osteoporosis හී රෝග නිධානය සොයාගැනීම එහි රෝග ලක්ෂණ මතුවීමට පටන් ගැනීමෙන් පසුව කරන්නට සිදු වීම මෙම රෝගයේ විශේෂත්වයකි. මෙම තත්ත්වය නිසාම Osteoporosis මුල් අවධියේදීම හඳුනාගෙන වළක්වා ගත යුතු රෝගී තත්ත්වයක් ලෙස වෛද්‍යවරුන් විස්තර කරති.
Osteoporosis රෝගය පිළිබඳව විසල් වෛද්‍යමය පර්යේෂණ සිදුකළ රටවල් අතර ඕස්ට්‍රේලියාව, මහා බ්‍රිතාන්‍යය හා ස්විස්ටර්ලන්තය ප්‍රධාන තැනක් ගනී.

මෙම රටවල් සිදුකළ පර්යේෂණ සමස්තයක් වශයෙන් ගත් කළ, එමඟින් සනාථ වන්නේ අස්ථී ස්කන්ධය හා ජාන වෙනස්වීම් අතර ^VDR - vitamin-D receptor) බිඳලිය නොහැකි වු සම්බන්ධතාවයක් ඇති බවයි. පරම්පරාගතව දිඑැදචදරදිසි රෝගය පවතිනුයේ නම් ඒ සදහා කලින්ම ප්‍රතිකාර විධි පවත්වා ගැනීම තුළින් සම්පුණ වශයෙන්ම රෝගය සුවකර ගත හැකි බව වෛද්‍ය මතයයි. නමුත් රෝගය මතුවී දිගු කාලයක් ගතවන තුරුම හඳූනාගත නොහැකි විම නම් අවාසනාවට කරුණකි.



මෙම රෝගය වැඩිපුරම දක්නට ලැබෙනුයේ ආසියා මහද්වීපයේ බව සමීක්ෂණ වලින් හෙළිවී ඇත.



මේ තත්ත්වයට හේතු මොනවාද ?

· ආසියානු කලාපයේ ජනතාවගේ ආයු අපේක්ෂාව ඉහළ යාම.

· වැරදි සහගත වු ආහාර විහරන රටාවන්

· අලස දිවි පැවැත්ම හා වැරදි ජීවන රටා

· මිථ්‍යා අදහස් හා මතිමතාන්තර ප්‍රමුඛස්ථානයක් ගනී.



Osteoporosis ඇති වීමට ප්‍රධාන හේතු

· ස්ත්‍රී භාවය- කාන්තාවන් අතර බහුලව පවතින රෝගයක් වීම. පිරිමින්ට වඩා 3රැ4 ක ගුණයකින් මෙම රෝගය කාන්තාවන් අතර පවතින බව හෙළිවී ඇත. කාන්තාවන් ගේ අස්ථී සිහින් වීම සහ අස්ථීවල ඝනත්වය අඩුවීම මීට හේතුවයි. තවද ආර්ථවහරනයේදී කාන්තාවන්ගේ අස්ථී දිරාපත් වීමද මීට හේතුවක් ලෙස ගත හැකියි. මේ තත්ත්වය අවුරුදු 40-60ත් අතර වයස් කාණ්ඩයේදී බහුලවම දක්නට ලැබේ.

· වයස්ගත භාවය - වයසින් වැඩිවත්ම රෝගය ඇති විමේ අවදානම වැඩි විය හැකියි.

· පරම්පරාගත භාවය - පරම්පරාවේ යම් පුද්ගලයෙකුට මෙම රෝගය තිබීම.

· ආර්තව චක්‍රය නැවතුණු කාන්තාවක් වීම. නැත හොත් ඔසප් චක්‍රය අක්‍රමවත් කාන්තාවක් වීම.

· කැල්සියම් වැනි අත්‍යාවශ්‍ය මුලද්‍රව්‍ය පෝෂකයන් අඩංගු ආහාර පාලනය කිරිම.

· අපස්මාරය සඳහා ගන්නා විවිධ ඖෂධයන් නිසා

· පුරුෂ ලිංගික හෝර්මෝනයක් වන testosteron ප්‍රමාණය අඩු වීම නිසාය.

· අලස , නුගත් ජිවන රටාවන්

· දුම්පානය සහ මධ්‍යසාර වලට තදින් ඇබ්බැහි විම.

· දිළිදු බව, අස්ථී වර්ධනය සඳහා අවශ්‍යවන පෝෂ්‍යදායක ආහාර-පානාදිය නොලැබීම.

· අයහපත් දෛනික ජීවන රටාවන් සහ චර්යාවන්

පහත කරුණු පිළිබදව සළකා බැලීමෙන් මුල් අවධියේදීම රෝගය හඳුනාගෙන ප්‍රතිකාර කිරිම නුවණට හුරුය.



Osteoporosis රෝගයෙන් වැළකෙන අයුරු



තරුණ අවධියේදීම රෝගය හඳූනාගැනීමට ක්‍රියා කළ යුතුයි. වැරදි සහගත චර්යා... පුරුදු වලින් අත්මිදීම කළ හැකි මුල්ම හා නිවැරදිම ප්‍රතිකාරයයි. තරුණ වියේදී සිරුර හැඩට පවත්වා ගැනීම සඳහා ආහාර පාලනය කිරිම කාන්තාවන් පමණක් නොව පුරුෂයන්ගේද විලාසිතාවක් වී ඇත. මේ හේතුව නිසාම සිරුරේ අස්ථීවල සවිමත් බව ඇතිකිරිමට අත්‍යාවශ්‍ය වන කැල්සියම් අයන ^ca+2) ප්‍රමාණය තුනී වී යා හැකියි. යොවුන් වියේදී 45% -50% අතර කැල්සියම් ප්‍රතිශතයක් සිරුරට අත්‍යාවශ්‍ය වන බැවින් ආහාර පාලනය නිසා වයසට යත්ම මෙම රෝග තත්ත්වය මතුවීම කිසිවෙකුටත් වැළැක්විය නොහැකියි.



වයස අවුරුදූ 20 දී පමණ අස්ථීවල දිග, ඝනත්වය, ශක්තිමත් බව වැඩි වීම සදහා ක්‍් අවශ්‍යවන බැවින්, ආහාරයට ප්‍රමාණවත් ලෙස කැල්සියම්වලින් සරු පෝෂක එකතු නොවුවහොත් අස්ථීවල වර්ධනය, ක්‍රියාකාරීත්වය සිදු නොවීම මත දුර්වල අස්ථී පද්ධතියට හිමිකම් කීමට සිදුවීම දිඑැදචදරදිසි රෝගයට අත වැනීමක් වැනිය.



එම නිසා උපතේ සිටම වයස අවුරුදු 30 දක්වා පමණ කාලයක් ගතවන තුරුම වැඩිපුර කැල්සියම් ප්‍රමාණයක් ආහාරයට එක්කර ගැනීම නුවණට හුරුය.



හැඩට නටන්නට, දුවන්නට, පනින්නට හැකි දඟකාර යෞවනය බුද්ධිමත්ව සතුටින් ගතකීරීම මෙන්ම අයහපත් සෞඛ්‍ය පුරුදු ඉවතලා යහපත් සෞඛ්‍ය පුරුදු ඇතිකර ගැනීම අදට වඩා හෙටට ප්‍රයෝජනවත් වන බව වටහාගත යුතුයි. Osteoporosis රෝගයට වැට බැඳීමට සුදුසුම අවධිය යෞවනයයි. එම නිසා ඔබ බුද්ධිමත් නම් ඔබේ අස්ථි සුවසෙතෙහිද ආරක්ෂාවේ පෙරවදන සැපයෙන්නේ තුරුණු වියෙහි ඔබේ ක්‍රියාකාරිත්වය මතම බව හොඳින් වටහාගත යුතුයි.

ගැස්ට්‍රයිටිස් ආහාර වේල් මග හැරීමෙන් ඇතිවන ලෙඩේ බඩේ දැවිල්ල

ගැස්ට්‍රයිටිස්
ආහාර වේල් මග හැරීමෙන් ඇතිවන ලෙඩේ බඩේ දැවිල්ල 


‛බඩේ දැවිල්ල’ ,‛බඩේ ගෑස්’, හෝ ගැස්ට්‍රයිටිස් නමින් සාමාන්‍ය ව්‍යවහාරයේ දි හැඳින්වෙන මෙම රෝගය බොහෝ දෙනාගේ ජිවිත සමග



තදින් බැදී පවති. මෙම රෝග තත්ත්වය සඳහා හේතු වනුයේ ආමාශයේ හා ග්‍රහණියේ ඇති වන්නා වු තුවාලයි. මේවා පෙප්ටික් වණ (peptic



ulcer) ලෙස හඳුන්වනු ලබයි.ආහාර මාර්ග නාලය ශ්ලේශ්මල ලෙස හැඳින්වෙන දියරමය පටලයකින් ආවරනය වී පවතී. සාමාන්‍ය තත්ත්ව



යටතේදි ආමාශයේ නිපදවන හයිඩ්‍රොක්ලෝරික් අම්ලයට මෙම ශ්ලේශ්මල පටලය ඔරොත්තුදෙයි. නමුත් විවිධ හේතු නිසා මෙම



හයිඩ්‍රොක්ලෝරික් අම්ලය ශ්ලේශ්මල පටලය සමඟ ගැටී තුවාල ඇති කරයි. මේවා ‛පෙප්ටික් වණ’ ලෙස හඳුන්වයි.







පෙප්ටික් වණ වල ස්වභාවය



මේ අයුරින් ඇති වන්නා වු පෙප්ටික් වණ මුලික කොටස් 02 කට වර්ග කල හැක.



එනම්,



(01) තිව්‍ර වණ (Acute ulcers )





(02) නිදන්ගත වණ(Chronic ulcers)තීිව්‍ර වණ ප්‍රමාණයෙන් කුඩා වන අතර ඒවා ආමාශයේ හා ග්‍රහනියේ අභ්‍යන්තර පෘෂ්ඨයේ මතු පිට



දැක ගත හැකිය. මේවා සුව වීම සදහා සති තුනක් වැනි කෙටි කාලයක් ගත වෙයි.



නමුත් නිදන්ගත වණ ප්‍රමාණයෙන් විශාල වන අතර සංකිර්ණත්වයෙන්ද වැඩිය. මේවා වඩාත් ගැඹුරින් පිහිටා ඇති අතර සුව වීමට



දිගු කාලයක් ගතවේ.







රෝගය වැළදිමට බලපාන සාධක



1. සමහර පුද්ගලයන් තුළ දක්නට ලැබෙන ආමාශය සංකෝචනය විමේ වැඩි නැඔුරුතාවය. මේ නිසා ඔවුන්ගේ



හයිඩ්‍රොක්ලෝරික් අම්ල නිෂ්පාදනය වැඩි වීමෙන් හානි ඇතිවෙයි.





2. රුධිරයේ ඇති ආමාශයික අම්ල නිපදවීම උත්තේජනය කරන හෝමෝන සාන්ද්‍රණය ඉහළ යෑම. (මේ නිසා ආමාශයික



අම්ල නිෂ්පාදනය ඉහළ යයි.)





3. හයිඩ්‍රොක්ලෝරික් අම්ල ස්‍රාවය නිෂේධනය කරන්නා වු පොස්ටග්ලැන්ඩින් හෝමෝන සාන්ද්‍රණය අඩු වීම.





4. ඇස්ප්‍රින් වැනි ඖෂධ භාවිතය, හෝමෝන ඖෂධ භාවිතය, වේදනා නාශක භාවිතය. (මේවා ශ්ලේශ්මල පටලයට හානි



පමුණුවයි.)





5. මධ්‍යසාර භාවිතය.





6. ඇතැම් බැක්ටීරියාවන් උදා -: හෙලිකො බැක්ටර් පයිලෝරි





දුම්බොන පුද්ගලයන්ගේ තුවාල සුව වීමට වැඩි කාලයක් ගත වෙයි. මිට අමතරව මානසික ආතතියද මේ



රෝග තත්ත්වය කෙරෙහී බලපාන බව සොයා ගෙන ඇත. එමෙන්ම පුරුෂයන් මෙම රෝගයෙන් පෙළීමේ වැඩි



නැඔුරුතාවයක් දක්වයි. එසේම O රුධිර ගණය ඇති අයට රෝගය වැලඳිමේ ඉඩ-කඩ වැඩි බවද පෙනී යයි.







බඩේ දැවිල්ල නිසා ඇති වන අහිතකර බලපෑම්





(01) ආමාශයික හා ග්‍රහණිගත තුවාල වලින් රුධිරය වහනය විම.





(02) විශේෂයෙන්ම නිදන්ගත තුවාල පිපිරිමෙන් ‛පරිතාන ප්‍රදාහය’ රෝග තත්ත්වය සෑදිම .





(03) ආමාශයේ හා ග්‍රහණියේ තුවාල සුව වු විට පටක ප්‍රතිස්ථාපනය වන්නේ තන්තුමය පටකයකින්ය. (Fibrosis) මෙම



තන්තුමය පටකය නිසා ආහාර මාර්ගයේ අවහිරතාවයන් ඇතිවීමට හැක.





(04) නිදන්ගත තුවාල කල් යැමේදි පිළිකා සෛල බවට පත් වීම.(විශේෂයෙන් නිදන් ගත තුවාල මත හෙලිකො බැක්ටර්



පයිලෝරි වැනි බැක්ටීරියාවන් ක්‍රියාකාරී වු විට පිළිකා සෑදිය හැක.)

පිළිකා සඳහා හේතු කවරේද?

පිළිකා සඳහා හේතු කවරේද?



අප සියලුදෙනාටම පිළිකා සෑදීමේ අවධානමක් පවතී. බෝහෝ පිළිකාවන් බිහිවනුයේ කිසිමහේතුවක් දක්නට නොමැතිවය. කෙසේ නමුත් සමහර අවදානම් සාධක (Risk factors) නිසා ඔබගේ ශරීරයේ සෛල එකක් හෝ කිහිපයක් අසාමාන්‍ය සෛලබවට පත්කර පිළිකාබවට හැරවීමට හැකියාව පවතී. පහත දක්නට ඇත්තේ එවැනි අවධානම් සාධක කිහිපයකි. 







1. රසායන පිළිකාකාරක (chemical carcinogens)



“පිළිකාකාරකයක” යනු සමාන්‍ය සෛල විනාශකර එය වඩාත් පිළිකාකාරී සෛලයක් බවට පත් කළහැකි දෙයකි. රසායන, විකිරණ, ආදී වශයෙන් පිළිකාකාරක පවති. පිළිකාකාරකයකට වැඩිපුර නිරාවරණයවීම, පිළිකාවක් සෑදීමට ඇති හැකියාව වැඩිවනබව පොදු නීතියක් ලෙස සලකනු ලබයි. හොඳින්ම දන්නා පිළිකාකරක කිහිපයක් පහත දැක්වේ.





§ දුම් පානය - දුම් බොන්නන්ගේ සිරැරේ පෙනහළු, මුඛය, අන්නසෝත්‍රය, මුත්‍රාශය සහ අග්න්‍යාශය යන ප්‍රධාන අවයව තුළ පිළිකා හටගනී. සියලුම පිළිකාවලින් හතරෙන් එකක් පමණ දුම් පානය නිසා හට ගනී. දුම් බොන්නන්ගෙන් දහයෙන් එක් අයෙක් පමණ පිළිකා නිසා මියයයි. ඔබ තදින්ම දුම් පානය කරන්නේ නම් , පිළිකා අවධානමද වැඩිය. ඔබ දුම් පානය නවත්වන්නේනම් පිළිකා අවධානමද සැළකිය යුතුලෙස පහල බසී.





§ රැකියාස්ථානයේ රසායානද්‍රව්‍ය - උදාහරණ ලෙස බෙන්සීන්, ඇස්බැස්ටස්, ෆොර්මැල්ඩිහයිඩ්, යනාදිය. ඔබ මේවා සමග ගැවසෙමින්, ගැටෙමින් අනාරක්ෂිතව කටයුතු කළහොත්, ඔබට සමහර පිළිකා වැළඳීමේ හැකියාව වැඩිවීයයි. උදාහරණ වශයෙන් “මෙසෝතීලියෝමා”(mesothiliyoma) නමැති පිළිකා තත්වය පවතින රෝගියෙකුට ,පෙර අවස්ථාවකදී ඇස්බැස්ටස්වලට නිරාවරණයවීමත් අතර සම්බන්ධයක් පවතී.





2. වයස



ඔබ වයසට යත්ම පිළිකා සෑදීමට ඇති අවධානමද වැඩිවයයි. මෙයට හේතුවනම් ශරීරයේ සෛලවලට කාලයත් සමග සිදුවන හානිය එක් රැස්වීමයි.එසේම ඔබ වයසටයත්ම අසාමාන්‍ය සෛලවලට එරෙහිව සිරුරේ ඇති සටන් කිරීමේ හැකියාවද අඩුවීයයි. එනම්, හානියට පත්වූසෛල නැවත අළුත්වැඩියාවටත්,සිරුරේ අසාමාන්‍ය සෛලවලට විරුද්ධව සටන්කරන ප්‍රතිශක්ති පද්ධතියත්, කාලයත් සමගම අකාර්යක්ෂමබවට පත්වීමයි. එමනිසා අවසානයේදී එක් විනාශයටපත්වූ සෛලයක් නොනැසී පැවතීමට හැකියාවලබා , පසුව පාලනයකින් තොරව ගුණනයවේ. බොහෝ පිළිකා වයස්ගත පුද්ගලයින්ගේ දක්නටලැබේ.







3. ජීවන ක්‍රමය



ආහාර සහ අනෙකුත් ජීවනක්‍රමයේ සාධක පිළිකා ඇතිවීමකෙරෙහි බලපායි.



උදාහරණවශයෙන්:



§ ඔබ විශාල වශයෙන් පළතුරු සහ එළවළු ආහාරයට ගත්හොත් සමහර පිළිකාවලින් වැළකීමට හැකිය.එවා මගින් පිළිකා වළක්වන ආකාරය තවමත් සම්පූර්ණයෙන් අවබෝධකරගෙන නොමැත. මෙම ආහාරවර්ග විටමින් හා ඛනිජ ලවණවලින් අනූණවන අතර 'ප්‍රතිඔක්සිකාරක' නම් වූ රසායන ද්‍රව්‍ය අන්තර්ගතවේ.

එවා ශරීරය තුලට එන විනාශකාරී රසායන ද්‍රව්‍යවලින් ශරීරය ආරක්ෂාකරයි. පළතුරු සහ එළවළු කොටස් පහක් අවම වශ්යෙන්වත් අප දිනකට ගතයුතුය. සමහර ප්‍රවීණ යෝ මීටත් වඩා ඒවා ආහාරයට ගැනීමට නිර්දේශ කරති.





§ තෙල් සහිත ආහාර පමණට වඩා ආහාරයට ගැනීම සමහර පිළිකා ඇති කරවීමට හේතුවේ.





§ සමහර පිළිකා ඇතිකරවීම කෙරෙහි අධික තරබාරු බව , නිති පතා ව්‍යායාම නොමැතිකම සහ අධික ලෙස මත්පැන් පානය හේතුපාදකවේ.





4. විකිරණය



විකිරණය යනු පිළිකාකාරකයකි. උදාහරණ ලෙස විකිරණශීල ද්‍රව්ය්‍ය සහ න්‍යෂ්ඨික ප්‍රතික්‍රියා, ලියුකීමියා (leukemia) සහ අනෙකුත් පිළිකා ඇතිකරයි. අධික ලෙස හිරු නිරාවරණයවීම සහ අව්වට පිළිස්සීම මගින් (අධෝරක්ත විකිරණ ඒ-UVA සහ බී-UVB මගින්) සමෙහි පිළිකා ඇතිවීමේ අවධානම වැඩිකරයි. විකිරණ මාත්‍රා (radiation dose) ප්‍රමාණය විශාලවත්ම පිළිකා ඇතිවීමේ අවධානමද ඉහළයයි.කුඩා ප්‍රමාණයේ විකිරණ මාත්‍රා නිකුත් කරන තනි එක්ස් කිරණ පරීක්ෂණයකින් වන හානිය ඉතා අවමවේ.





5. ලෙඩරෝග බෝවීම



සමහර වෛරස හා පිළිකා අතර සම්බන්ධයක් පවතී. උදාහරණ ලෙස හෙපටයිටිස් ඒ සහ බී (hepatitis A & B) වෛරස දිගටම ආසාදනයවී පවතින පුද්ගලයෙකුට අක්මාවේ පිළිකා සෑදීමට ඇති අවධානම වැඩිවේ. එසේම හ්‍යුමන් පැපිලෝමා වෛරසය (human papiloma virus) සහ ගැබ්ගෙල පිළිකා අතර සම්බන්ධයක් පවතී. ගැබ්ගෙල පිළිකා වැළැඳී ඇති බොහෝ කාන්තාවන් හට ජීවිතයේ කුමන අවධියකදී හෝ හ්‍යුමන් පැපිලෝම වෛරසයේ උප-කාණ්ඩයක් (sub-types) වැළඳී ඇතිබව්ට සොයා ගෙනඇත. කෙසේ නමුත් බොහෝමයක් වෛරස සහ වෛරස ආසාධනයන් හා පිළිකා අතර සමිබන්ධයක් නොපවතී.





6. ප්‍රතිශක්ති පද්ධතිය



දුර්වල වූ ප්‍රතිශක්ති පද්ධතියක් හිමි සමහරඅයට සමහර පිළිකා වැළඳිමට ඇති ඉඩකඩ වැඩිය. උදාහරණ ලෙස ඒඩිස් (AIDS) හෝ ප්‍රතිශ්ක්තිය වලක්වන ප්‍රතිකාර(immune suppressive therapy) ගනු ලබන පිරිස්.



7. ඔබගේ ජාන සැකැස්ම.



සමහර පිළිකාවලට ජාන සමග දැඩි සම්බන්ධතාවක් පවතී. උදාහරණ ලෙස සමහර ළමාවිය පිළිකා තත්වවලදී අසාමාන්‍ය ජාන, සෛලයන් අසාමාන්‍ය බවට උත්තෙජනය කරවීම, ජාන පිළිකාකාරක වනබවට නිදසුන්වේ. අනෙක් වර්ගයේ පිළිකාවලට සමහර ජාන හේතුවන බව එතරම් පැහැදිළි නොමැත. එලෙසම උපතින්ම ලද සමහර ජාන නිසා ඔවුන් පිළිකාකාරක සහ වැරදි ආහාර පුරැදු වැනි අනිසි බලපෑම්වලට සුළු ප්‍රතිරෝධිතාවයක් දැක්වීමද පිළිකා ඇතිවීමට බලපායි.







බොහෝ පිළිකා ඇතිවනුයේ සාධක කිහිපයක සම්මිශ්‍රණයක් වශයෙනි !



පිළිකාකාරයක් සමග ගටෙන සෑමදෙනාම සහ සෞඛ්‍ය සම්පන්න නොවන ජීවිත ගතකරන සියලුදෙනාටම පිළිකා සෑදේයයි, කීම වැරදිවේ. උදාහරණ ලෙස දුම් බොන සියලුදෙනාටම පිළිකා නොවැළඳේ. ඇත්ත වශයෙන්ම අප සියලුදෙනාම බොහෝ අවස්ථාවලදී, ඉතා සුළු සාන්ද්‍රණ වශයෙන් පිළිකාකාරක ද්‍රව්‍යවලට නිරාවරණයට ලක්වේ.පිළිකාවලින් වළක්වාගැනීම සඳහා අප ශරීරයට විශේෂිත යාන්ත්‍රණ පවතී.



උදාහරණ වශයෙන්, පිළිකාකාරක මගින් හානියට පත්වන බොහෝ සෛල තමන් විසින්ම අළුත්වැඩියා කරගැනීමට හැකියාව පවතී. ඒලෙසම ශරීරයේ ප්‍රතිශක්ති පද්ධතිය සමහර අසාමාන්‍ය සෛල පිළිකාබවට පත්වීමට පෙර විනාශකරදමයි. එලෙසම එක් පිළිකාකාරකයක් එක ජානයකට පමණක් හානි ගෙනදේ.



නමුත් සෛල පාලනයකින් තොරව ගුණනයවීම ඇරඹුම සඳහා ජාන දෙකක් හෝ වැඩි ගණනක් හානිවී හෝ වෙනස්වී තිබියයුතුය.බොහෝ අවස්ථාවලදී ජාන සැකැස්ම , පිළිකාකාරකවලට නිරාවරණයවීම, වයස , ආහාර පුරැදු , ඔබගේ ප්‍රතිශක්ති මට්ටම, ආදී වශයෙන් සාධක සමූහයක එකතුවක් ලෙස පිළිකාවක් හට ගනියි.

ඉරුවාරදය , හිසකැක්කුම,,

ඉරුවාරදය හෙවත් ‛මිග්‍රේන්’ ඉතාමත් බහුලව දැකිය හැකි රෝගයකි. අප සායන වලදී දකින්නට ලැබෙන බහුලතම කැක්කුමහිස  මෙය වේ.ඉරුවාරදය ගැන අපට අහන්න ලැබෙනුයේ අද ඊයේ සිට නොවේ.එය, මානව ශිෂ්ඨාචාරය තරම් පැරණි ඉතිහාසයක් ඇත්තකි.

ක්‍රිස්තු පූර්ව 1200 තරම් එපිට දී ඉරුවාරදය පිළිබඳ විස්තර ඊජීප්තුවේ දී පැපිරස් පත්‍රවල පවාද සටහන් විනි. බටහිර වෛද්‍ය විද්‍යාවේ පියා ලෙස සැලකෙන හිපොක්‍රටීස් ද මේ සම්බන්ධයෙන් පැහැදිලි කොට ඇති බව අතීත වාර්තාවල සටහන්ව තිබේ.

ඉරුවාරදය හෙවත් මිග්‍රේන් යනු කුමක්ද? ඉරුවාරදය යනු වැරදි හැඳින්වීමකි.


ඉර එළියේ බලපෑමක් නෑ

බොහෝ දෙනකු හිතනුයේ මෙය ඉර එළියේ බලපෑමක් නිසා ඇති වන රෝගයක් යනුවෙනි. රෝගයට හේතුව ඉරුඑළියේ බලපෑමක් නොවේ. මොළයේ ඇතිවන වෙනස්කමකි.
මේ වෙනස්කමේ ප්‍රතිඵලය ලෙසින් ඇතිවෙන්නේ හිසරදය වේ. හිසරදය යනුවෙන් හැඳින්වුවද එය සාමාන්‍ය හිස කැක්කුමට වඩා තරමක් වෙනස් වේ.

මෙහිදී වේදනාව ඇතිවන්නේ මුළු හිස පුරාම නොවේ. හිසේ පැත්තක පමණි. හිසේ පැත්තක ඇතිවන වේදනාව යන තේරුම ඇතිව කාලයක් මෙය හෙමි ක්‍රේනියා ලෙසින් හැඳින්වෙනු ලැබීය.
විශේෂයෙන් පාසල් වයසේ තරුණ තරුණියන් තුළ මේ රෝගය බහුලව දැකිය හැකි බව පෙනී ගොස් ඇත. මෙය ස්ත්‍රී පක්‍ෂයට වැඩිපුර වැළඳෙන රෝගයක් බවද සොයා ගෙන ඇත.
සංඛ්‍යා ලේඛනවලින් හෙළිවන පරිදි ගැහැනුන්ට ඉරුවාරදය ඇතිවන තරම් පිරිමින්ට ඉරුවාරදය ඇතිවන තරම මෙන් දෙගුණයක් වෙන බව පෙනී යති.

ඉරුවාරදයට හේතු

කපාලය තුළ මෙන්ම කපාලයෙන් පිටතට ඇති රුධිර නාළවල සිදුවන වෙන්වීමක් නිසා මෙය ඇති වේ.

මේ රුධිර නාලවල සිදුවන වෙනස්වීමට හේතුව හිස්ටමීන, නොඇඩ්‍රිනලීන්, සෙරටොනින් වැනි රසායනික ද්‍රව්‍යවල වෙනස් වීමෙහි ප්‍රතිඵලයක් බව පෙනී ගොස් තිබේ.

ඉරුවාරදය - ලක්ෂණ
මෙය වරින් වර ඇතිවන හිසරදයකි.
හිසරදය වැළඳෙන අවස්ථා දෙකක් අතර කාලය තුළදී රෝගියා සම්පූර්ණයෙන්ම සාමාන්‍ය තත්ත්වයේ පසුවේ. රෝගය ඇති වන්නට පෙර අනතුරු හැඟවීමේ ලක්‍ෂණ පහළ වේ.

සමහර අයට මෙම හිසරදය හටගැනීමට විනාඩි 10කට 15කට පෙරාතුව ඇස් පෙනීම අඩුවී යති.

ඇතැම් විට දීප්තිමත් ආලෝකයක් පෙනිය හැක.

දෘෂ්ඨි පරාසය කලින් තිබුණු මට්ටමෙන් හරි අඩක් බවට පත්විය හැක.
ඇතැම් විට සිරුරේ එක පාර්ශ්වයක් හිරිවැටෙති.

අනතුරු ඇඟවීමේ ලක්‍ෂණ ඇති වී විනාඩි දහයකින් පමණ තදබල හිසරදයක් හටගනී.

මේ හිසරදය හරියටම යමකින් අනිනවා වැනි ඉතාමත් තදබල වේදනාවකි.

ඒ සමගම දැඩි විඩාපත් ගතියක් හා නිදිමතක් දැනේ. ඇතැම් විට වමනය එන ගතියද තිබේ. කෑම අරුචිය ඇනේ.
ආලෝකය දෙස බැලීමට අපහසු ගතියක් දැනේ.

හිසරදය පවතින කාලසීමාව පැයක පමණ සිට දවසක් දෙකක් වුවද විය හැක.

ඉන්පසු සාමාන්‍ය තත්ත්වයට පැමිණේ.
ඉරුවාරදය ඇති විට කළ යුත්තේ කුමක්ද ?

බොහෝවිට ඉරුවාරදය සඳහාම විශේෂයෙන් භාවිතා කරන ඖෂධීය ප්‍රතිකාර භාවිතා කරන්නට සිදුවේ. වෛද්‍ය උපදෙස් මත එම ඖෂධ භාවිතා කිරීමෙන් සාමාන්‍ය ජීවිතයක් ගත කරන්නට මං පාදගත හැකිවේ.රෝගය ගැන මතක තබාගත යුතු තවත් වැදගත් කරුණක් තිබේ. බොහෝ විට ඔබ ගන්නා ආහාර පාන, ඔබේ මානසික තත්ත්වය හා වෙනත් පුරුදු ඉරුවාරදය කෙරෙහී බලපාන බැව් සොයාගෙන ඇත.
* ඉරුවාරදය කෙරෙහි බලපාන ආහාර වර්ග පුද්ගලයාගෙන් පුද්ගලයාට වෙනස්වීමට ඉඩ තිබේ. විශේෂයෙන් චෙක්ලට්, මාළු, මාස්, කිරි, පැණිරස වැනි ආහාර පාන ඉරුවාරදය ඇති කරන්නට මුල්වන ආහාර වර්ග අතර මුලින්ම කියැවේ.

* මත්පැන් හා දුම්වැටි ඉරුවාරදය වැඩිකරන බව ප්‍රකට සත්‍යයකි. ආහාර ගැනීමේදී ප්‍රවේශම්වීම වැදගත් බව දැන් අපි දනිමු. පරක්කුවී ආහාර ගැනීමේදීද, කුසගිනි සමගද හිසරදය ඇති වේ. විවේකය නැතිකම, නිදි මැරීම, දුර ගමන් යාම ආදී අවස්ථාවලදී හිසරදය ඇති වේ. මෙම හිසරදය ඇතිවූ විට තරහයාම, නුරුස්සනා ගතිය ඇතිවේ.

අර්සස්.. අති වන්නේ අපගේ ගුද මර්ගයේ.අර්ශස් මුලාරම්භය මලබද්ධයය.['යමෙක් යමි රටක උපන්නේ වීද ඔහුට එම රටේ උපදනා ඔසු වර්ග හිතවේ'.

අර්ශස්
අර්සස් අති වන්නේ අපගේ ගුද මර්ගයේ.ලේ අර්ශස් අති වලදි සිදුවන්නෙ ලේ නහර එකතුවක් තුල රුදිර ගමනට බාධා අති වී රුදිරය එකතුවීමයී.මෙසේ රුධිරය එකතු වී පිම්ඹුන ස්වභාවයක් ගන්නා නහර ගුලියක් ලෙස පිටතට නෙරා එ්ම අපි අර්සස් ගෙඩි ලෙස ගැමි ව්වහරයේ හදුන්වනවා.අර්ශස් ගෙඩි තුල ඇත්තේ රුදිරය පිරුන නහර නිසා එහි අැති වන තුවාල වීම් වලදි ගුද මර්ගයෙන් මලපහ සමග ලේ පිටවීම් අර්සස් අමාරුවේ රෝග ලක්‍ෂණ හදුන්වනවා.අර්සස් ගෙඩි තුල අැත්තේ රුදිරය පිරුන නහර නිසා එහි අැති තුවාල වීම් වලදි ගුද මාර්ගයෙන් මලපහ සමග ලේ පිටවීම අර්ශස් අමරුවෙි රෝග ලක්‍ෂණයයි෴අර්ශස් අමරුව අැති අයට දෑනෙන රෝග ලක්‍ෂණ අතර ගුද මර්ගයේ ගෙඩි වෙනි දේ අතට අසුවීම,මලපහ සමග ලේ පිටවීම ,ඇතැම්විට ගුද මර්ගයේ කැසීම්,අදික වෙිදනා ,කටු වලින් අනින්නා මෙන් දැනිම එම වෙිදනා වැඩි වු විට කේන්ති යාම් අාධී දේ දක්නට ලැබෙනවා.
අර්ශස් අකාර 2 ට දක්නට ලැබේ.එනම් ගුද මාර්ගයේ කිසියම් ස්ථානයට පිටතින් අැති අර්ශස් ගෙඩි හා එම ස්ථානයතට එතුළතින් ඇති ගෙඩි ලෙස එ්වා නම් කරන්න පුලුවනි.කෙසේ වෙතත් ජීවිතයම එපා කරවන මෙම රෝගය නොසෑදෙන්නේ ගේ කුරුල්ලට පමනකි.
අර්ශස් මුලාරම්භය මලබද්ධයය.අර්සස් රෝගියෙකුට අාහාර අරුචිය ,බඩ පුරවා දැමීම,උගුරට ඒම,උදරයේ වෙිදනාව,මලබද්ධය,උදරය තුළ ශබිධ ඇතිවීම්,අාදි ලක්‍ෂණ රාශියක් පවතී.වාත අර්ශස් වලදි වියළි අංකුර අැතිවිම්,වෙිදනාව පිත්ත අර්ශස් වලදි අධික දැවිල්ල,සහ ලේ ගැලීමද, කඵ අර්ශස් වලදි ලොකු අර්ශස් ගෙඩි අැති වේ.රක්ත අර්ශස් වලදි ලේ පිට වීම් සිදුවෙි.නමුත් ගුද මාර්ගයෙන් ලේ පිටවීම අර්ශස්ම නොවන බව සිහි තබා ගත යුතුය෴අධෝගත අමිල පිත්‍ත යේ දී ගුදයෙන් ලේ පිටවෙ.මහ බඩවැලේ තුවාල ඇති අවස්ථා වලදි,ගුද ගත පිළිකා නිසාත් ලේ පිටවෙ.කෙසේ නමුත් රෝග පරික්‍ෂවෙ දි නිවැරදි රොග නිර්ණයකදි ගුද මගින් රුදිරය පිටවන අවස්ථා කෙරෙහි සැළකිළමත් වීම අමතක නොකළ යුතුය.මා කලින් සදහන් කළා අර්ශස් රෝගීන් කේන්ති කාරයින් කියලා.මීට හේතුව ගුදවලි වල හට ගනු ලබන කුඩා ගෙඩි දැඩිවීම,හා මළබද්ධය හේතුවෙන් ගුද මාර්ගය කෙළවර තද දැවිල්ලක් හා උෂ්ණයක් හට ගැනීම තුළින් මොළයේ තාප නියාමක කේන්දරය උත්තේජණය වීමයි.දෝ‍ෂ කෝපතාව මත හෝ රක්ත දුෂණය,නිසා හෝ පරම්පරාවෙන්ද අර්ශස් රෝගය හට ගන්නා බව දේශීය වෛද‍්‍ය මතයයි.සහජ අර්සස් උප්පත්තියත් සමග ඇතිවෙි.එසේ වන්නේ මව පියන්ගේ අවදිමත් ආහාර විහරණය අනුව අාර්ථව ස්‍රොණිත,ශ‍ුක‍්‍ර දෙකේ ස‍ංයෝගයයි.මෙසේ හට ගන්නා වු අර්ශස් ගුද මර්ගයේ ගුදද්වාරයේ සිට අගල් හතර හමාරක් පමන අවකාශ කොටසේ අැති ගුදවලි 3 හි හටගනි.තවද යෝනි ලිගු ගෙල,තල්ල,මුඛය නාසය කණ ඇස් පිහාටූ ඇස් තුළ ආදි තැන්වල හට ගන්නා බව කියතත් එවා අධි මාංශ නම් වු මස් දලුය.ගුද මර්ගයේ හට ගන්නා වු මාංශඅංකුරයන් පමනක් අර්ශස් වෙ.ගුද මර්ගයෙන් ස්‍රාවයක් හෝ රක්තය පිටවන ද්‍රව්‍ය ස්‍රාවයක් රහිත නම් ශුෂ්කාර්ශස් නමින් හදුන්වයි.අර්ශස් ඇති වීමට හේතු රශියකි.සුව පහසු අසුන්,යහන්,ඇසුරු කරන්නන්ටද මෙ රෝගය ඇති වීමට හේතු වන්නේ ගුද නලිකාවත් මුත්‍ර ධාරා ආදියත් පිහිටා ඇත් තේ මුලාධාර පේශිය මත නිසාය.වාඩි වී සිටීමෙදී මෙම පේශිය පීඩාවට පත් වී එ් ආස්‍රිත ගුද බිත්ති තුළ ගමන් කරන ශිරා පිම්බී දැඩි වී ගෙඩි බවට පත් වී මිදි පොකුරක් අාකාර වෙයි.ගුද මර්ගයේ ශිරා නාල තුළ රුදිරය එක්‍ රැස් වී එම නාළය පිටතට නෙරා එ්ම අර්ශස් රෝගයේ ස්වභාවයයි.අාහාර රසය බඩවැල් සිට අක්මාව කරා ගෙන යන ප්‍රථිහාරිණි මහා ශිරාව උදරාගත අර්බුද වලින් ඇහිරි අධෝගත වන පීඩනය ගුද ශිරාවන්ට බලපෑමෙන් අර්සස් රෝගය සෑදේ.මෙසේ වන්නේ කාලයක් තිස්සේ පවත්නා මල බද්ධය නිසාය.තැටමීම් මගින්ද ගුද ශිරවන් පීඩාවට පත් වෙ.
.නිතර මලබද්‍ධය
ශරීර උෂ්ණතවය,ජලය පානය අඩු කම.කෙදි සහිත ආහාර අඩුවෙන් ගැනිම,කෘතිම ආහාර නිතර ගැනීමද අර්සස් රෝගයට හේතුවකි.
මලපහ කිරිමෙදි නිතර නිතර තැටමීමද හේතුවකි.මලපහකළ යුතු බව දැනුනද පිටකළ යුතු අතර මළවෙග දරා සිටීමෙන් පසුව පිට කිරිම සදහා මළ හිරකරගෙන රෝගයට තවත් හෙතුවකි.තවද ගමනක් යාමට මලපහ පෙර මළ පිට කිරිමෙ අවශ්‍ය තා නැතිව මළ පිට කිරිම අහිතකරයි.ආහාර සදහා පළා හා කෙදි සහිත එළවලු,පළතුරු අඩුවෙන් ගැනිම,කෘතිම රස කාරක අර්ශස් රෝගයට තවත් හේතුවකි.එක් තැනක බොහෝ වේලා වාඩි වී කය නොවෙහෙසා දිගු වේලාවක් එක තැන හිද කටයුතු කරන අයට අර්ශස් ඇති වීමට ඉඩ ඇත.උෂ්ණ වීර්‍යෙන් යුතු අාහාර,නිතර ගැනිම,බල,ඉස්සන්,දැල්ලන්,ජාඩී,හුරුල්ලන්,සැමන්,විනාකිරි,අන්නාසි,දුරියන්,නිතර මත්පැන් පානය,බඩගිනි මද බව දවල් නිදා ගැනිම,අධික මෙවුන්දම අර්ශස් රෝගයට හේතු කාරණා වේ෴
වෛද්‍ය-අමා සේනානි,
සිංහල වෙද මැදුර
කුරුණෑගල පාර
දිවුලපිටිය.0713199571

21

නොමේරු දරුවාට නිසි පෝෂණය ලබාදීම

නොමේරු දරු උපතක් යනු ඔබ තරමක් තැති ගැන්වීමකට ලක් කරන දෙයක් වෙන්න පුළුවන්. නමුත් නිවැරදි වෛද්‍ය උපදෙස් මත ප්‍රතිකාර ලබා දීමෙන් නොමේරු දරුවාව ක්‍රමක්‍රමයෙන් සාමාන්‍ය දරුවකුගේ තත්ත්වයට වර්ධනය කර ගත හැක. ඇතැම් විට වෛද්‍ය උපදෙස් යටතේ මෙම දරුවන්ට මවු කිරි වලට අමතර පෝෂණ අතිරේක ලබා දීමට සිදු විය හැක. එවැනි විවිධ පෝෂණ අතිරේක පිළිබඳව මෙම ලිපියෙන් සාකච්චා කරමු.

දරුවකුට වඩාත්ම ගැලපෙන පෝෂණය මවුකිරි වලින් ලැබෙන අතර පහත දැක්වෙන අතිරේක පෝෂණ සංයෝග වෛද්‍ය වරයකුගේ අනුමැතිය යටතේ පමණක් භාවිතා කල යුතුය.
 

* දරුවාට කිරි උරා බීමට නොහැකි විට

ඇතැම් නොමේරු දරුවන්ට මවු කිරි උරා බීමට නොහැකි නම් එය නල මාර්ගයෙන් ලබා දීමට සිදුවේ. නමුත් ඔබ දරුවාව හැකි සියලු අවස්තාවලදී කිරි පොවන ආකාරයට ලඟට තබාගෙන ඔබේ උණුසුම සහ ඔබේ සම ස්පර්ශය ලබා දෙන්න. එමගින් දරුවා සහ ඔබ අතර හොඳ සම්බන්ධතාවයක් ගොඩ නගනු ඇත. ඇතැම් නොමේරු දරුවන් මව් කිරි ලබා ගත්තද සාමාන්‍ය දරුවන්ට මෙන් මව් කිරි පමණක් ප්‍රමාණවත් නොවේ. එම නිසා වෛද්‍යවරු විසින් පෝෂණය අතිරේක නිර්දේශ කරනු ලබයි.
 

* නොමේරු දරුවාට රෝහලේදී දෙන අතිරේක 

මුල්ම අවධියේ දරුවාට කිරි උරාබීමට නොහැකි නම් සහ නලයක් මගින් පෙවීමටත් නොහැකි නම් නහර වලට සේලයින් දෙන ආකාරයට පෝෂණය ලබා දීමට සිදු වනු ඇත. මේ අවස්තාවේදී දරුවාගේ මුල් අවධියේ වර්ධනයට අවශ්‍ය වන ප්‍රෝටීන (ඇමයිනෝ අම්ල), විටමින, ලවණ සහ ශක්තිජනක (කාබෝහයිඩ්රේට) සහිත විශේෂ මිශ්‍රණයක් භාවිතා කරනු ඇත. ඒ අතරම ඔබේ මවුකිරි මිරිකා එකතු කර දරුවා එය බීමට සුදුසු තත්ත්වයට පැමිණි විට පෙවීම සඳහා අධිශීත කිරීමද ඇතැම් රෝහල් වල කරනු ඇත. ඊට අමතරව මවගේ කිරි ශ්‍රාවය වීම සිදු නොවේනම් හෝ ප්‍රමාණවත් නැතිනම්, විශේෂ පෝෂණ අතිරේක ඇත. එය ලබාදීමෙන් මවුකිරි වල අඩුව තරමක් දුරට පිරිමසා ගත හැක.
 

* වර්ධක සංයෝග

නොමේරු ලෙස උපන් දරුවන්ගේ බර රාත්තල් 3 1/2 වඩා අඩු වේ. මේ නිසා ඔබේ බිලිදාගේ වර්ධනයට වෙනත් ශක්ති ජනක එකතු කර ගන්නා ලෙස වෛද්‍යවරු උපදෙස් දෙයි. එසේ උපදෙස් ලබාදීමේදී වෛද්‍ය උපදෙස් මත පහත සංඝටක එකතු කර ගැනීම වැඩ යෝග්‍ය වේ. නමුත් මෙම සංයෝගය අවශ්‍ය වන්නේ දරුවාගේ අස්ථි සහ මාංශ ප්‍රමාණවත් ලෙස වැඩෙන තුරු පමණි.


    අතිරේක කැලරි
    විටමින්
    ප්‍රෝටීන්
    ඛනිජ

* හිතකර බැක්ටීරියා සංයෝගය

Probiotic ලෙස හඳුන්වන මෙම සංයෝග මගින් දරුවාගේ උදරයේ (ආහාර මාර්ගය ආශ්‍රිත) ආසාදන වලක්වයි. මෙම ප්‍රොබයෝටික් සංයෝගය නිසා necrotising enterocolitis තත්වය ඇතිවීමේ අවධානම අඩු කරයි. necrotising enterocolitis යනු දරිවාගේ බඩවල් වලට අහිතකර වන තත්ත්වයකි.  * විටමින් වර්ග අප එදිනෙදා ජීවිතයේදී භාවිතා කරන විටමින් පෙති සහ සිරප් අලුත උපන් දරුවාට දිය නොහැක. එම දරුවාට ගැලපෙන මාත්‍රාවට නිෂ්පාදනය කල විශේෂ විටමින් සංයෝග පවතී. විශේෂයෙන්ම දරුවාගේ වර්ධනයට විටමින් D අවශ්‍ය වේ. විටමින් D ශරීරය තුල නිපදවීමට හිරු එලියට නිරාවරණය වීමේදී සිදුවන අතරනොමේරු දරුවා බොහෝ විට හිරු එලියට පමණට වඩා නිරාවරණය නොකරයි. (දරුවා දැඩි හිරු එලියට නිරාවරණය වීම සමේ පිළිකා ඇතිවීමට මඟ පාදයි). වෛද්‍ය උපදෙස් මත ඔබට දරුවාට සුදුසු විටමින් සංයෝගයක් ලබා දීමට සිදුවේ. දරුවා මවුකිරි වලින් සාමාන්‍ය ආහාර වලට මාරු වන වයස වන විට දරුවාට ආහාර වලින් ප්‍රමාණවත් ලෙස විටමින නොලැබේනම් සුදුසු සිරප් වර්ගයක් වෛද්‍ය වරයා මගින් නිර්දේශ කර ගන්න.* කිරි වමනය යෑම දරුවාගේ උදරයට ආහාර ඇතුළුවන දොරටුවක් වැනි අවයවයක් පවතී. ඇතැම් නොමේරු දරුවන්ගේ මෙය නිසි ලෙස වැසී යාම සිදු නොවන නිසා එම දරුවන් කිරි වමනය කිරීම දැකිය හැක. එවිට ඔබ දරුවාට වරකට කුඩා ප්‍රමානයක් කිරි දීම සහ එම ආහාර දීමෙන් පසු ටික වෙලාවක් කෙලින් අතට තබා ගැනීමෙන් මෙමෙ තත්වය පාලනය කල හැක. කුඩා ප්‍රමාණ වලින් වැඩි වාර ගණනක් කිරි ලබාදෙන්න. දරුවාගේ පළමු අවුරුද්ද තුල මෙම තත්වය සමනය නොවේ නම් වෛද්‍ය උපදෙස් පතන්න.
 

* විශේෂ අවස්ථා

මව් කිරි අසාත්මිකතා සහිත දරුවන්ටද පෝෂණ අතිරේක නිර්දේශ කරනු ලැබේ. මෙමෙ දරුවන් සදහා විශේෂිත ක්‍රම වේද සහිත පෝෂන අතිරේක ලබා දීමක් සිදු කෙරේ. එලෙසම ආහාර දිරවීමේ අපහසුතා මෙන්ම ආහාර වලින් පෝෂණය උරා ගැනීමේ නොහැකියාව සහිත දරුවන්ටද විවිධ විශේෂිත ආකාර වලින් පෝෂණ අතිරේක ලබා දීම සිදු කෙරේ.
 

* සාමාන්‍ය මවුකිරි සහ ආහාර වලට පුරුදු කිරීම

දරුවාට කිරි උරාබීමට තවමත් නොහැකි නම් ඔබ මවුකිරි පොම්ප කිරීමේ උපකරණයක් භාවිතා කර හැක. එම පොම්ප කල කිරි විශේෂ බෝතලයක්/සූප්පුවක් හෝ නලයක් මගින් දරුවාට ලබාදෙනු ඇත. එවිට දරුවාගේ වර්ධනයත් සමග දරුවා මව් කිරි සදහා පුරුදු කර වීම පහසු වේ. දරුවා කිරි උරා බොන තත්වයට පැමිණි විට ඔබ සාමාන්‍ය ආකාරයට මවු කිරි ලබා දෙන්න. උපතින් මාස 5 පසුවන විට කෙමෙන් කෙමෙන් සාමාන්‍ය ආහාර ලබා දීම ආරම්භ කරන්න. දරුවාගේ වෛද්‍ය සංකූලතාවයක් නොමැති නම් සහ දරුවා මේ වන විට සාමාන්‍ය වර්ධනයක් පෙන්නුම් කරන්නේ නම් වෙනත් දරුවන්ට ලබාදෙන ආහාර පාන ලබා දෙන්න. නමුත් වරින් වර වෛද්‍ය වරයා හමුවී සංකූලතාවයක් තිබේදැයි සොයා බලන්න අමතක කරන්න එපා.

නිසි අවධානය ලබා දුන් විට බොහොමයක් නොමෙරූ දරු උපත් වලින් මෙලොවට පැමිණි දරුවන් ඉතාම සාමාන්‍ය තත්ත්වයට වර්ධනය වේ. එනිසා මෙය බිය විය යුතු හෝ තැති ගත යුතු තත්වයක් නොව, නිසි ලෙස දැනුවත්ව නිවැරදි ක්‍රියාමාර්ග අනුගමනය කල යුතු තත්වයකි.