THURSDAY, SEPTEMBER 5, 2013

Written on 6:30 PM

ලේසර් පණිවිඩ හුවමාරුවට නාසා ආයතනය මාරුවෙයි

අනාගතයේදී ගගනගාමීන් ට ඈත අභ්‍යාවකාශයේ සිට පෘතුවියේ HD චැනල්ස් නැරඹීමට හැකිවන තාක්ෂණයකට පියවර තැබීමට නාසා ආයතනය සූදානම් වෙනවා.

ඒ මෙතෙක් කලක් භාවිතා කළ රේඩියෝ පණිවිඩ හුවමාරු තාක්ෂණයෙන් ඔබ්බට ගොස් ලේසර් පණිවිඩ හුවමාරු ක්‍රමයට මාරුවීම නිසයි. මේ සඳහා එහි පලමු පියවර ආරම්භ වන්නේ හෙට දිනයේය.

ඒ මෙහි පරීක්ෂණ කටයුතු සඳහා පෘතුවියේ සිට චන්ද්‍රයා සමඟ පණිවිඩ හුවමාරුව සඳහා අවශ්‍ය LADEE හෙවත් Lunar Atmosphere and Dust Environment Explorer චන්ද්‍රයාගේ කක්ෂයේ රැඳවීමත් සමඟය. මෙහි පෘතුවිය මත වූ දත්ත ග්‍රාහක හා හුවමාරු මධ්‍යස්ථානය පිහිටවා තිබෙන්නේ නව මෙක්සිකෝ කාන්තාරයේය.

ඒ අනුව LADEE මඟින් තත්පරයට ලේසර් පල්ස් මිලියන ගනනක් මුදා හරින අතර ඒවා පෘතුවිය වටා පිහිටවා ඇති තවත් චන්ද්‍රිකා 3ක් හරහා ග්‍රහණය කරගනී. අනතුරුව පෘතුවියේ වලාකුළු වල තත්ත්වය විශ්ලේෂණය කර දත්ත හුවමාරු කිරීම ආරම්භ කරයි.

චන්ද්‍රයාගේ සිට පෘතුවියටත්, පෘතුවියේ සිට චන්ද්‍රයාටත් ලේසර් බීම් හරහා දත්ත හුවමාරු වන මෙය හඳුවන්නේ LLCD හෙවත් Lunar Laser Communication Demonstration ලෙසයි

මෙමඟින් තත්පරයකට මෙගාබිට්ස් 622ක් (622 Mbps or 77.75MB/S) වේගයක් සහිතව දත්ත හුවමාරු කළ හැකි අතර එය වැඩිදියුණු කරමින් තත්පරයට බිට්ස් මිලියන ගනනක දත්ත හුවමාරුවක් කිරීමට නාසා ආයතනය බලාපොරොත්තුවේ. එය HD චැනල්ස් 100ක් එක වර නැරඹීමකට අවශ්‍ය දත්ත හුවමාරුවකට සමාන බවයි සඳහන් වන්නේ.

1968 වර්ෂයේ ඇපලෝ-8 විසින් ජායාරූප ගත කල පෘතුවියේ ජායාරූපයක් එකල පෘතුවියට එවීමට දින ගනනක් ගතවිය. නමුත් මෙම ලේසර් තාක්ෂණය නිසා තත්පරයට HD හා 3D ජායාරූප සිය ගණනක් පෘතුවියට එවීමට හැකිවේ. එමෙන්ම අනාගතයේදී අහ්‍යාවකාශයේ වෙනත් ස්ථානයක ඇති රොබෝවරයෙක් පාලනය කිරීමට මෙමඟින් හැකිය.

මේ පිළිබඳ වීඩියෝවක් පහතින්.