Saturday 29 March 2014

මෛත්‍රී බුදුන් දකින්නෝ සහ නොදකින්නෝ:

මෛත්‍රී බුදුන් දකින්නෝ සහ නොදකින්නෝ:
( සියලු දෙනා අනිවාර්යෙන් කියවිය යුතු ලිපියක්)
( ගෞතම සිංහනාදය පතුරුවා හරිමින් අපි සිදුකරන මේ ධර්ම දානමය පින්කමට ඔබත් දායක වන්න. අපේ පිටුව පුරා ඇති දේ කියවා, බලා යහපත් යැයි හැගේනම් ලයික් කර අපට සහයෝගය ලබාදෙන්න. මිතුරන්ද දැනුවත් කරන්න.
https://www.facebook.com/buddhist.foundation )
,
පින්වත් යාලුවනේ අද බොහෝ දෙනා පින්කම් කරන්නෙ මේ සම්බුදු සසුනෙ නිවන් දකින්න නෙවෙයි. උත්සාහ කරන්නෙ තව කාලයක් පුලුවන් තරම් පංච කාම වස්තුන්ගේ සැප සම්පත් විදල මෛත්‍රී බුදුන් දැකල නිවන් දකින්න. එයාල හිතන් ඉන්නෙ මෛත්‍රී බුදුන් දැක්ක ගමන් නිවන බන්දේසියක තියල හම්බ වෙනව කියල. අපේ බුදුහාමුදුරුවන්ගෙ ශ්‍රාවක චරිත කියවනකොට අපිට දකින්න ලැබෙනව කල්ප ලක්ෂයක් පෙරුම් පිරුව, ලක්ෂ දෙකක් පෙරුම්පිරුව කිය කියා. එතකොට යාලුවනේ අපේ ඇත්තො හිතන විදිහට ඔය මලක් පහණක් පූජ කර කර හිටිය පිලියට නිවන් ලැබෙයිද? බලාගෙන ඉන්නකො ලැබෙනකල්.
පින්වත් යාලුවනේ අපිට ලැබෙන මනුෂ්‍ය ජීවිතය කොයිතරම් අමාරුවෙන් ලබාගත්තද කියල ඔයාල දන්නව ඇති. දන්නව ඇති කියන්නෙ අහල ඇති කියල. අර කන කැස්බෑව විය සිදුරෙන් අහස බලන කථාව ඇහල ඇතිනෙ. නියපොත්තෙ පස් තරම් ප්‍රමාණයක් නැවත ලෝකෙට එන බවත් මහපොළවෙ පස්තරම් නිරයට යන බවත් අහල ඇතිනෙ. ඒව අහල නැති අය මගෙ පරණ ලිපි කියවන්නකො. එතකොට ඉගෙන ගන්න පුලුවන් වේවි.
ඉතින් අපි මෛත්‍රී බුදුන් දකින්න හිතන් ඉන්නකොට ඒ කාලෙ අපි තිරිසන් ආත්මෙ හිටියොත්, අපාගාමී වෙලා හිටියොත් කොහොමද නිවන් දකින්නෙ. ආයිත් කල්ප කෝටි ගණනක් දුක් විදින්න වෙයි.
අනිත් අතට යැලුවනේ හැමෝටම මෛත්‍රී බුදුන් හමුවේ නිවන් දකින්න බෑ. නිවන් දකින්න පුලුවන් අය බැරි අය කවුද කියල ඔයාලට මේ ලිපියෙන් බලන්න පුලුවන්. මම මේ ලිපිය උපුටාගත්තෙ අතිපූජනීය කොටුගොඩ ධමමාවාස අනුනාහිමියන් වහන්සේ ලියූ ලිපියකින්. මේ කියවෙන්නෙ අනාගතවංශ දේශනාව. ඒ කියන්නෙ බුදුහාමුදුරුවො අනාගත මෙත් බුදුහිමියන් සම්බන්ධව දේශනා කල සූත්‍රයෙන්. අවාසනාවට මේ වගේ සූත්‍ර සමාජගතවෙලා නෑ. ඒනිසයි අපේ මිනිස්සු මෙතේ බුදුන් පාමුල නිවන් දකින්නෙ. හොදයි බලන්නකො එහෙම් මෙතේ බුදුන් දකින්න පුලුවන් කාටද කියල.
මෛත්‍රී බුද්ධ කාලය වන විට මිනිසුන්ගේ පරමායුෂ අවුරුදු අසූ දහසක් වෙයි . මේ මෛත්‍රී තථාගතයාණෝ ඒ අවුරුදු අසූ දහසම ජීවමානව වැඩ සිටින්නාහ. මේ ගෞතම බුද්ධ ශාසනයෙහි කුසල් කල බොහෝ ජනයා මෛත්‍රී බුද්ධ ශාසනයෙහි තම තමන් පැතූ අයුරින් නිවන් දක්නාහුය. ඒ මෛත්‍රී බුද්ධ ශාසනය තථාගතයන් වහන්සේ පිරිණිවන් පෑමෙන් පසුද එක්ලක්ෂ අසූ දහසක් අවුරුදු පවත්නේය.
තවද ඒ මෛත්‍රී සර්වඥයන් වහන්සේ නොදකින්නෝ කවරහුද යත්? මව් මැරුවෝද පියා මැරුවෝද ඒ මෛත්‍රී බුදුන් නොදකින්නාහුය. රහතුන් වහන්සේලා මැරුවෝද ඒ මෛත්‍රී බුදුන් නොදකින්නාහුය. ලෝහිතුප්පාදක ( බුදුන්ගේ ඇෙඟ් ලේ සෙලවීීම ) පාප කර්මය කලෝද ඒ මෛත්‍රී බුදුන් නොදකින්නාහුය . සංඝ බේදය කළෝද ඒ මෛත්‍රී බුදුන් නොදකින්නාහුය. දාගැබ් බින්දෝ පෙති පිළිම බෝ ගස් වැනසුවෝද රන් රිදී බුදු පිලිම සොරකම් කළෝද ඒ මෛත්‍රී බුදුන් නොදකින්නාහුය.
බණ පොත් විනාශ කලෝද සඟසතු දේපල ගසා කෑවෝද ඒ මෛත්‍රී බුදුන් නොදකින්නාහුය. මහණ බමුණන්ට හිරිහැර කළෝද, මව් පියන්ට හිංසා පීඩා කළෝද ඒ මෛත්‍රී බුදුන් නොදකින්නාහුය. සිල්වත් ගුණවත් උතුමන්ට බොරු චෝදනා කළෝද දන් වැට පුද පඩුරු ගසා කෑවෝද ඒ මෛත්‍රී බුදුන් නොදකින්නාහුය. මහජන සන්තක දේ අයථා ලෙස පරිහරණය කළෝද කපටි වංචනිකයෝද ඒ මෛත්‍රී බුදුන් නොදකින්නාහුය.
මෙලොවක් නැත පරලොවක් නැත පිනක් පවක් නැතැයි කීවෝද ඒ මෛත්‍රී බුදුන් නොදකින්නාහුය- ප්‍රාණඝාත කළෝද ඒවාට අනුබල දුන්නෝද සොරකම් කලෝද සොරකමට අනුබල දුන්නෝද අනාචාරයෙහි හැසිරුණෝද එයට අනුබල දුන්නෝද බොරු කීවෝද පරුෂ වචන කීවෝද සම්පප්‍රලාප දෙඩුවෝද එකී පාපයන්ට අනුබල දුන්නෝද ඒ මෛත්‍රී බුදුන් නොදකින්නාහුය. මත් පැන් බීවෝද මත් පැනට අනුබල දුන්නෝද මත් ද්‍රව්‍ය පැතිර වූවෝද ඒ මෛත්‍රී බුදුන් නොදකින්නාහුය. සතුන් මරා මස් කෑවෝද එයට අනුබල දුන්නෝද ඒ මෛත්‍රී බුදුන් නොදකින්නාහුය - මරණු පිණිස සතුන් ඇතිකළේද මැරීමට විකුණනු ලැබූවෝද ඒ මෛත්‍රී බුදුන් නොදකින්නාහුය.
බොරු සාක‍ෂි දුන්නෝද බොරුවට දිවුරුවෝද ඒ මෛත්‍රී බුදුන් නොදකින්නාහුය- ණය ගෙන ණය නුදුන්නෝද ගිනි පොලීකරුවෝද ඒ මෛත්‍රී බුදුන් නොදකින්නාහුය- අන් හට ලැඛෙන දෙය වැළැක්වූවෝද අනුන් නොමග යැවූවෝද ඒ මෛත්‍රී බුදුන් නොදකින්නාහුය- නිසි ලෙස මහණදම් නොපුරමින් දුසිල් ඡීවිත ගත කළෝද පැවිදිව පැවිිදිකම්හි නොයෙදුනෝද ඒ මෛත්‍රී බුදුන් නොදකින්නාහුය- අල්ලස් ගත්තෝද ඒ පාපයට අනුබල දුන්නෝද ගේ දොර ගිනි තැබුවෝද ඒ මෛත්‍රී බදුන් නොදකින්නාහුය- ගහ කොළ භෝග වගාවන් විිනාශ කළෝද ඒ මෛත්‍රී බුදුන් නොදකින්නාහුය- වෂ විෂ කැව්වෝද හදි හූනියම් කලෝද එකී පාපයන්ට අනුබල දුන්නෝද ඒ මෛත්‍රී බුදුන් නොදකින්නාහුය- හොර ජාවාරමි කරුවෝද අධික මිලට වෙළහෙලදාම් කළෝද ඒ මෛත්‍රී බුදුන් නොදකින්නාහුය- බොරුවෙන් වන්චාවෙන් චාටුවෙන් මැති ඇමති වරුන් නරදෙටුවන් නොමග යැව්වෝද නපුරු අවි ආයුධ තැනුවෝද එකී පාපයන්ට අනුබල දුන්නෝද ඒ මෛත්‍රී බුදුන් නොදකින්නාහුය
අනේකාකාර ක්‍රම උපක්‍රම වලින් රට වැසියාට හිංසා පීඩා පැමිණ වූ රජ මැති ඇමති පාලකයෝද වැව් පොකුණු ගංඟා ආදී ජලාශයන් අපිරිසිඳූ කළෝද ඒ මෛත්‍රී බුදුන් නොදකින්නාහුය දරුවන් නොමග යැව්වෝද යුතුකම් පැහැර හැරියෝද ඒ මෛත්‍රී බුදුන් නොදකින්නාහුය සර්වඥ ධර්මය පහත් කොට සැලකුවෝද මාන්න අධිකව අනුන් පහත් කොට තමන් උසස් ලෙස සැලකුවෝද ඒ මෛත්‍රී බුදුන් නොදකින්නාහුය අඹුදරුවන් අතරමං කළෝද අනුන් බය ගැන්නුවෝද ඒ මෛත්‍රී බුදුන් නොදකින්නාහුය
ඉහත කී පරිදි අකුසල් කළෝ ඒ මෛත්‍රී බුදුන් නොදකින්නේ කවර හෙයින්ද යත් මේ පාපකර්මයන් කිරීම නිසා මරණින් මතු සංජීවය සංඝාතය කාලසූත්‍රය රෞරවය මහා රෞරවය තාපය ප්‍රතාපය අවීීචිය යන අටමහ නරකයන්ට වැටී ඔවුහු අනන්ත අප්‍රමාණ කාලයක් අප්‍රමණ දුක් විිදින්නාහුය. ඒ මෛත්‍රී සර්වඥයන් වහන්සේ ගේ කාලය වන විටද මෙකී නොකී පවුකම් කළෝ ඒ අපායන්හිම වෙසෙන බැවින් අහෝ එවුන්ට ඒ මෛත්‍රී බුදු රජාණන් වහන්සේ නොදැකිය හැකි වන්නේමය.
මෛත්‍රී බුදුන් දකින්නෝ:
තවද ඒ මෛත්‍රී සර්වඥයන් වහන්සේ දකින්නෝ කවරහුද යත්? පන්සිල් රැක්කාහුද දස කුසල්වල යෙදුනෝද ඒ මෛත්‍රී බුදුන් දැක නිවන් දක්නාහුය දාගැබ් කරවූවෝද දාතු කරඩු පිදුවෝද දාන ශාලා තැනුවෝද ඒ මෛත්‍රී බුදුන් දැක නිවන් දක්නාහුය. වැව් පොකුණු බැන්දෝද ඒදඩු පාලම් තැනුවෝද ඒ මෛත්‍රී බුදුන් දැක නිවන් දක්නාහුය. ධර්ම දේශනා කළෝද ධර්ම ශ්‍රවණය කළෝද ධර්මය ලියන ලද්දෝද ඒ මෛත්‍රී බුදුන් දැක නිවන් දක්නාහුය. පන්සල් තැනුවෝද ගිලන් හල් තැනුවෝද අනාථාගාර ඉදි කරවූවෝද ඒ මෛත්‍රී බුදුන් දැක නිවන් දක්නාහුය ආදර බහුමානයෙන් මහණදම් පිරුවෝද මහජනයා කුශල්හි යෙදවූවෝ පැවිද්දෝද ඒ මෛත්‍රී බුදුන් දැක නිවන් දක්නාහුය ආහාර පාන දන් දුන්නෝද ගෙවල් දොරවල් නිවාස තනා දුන්නෝද මෛත්‍රී බුදුන් දැක නිවන් දක්නාහුය කෙත්වතු පිදුවෝද සිවුරු රෙදිපිලි පදුවෝද මෛත්‍රී බුදුන් දැක නිවන් දක්නාහුය. ශිල්ප ශාස්ත්‍ර හැදෑරීමට ආධාර උපකාර කළෝද භාෂා ශාස්ත්‍ර දියුණුවට පොත පත කරවූවෝද ඒ මෛත්‍රී බදුුන් දැක නිවන් දක්නාහුය
පිලිම ගෙවල් ඉදිකරවූවෝද පෙති පිලිම කරවූවෝද ඒ මෛත්‍රී බුදුන් දැක නිවන් දක්නාහුය . බෝධිසත්ව චරිත කථාවන් අඹවන ලද්දෝද ඒවා බිතු සිතුවම් කරවූවෝද ඒ මෛත්‍රී බුදුන් දැක නිවන් දක්නාහුය. ගිලනුන්ට උපස්ථාන කලෝද රෝග තුරන් කිරීමට වෙහෙස මහන්සි වූවෝද වසංගත රෝග වලක්වාලුවෝද ඒ මෛත්‍රී බුදුන් දැක නිවන් දක්නාහුය . සතුනට කරන හිංසා වැලැක්වූවෝද ගිලන් සතුනට බේත්හේත් කළෝද බන්ධනගත සතුන් මුදා හැරියෝද ඒ මෛත්‍රී බුදුන් දැක නිවන් දක්නාහුය .
තවද මවුපියන්ට උපස්ථාන කලෝද ගුරුවරාදීන්ට සංග්‍රහ කළෝද ඒ මෛත්‍රී බුදුන් දැක නිවන් දක්නාහුය . තුණුරුවන් උදෙසා උඩුවියන් පාවඩ පිදුවෝද ශබ්ද පූජා පැවැත්වූවෝද ඒ මෛත්‍රී බුදුන් දැක නිවන් දක්නාහුය . සුවද දුම් පිදුවෝද පහන් ගෙවල් තැනුවෝද ඒ මෛත්‍රී බුදුන් දැක නිවන් දක්නාහුය .බණ අසන්නට හඩගෑවෝද බණ දෙසන කල්හි සාධුකාර දුන්නෝද ඒ මෛත්‍රී බුදුන් දැක නිවන් දක්නාහුය . මහජන සුබසෙත සැලසූ රජමැති ඇමති සිටු ආදී නරදෙටුවෝද වැසියන් නොතලා අයබදු ගත් රජදරුවෝද ඒ මෛත්‍රී බුදුන් දැක නිවන් දක්නාහුය . පැවිද්ද සඳහා දරුවන් පූජා කළ මව්පියෝද වස් ආරාධනා කොට ඇප උපස්ථාන කළෝද වස් කාලයන්හි පිළිවෙත් පිරූ ගිහි පැවිද්දෝ ඒ මෛත්‍රී බුදුන් දැක නිවන් දක්නාහුය.
මහජන කරුණාවෙන් සේවය කළ නිලදරුවෝද මංමාවත් ඉදිකර වූවෝද අම්බලම් තැනුවෝද දන්සැල් පැවැත්වූවෝද ඒ මෛත්‍රී බුදුන් දැක නිවන් දක්නාහුය. ත්‍රිවිධ රත්නය උදෙසා පෙරහැර පැවැත්වූවෝද බුදු සිරිතෙන් සරසා වෙසක් තොරන් බැන්දෝද තුණුරුවන් උදෙසා පහන් කූඩු ඈ විසිතුරු කළෝද ඒ මෛත්‍රී බුදුන් දැක නිවන් දක්නාහුය. නැති බැරි අයගේ මංගල අවමංගල කටයුතු සම්පාදනය කළෝද මරණාධාර සමාගම් පැවැත්තුවෝද ගරු කල යුත්තන්ට ගරු සරු දැක් වූවෝද ගුරු ගෞරවය පැවැත්වූවෝ පැවිද්දෝ ද ඒ මෛත්‍රී බුදුන් දැක නිවන් දක්නාහුය.
ඝණ්ඨාර පිදුවෝද දාගැබ් විහාර පන්සල් සුණු පිරියම් කළෝද බලූ කපුටු ආදී සතුන්ට ආහාර දුන්නෝද ඒ මෛත්‍රී බුදුන් දැක නිවන් දක්නාහුය. ගඨිණ පින්කම් කළෝද වන්දනා ගමන් ගියෝද ගෞතම බුදුපියානන් උපත ලද, බුදු වූ, දම් දෙසූ, පිරිණිවන් පෑ තැන් වැද පුදා ගත්තෝද ඒ මෛත්‍රී බුදුන් දැක නිවන් දක්නාහුය. මරණයට කැප වූ සතුන් මරණ භයින් මුදවා අභය දානය දුන්නෝද ඉගැන්වීම් ආදියෙන් බුද්ධි දානය දුන්නෝද ඒ මෛත්‍රී බුදුන් දැක නිවන් දක්නාහුය. වෙහෙර විහාරස්ථාන හා පාසල්, රෝහල්, අනාථ නිවාස සඳහා ඉඩ කඩම් පිදුවෝද ඒ මෛත්‍රී බුදුන් දැක නිවන් දක්නාහුය.
තවද අනුන්ට ඊර්ෂ්‍යා නොකලෝද මුදිතාව දියුනු කළෝද මෙත් වැඩුවෝද ඒ මෛත්‍රී බුදුන් දැක නිවන් දක්නාහුය. වෛර නොකලෝද කරුණාව පැතිරවූවෝද සාමය රැක්කෝද ප්‍රිය වචන කථා කළෝද ඒ මෛත්‍රී බුදුන් දැක නිවන් දක්නාහුය. බුදු පිළිම කරවා නේත්‍ර පිහිටවූවෝද සලාක දන් දුන්නෝද කොඩි කුඩ පහන් පිදුවෝද ඒ මෛත්‍රී බුදුන් දැක නිවන් දක්නාහුය. සිප්හල් පිහිටුවා සර්වඥ ධර්මය ඉගැන්වූවෝද බෝධිඝර කරවූවෝද අන්ධයන්ට පෙනීම ලබා දුන්නෝද ඒ මෛත්‍රී බුදුන් දැක නිවන් දක්නාහුය. අනාථයත්ට උපකාර වූවෝද ඛෙහෙත් ගස් සිටුවූවෝද ගස් කොලන් වැවුවෝද ඒ මෛත්‍රී බුදුන් දැක නිවන් දක්නාහුය. ජලාශ පිහිටවූවෝද සතුන්ට ඛෙහෙත් කළෝද පෙහෙවස් රකින්නවුන්ට උවටැන් කළෝද ඒ මෛත්‍රී බුදුන් දැක නිවන් දක්නාහුය. මියගිය ඥාති මිත්‍රාදීන් උදෙසා පින්කම් කළෝද වන සෙනසුන් පෝය ගෙවල් තැනුවෝද ඒ මෛත්‍රී බුදුන් දැක නිවන් දක්නාහුය.
ඉහත දැක්වූ කුශල ධර්මයන්හි යෙදුනෝ මෛත්‍රී බුදුරජානන් වහන්සේ දකින්නාහු කවරහෙයින්ද යත් ?
මෙකී නොකී පිංකම්වල කුසල බලය නිසා ඔවුහු සියල්ලෝම මරණින් මතු චාතුර්මහාරාජිකය, තාවතින්සය, යාමය , තුසිතය , නිර්මාණරතිය, පරනිම්මිතවසවර්තිය යන සදිව්‍ය ලෝකයන්හි සහ බ්‍රහ්ම පාරිසජ්ජය, බ්‍රහ්මපුරෝහිතය , මහා බ්‍රහ්ම ආදී ලෝකවල උපත ලබා ඒ මෛත්‍රී බුදුරජානන් වහන්සේගේ කාලයේදී මිනිස් ලොවට බට තුසිත දිව්‍ය භවනය හා සමාන වූ, සකල සම්පත්තියෙන් අනූන , කේතුමතී නම් රාජධානියෙහි රජ, මැති , ඇමති, මහසල් ඈ උසස් පවුල්වල උපත ලබන්නාහුය¡ සිටු පවුල් බ්‍රාහ්මණ පවුල් සහ ගෘහපති පවුල්වල ආයුෂය, වර්ණය, සැපය, බලය, ප්‍රඥාවය යන කරුණු පසින් සපිරුණු පිංවතුන්, පිංවතියන්ව ඉපිද, ඒ මෛත්‍රී බුදුන් දකින්නාහු ම ය.
මෙසේ සසර දී පුරණ ලද මේරූ පිං ඇතිව උපන් ස්ත්‍රී පුරුෂයෝ ඒ මෛත්‍රී බුදුන් දැක තම තමන් පැතූ පරිදිම ඒ මෙතේ බුදු රජාණන් වහන්සේගෙන් බන අසා දන් පහන් පවත්වා පිළිවෙත් පුරා අමා මහ නිවන් දක්නාහුය.
(අතිපූජනීය කොටුගොඩ ධමමාවාස අනුනාහිමි විසිනි.)
පින්වත් යාලුවනේ ඔයාලට තේරෙනවනෙ දැන් නිකම් බකන් නිලාගෙක ඉදලනම් නිවන් දකින්න ලැබෙන්නෙ නෑ කවදාවත්. හැකිතාක් ධර්මයේම හැසිරෙන්න. මට හරිම සතුටු අවස්ථාවක් මේ. මොකද මම හොය හොයා හිටිය දේශනයක් මේ. මේක ඔයාලට දෙන්න සෑහෙන කාලයක් හෙව්ව. අනිත් කරුණ මම මෙතෙක් පලකල ඉතාම වැදගත්ම ලිපිය මේකයි.
යාලුවනේ මගෙ කාලය ධනය වැය කරන්නෙ ඔයාලගෙ යහපත වෙනුවෙන්. එහෙම නැතිව මම මේ ධර්ම දානයෙන් පුද්ගලික වාසි ලබන්නෙ නෑ. මම යම් ලිපියක්, රූපයක් පලකරල තියෙනවනම් ඒ සියලු ලිපි ඔයාලගෙ යහපත සුභ සිද්ධිය උදෙසායි. ඉන් ලබන්නෙ අපමණ සතුටක් විතරක් නෙවෙයි. අපමණ පුණ්‍යස්කන්ධයක්.
ඒ සියලු පුණ්‍යස්කන්ධයන්ගේ ආශිර්වාදය සම්බුදු සසුනත්, ජාතියත්, රටත්, රැකගැනීමට මා සිදුකර ඇති සියලු සැලසුම් සාර්ථක කරත්වා. ශ්‍රී සම්බුදු සාම සංදේශය ලොව පුරා පතුරවමින් සසර කතරේ අපමණ දුක් විදින අසරණයන්ට අමාදම් වැසි වස්සවමින් නිවන් මගට යොමු කිරීමට මාහට යෝධ බල, යෝධ ශක්තිය ලැබේවා. සත්වගට යහපත සැලසීමට නිවන් දක්නා ජාති දක්වා මේ පින් කම් යහපත් ප්‍රාර්ථනාවන් සියල්ල ඉටුකරත්වා. කෙළවර මා පතන බෝධියෙන් නිවන් දකිමින් අසරණ සත්වගට නිවන් මගෙහි දොරටු විවර කිරීමට මේ පින්කම් පාරමිතාවන් බවට පත්වේවා ... ... ...
අනන්ත බුදුගුණ බලෙන් තුන් ලොවටම සැනසිල්ල උදාවේවා ... ... ...
බෞද්ධ සන්නිවේදනය සදහා වූ ජාත්‍යන්තර පදනම වෙනුවෙන් සත්වයා කෙරේ අපමණ මෙත් සිත් ඇතිව එරන්ද ලක්මාල් විසින් ගෞතම සාක්‍යසිංහ ශාසනය තුල තෙවිජ්ජවච්ඡගොත්ත සූත්‍රය මෙසේ පලකල වගයි.
"uputa genimaky..

Thursday 27 March 2014

පුරුෂයන්ට බලපාන හේතු:දරුවන් නොලැබීමට හේතු,කාන්තාවන්ට බලපාන හේතු


What Are The Common Infertility Reasons?මඳසරු බව බොහෝ කාන්තා සහ පුරුෂ දෙපක්ෂයම මුහුණ පාන ගැටලුවකි. දැනට කර ඇති පරීක්ෂණ වලට අනුව මඳසරු බව සදහා කාන්තාවන්ගේ රෝග නිධානය 45%ක් ලෙස ද  පුරුෂ රෝග නිධානය 30% ක් සහ විස්තර කල නොහැකි තත්ත්ව 25%ක් ලෙස හදුනා ගෙන තිබේ. මෙම තත්වය සදහා  විවිධ හේතු බලපායි.මෙම ලිපිය මගින් එයට බලපාන පොදු හේතු පිලිබද ඔබව දැනුවත් කරනු ඇත. 

A. කාන්තාවන්ට බලපාන හේතු:

* අන්තෝමාතෘක දාහය  (Endometriosis )

මෙම තත්වය අන්තෝමාතෘක පටකය (මාසික ආර්තවයේදී ඉවත් වන ගර්භාෂ ආස්තරය) ගර්භාෂ බිත්තියට පිටතින් වර්ධනය  නිසා සිදු  වේ. අන්තෝමාතෘක දාහය අසාරතාවයට ප්රධාන හේතුවක් වන අතර, මෙය නාල අවහිරතාවයට හා ඩිම්බනීහරණය ගැටළු වලට හේතු වේ.

* ඩිම්බනීහරණය ගැටළු

ඩිම්බකෝෂයෙන් ඩිම්බ මෝචනය අවහිර කරන ඕනෑම තත්වයක්  ( සාමාන්යයෙන් හෝමෝන ගැටළුවක්) මෙයට හේතු විය හැක.

* ගුණත්වයෙන් අඩු ඩිම්බ මෝචනය

පලුදු වූ හෝ වර්ණදේහික අසාමාන්යතා සහිත ඩිම්බ ගැබ් ගැනීම වළක්වයි. මෙමෙ ගැටලුව බොහෝ විට වයස නිසා ඇති වේ. විශේෂයෙන් මෙම තත්වය වයස 30 වැඩි සහ 40 අඩු තත්ත්ව වලදී සිදු  වේ.

* Polycystic Ovary Syndrome

මෙමෙ තත්වය හෝමෝන් අසමතුලිතතාවයක් නිසා හට ගන්නා ඩිම්බනීහරණය බිද දැමීමකි. මෙම තත්වයේදී එක් චක්රයකදී පරිණත එක් ඩිම්බයක් නිපදවීම වෙනුවට බොහෝ කුඩා කෝෂ්ඨ වර්ධනය වීමක් සිදුවේ.

* ගැහැණු නාල අවහිරතාවය

අවහිර වූ හෝ හානි වූ පැලෝපිය නාලය ඩිම්බයන් ගර්භාෂය තුලට පැමිණීම හා ශුක්රානු ඩිම්බ වෙත පැමිණීම වළක්වයි. මෙයට  ශ්රෝණිය හා සම්බන්ධ  ආබාධ, ලිංගිකව සම්ප්රේෂිත ආබාධ, මීට පෙර සිදු කරන ලද වන්ධ්යකරණය ශල්යකර්මය හේතු විය හැක.

B. පුරුෂයන්ට බලපාන හේතු:


* පුරුෂ නාල අවහිරතාවය

ශුක්රානු මද බව හෝ නොමැති බව, ශුක්රානු චාලකතාවයේ දුර්වල බව සහ අසාමාන්ය හැඩ සහිත ශුක්රානු මෙයට හේතු විය හැක.

* ශුක්රාණු අසාත්මිකතාව

සමහර පුරුෂයන්ගේ ශරීරය තුල ශුක්රානු ප්රතිශක්ත බල පැවැත්වීමේ ක්රියා සිදු වේ. මෙමගින් ප්රති-ශුක්රානු ප්රතිදේහක නිපදවීම ශුක්රානු වලට හානි පමුණුවයි. වාසෙක්තමි ශල්යකර්මයෙන් පසු මෙම තත්වය බොහෝ දැකිය හැක. එසේම 3% නිසරු පුරුෂයන් තම ශුක්රානු වලට ප්රතිවිරුද්ධ ප්රතිශක්ත නිපදවයි.

C. විස්තර කල නොහැකි හේතු:


* විස්තර කල නොහැකි අසාරතාවය

ඉහත සදහන් කරන ලද සියලුම හේතු වෛද්යවරයා විසින් පරීක්ෂණ ගණනාවක් කිරීමෙන් පසු සොයා ගනු ලබයි. විශේෂයන් බර අඩු බව සහ බර වැඩි බව, අතිශයින්ම ව්යායාම සහ විෂ සහිත පරිසරය මෙයට දායක වන බව විශේෂඥ මතයයි.

* ඒකාබද්ධ මඳසරු බව

පුරුෂය සහ කාන්තාව යන දෙදෙනාටම  අසාරතා ගැටළු ඇති විට සහ එක් පුද්ගලයෙකුට එක් ගැටලුවකට වැඩ ඇති විට එය ඒකාබද්ධමඳසරු බව 

මවුකිරි දීමේදී සැලකිලි මත් විය යුතු කරුණු කිහිපයක්


Few Important Points when You are Breastfeedingමවු කිරි යනු ඔබේ දරුවාට ලබාදිය හැකි ඉතාම වටිනා දායාදයකි. දරුවාගේ උපතේ  අවධියේ මවුකිරි තරම් සුදුසු වෙනත් ආහාරයක් දරුවාට නොමැත. මව් කිරි ඔබේ දරුවාට ඉමහත් වාසි  රැසක් ලබා දේ. එය දරුවා මනා ලෙස ශක්තිමත් කරන අතර ඔබ සමඟ බැඳීම තවත් වැඩි කරයි. පහත ක්රම භාවිතයෙන් ඔබේ දරුවට නිවැරදි ආකාරයට මව් කිරි ලබා දීමට ඔබට හැකියාව ලැබේ.


* නිසි ලෙස දැනුවත් වන්න

මව් කිරි ලබා දීම පිළිබද දැන ගැනීමට දරු ප්රසුතිය තෙක් බලා සිටීමට අවශ්ය නොවේ. ඔබ ගර්භණී සමයේදී මව් කිරි ලබා දීම පිළිබද විස්තර සොයා මව් කිරි ලබා දීම නිවැරදි ලෙස කිරීමට දැනුවත් වන්න. ඔබේ මවගෙන් හෝ නිසිලෙස මව් කිරි ලබා දුන් අත්දැකීම් සහිත පුද්ගලයෙකුගෙන් හෝ ඔබේ සායනයෙන් ඔබට අවශ්ය තොරතුරු ලබා ගත හැක.

* උපන් අවස්ථාවේ සිටම ඔබේ උණුසුමට දරුවා හුරු කරන්න

ප්රසුතියෙන් පසු ඔබට හැකි වහාම දරුවා තුරුල් කර මව්කිරි ලබා දීම නිවැරදි ආරම්භයක් ගෙන දේ. දරුවා නිවැරදි ආකාරයට දරුවා ඔබ සමීපයට ගැනීම ඉතාම වැදගත්ය. එහිදී දරුවාගේ මුව ඔබ ආසන්නයට ගෙන දරුවාගේ නාසය නොවැසෙන සේ තනපුඩුව උරාබීමට සලස්වන්න. මනා ලෙස සම්බන්ධ වූ විට දරුවාගේ මුවින් කිරි වෑස්සීමට ඉඩක් නැත. උපන් අවස්ථාවේ සිට දරුවා ඔබේ උණුසුමට හුරු වූ විට සහ නිවැරදි ඉරියවුවට දරුවා ලං කර ගන්නා විට ඉබේම දරුවා කිරි බීමට සුඋදානම්  වීමට පුරුදු වේ.

* සමෙන් සම ගැටීම

බිලිදාගේ සහ මවගේ සරීර කොටස් එකිනෙක ගැටීම ඉතා වැදගත් වේ. කිරි ලබා දීමේදී බිලිදා කලබල හෝ අතරමන් වූ විට ඔබේ නිරුවත් පපු පෙදෙසේ පහස දැනෙන්නට සලසන්න. (ඔබට ලැජ්ජාවක් ඇති වේ නම් රෙද්දකින් ආවරණය කරන්න) සමීප සම්බන්ධතාවය බිලිදා තැම්පත් කරවන අතර කිරි බිම සදහා උනන්දුවක් ඇති කරවයි.

* සංඥා හදුනා ගන්න

කල්තියා ඔබේ දරුවාගේ මුල් හැසිරීම හදුනා  ගැනීම  මෙන්ම දරුවාටද පහසුවක් වේ. ඔබේ දරුවාට  බඩගිනි වූ විට අත සැපීම, මුඛයේ සිදුවන චලන හෝ හිස ඒ මේ ඇත හැර වීම, බිලිදු අතින් මුහුණ අත ගා ගනු ඔබට දැක ගත හැකි වේ. මව් කිරි ලබා දීමේදී මෙවැනි සංඥා හදුනා ගැනීම ඉතා වැදගත් වේ.

* Engorgement: (පියයුරු ඉතා තද, ඝන, විශාල සහ උණුසුම් වීම)

මුලදී ඔබේ බිලිදාට පැය දෙක තුනකට වරක් මව් කිරි ලබා දීම සිදු කල යුතු වේ. උපතින් දින කිහිපයකට පසු ඔබේ ලේ පිරුණු පියයුරු ඉතා තද, ඝන, විශාල සහ උණුසුම් වීම භීතියට පත් වීමට හේතුවක් නොවේ. එය පැසුණු කිරි එරීම නිසා සිදුවන්නකි. මෙම තත්වය දවස් කිහිපයකින් පහව යයි. නමුත් පියයුරු වල ඝන බව දරුවාගේ කිරි ඉරීම ආපහසු කල හැක. ඔබේ දරුවා එවැනි අපහසු තත්වයකට මුහුණ දෙන්නේ නම් කිරි දීමට පෙර අතින් මිරිකා හෝ කිරි ස්වල්පයක් පිට කිරීමෙන් ඔබේ පියයුරු මෘදු කර දරුවාට සුව පහසුව සලසන්න. නිතරම දරුවා කිරි උරා නොබිවූ විට පියවුරු වලින් කිරි ඉවත් නොවීම නිසා මෙසේ පියවුරු ඉදමීමට අවස්තාව ඇත. එනිසා එවැනි අවස්තාවක ඔබේ අතින් මඳක් මිරිකා කිරි ස්වල්පයක් මුදාහරින්න එවිට නැවතත් මෘදු භාවයට පත්වී දරුවාට ඉරීම පහසු වේ. මෙම තත්ත්වය දිගින් දිගටම පවතී නම් (මිරිකා කිරි ස්වල්පයක් මුදාහරින්න විට නැවත මෘදු නොවේ නම්) වෛද්ය උපදෙස් පතන්න. මන්ද යත් කිරි හිරවී තිබීම ආසාදන ඇති වීමට මඟ පාදන නිසා.

* විශේෂඥ උපදෙස් පතන්න:

මව් කිරි දීම වේදනාවක් ඇති නොකරයි. මව් කිරි දීමේදී ඔබට වේදනාවක් ඇති වන්නේනම් හෝ ඔබේ දරුවා දිනකට වාර  8ත් 10 ත් අතර මුත්රා නොකරන්නේ නම් විශේෂඥ උපදෙස් ලබා ගැනීම සුදුසු වේ. කුඩා ගැටළු ඔඩු දුවන්නට පෙර හැකි ඉක්මනින් විසදා ගැනීම වැදගත් වේ.

දරු උපතින් පසු සුදුසු ආහාර


food for mothers after delivery මවක් වූ ඔබ ගර්භනී කාලයේ මෙන්ම දරු ප්‍රසුතියේදී විවිධ අභියෝග වලට මුහුණ දුන් බව නිසැකයි. ගර්භනීභාවයෙන් සහ දරු ප්‍රසුතියෙන් පසු ඔබට විවේකය සහ සුවය අවශ්‍යවේ. ඒ සමගම ශරීරයේ වැයවූ ශක්තිය නැවත ඔබ වෙත ගෙන ඒමටත්, හානි වූ පටක නැවත පෙර තත්වයට ගෙන ඒමටත් සෑම මවක්ම පෝෂ්‍යදායි ආහාර වේලක් ලබා ගැනීම වැදගත් වේ. අද අපි අවධානය යොමු කරමු හොඳ ආහාර රටාවක් මගින් කොහොමද ඔබේ ශරීරය නැවත එම තත්වයට පත් කරන්නේ කියා...
ප්‍රසුතියෙන් පසු ක්‍රියාශීලි සහ පෝෂ්‍යදායි ලෙස දරුවා රැකබලා ගැනීමට මවගේ සෞඛ‍ය තත්වය සුවදායක විය යුතුය. මව් කිරි ලබා දෙන හෝ නොදෙන සියළු මව්වරු සමබල ආහාර වේලක් ලබා ගත යුතු වේ. බොහෝ වෛද්‍ය මතය වන්නේ මව් කිරි ලබා දෙන මව්වරු බඩගිනි දැනුන සෑම විටම ආහාර ගත යුතු බවයි. නමුත් බොහෝ මව්වරු අධික වෙහෙස සහ කාර්ය බහුල බව නිසා පෝෂදායි ආහාර වේලක් කෙරෙහි දක්වන සැලකිල්ල අඩු වේ. දරුවාගේ කාර්යන් සමග සිදුවන වේලාව අඩු බව නිසා බොහෝ මව්වරු කෘතීම/කෙටි ආහාර වලට හුරු වී තිබේ. මෙම ආහාර කල් තබා ගන්න ද්‍රව්‍ය වලින් සහ අහිතකර මේද වර්ග වලින් පිරුන බව රහසක් නොවේ!
සෞඛ‍යමත් ආහාර වේලක් ලබා ගැනීම අපහසු කාරණයක් නොවේ. ආහාර පිරමිඩය බාවිතය තුලින් ඔබට සමබල ආහාර වේලක් ලබා ගත හැක. එසේම ගැබිණි සමයේ සිදු වූ බර වැඩි වීම පාලනය සදහා අධික ලෙස ආහාර පාලනය මවගේ ශරීර සෞඛ‍යට මෙන්ම මව් කිරි බොන දරුවාගේ සෞඛ‍යට නුසුදුසු වේ.
ගැබිණි සමයේ වැඩි වූ බර අඩු වීම සදහා මාස කිහිපයක් ගත වෙනු ඇත. ඒ සදහා අධ්ක තෙල් සහිත ආහාර භාවිතය අත හැරීම මෙන්ම, නැවුම් පළතුරු සහ එළවලු ආහාරයට ගැනීම සහ ව්‍යායාම කිරීම සුදුසු වේ.
දරු උපතින් පසු භාවිතා කල හැකි ආහාර:

* ධාන්‍ය

ඔබ ගන්න ආහාර ප්‍රමාණයෙන් භාගයක් (50%) පමණ ධාන්‍ය ආශ්‍රිත විය යුතුය. එමගින් ඔබේ ශරීරයට අවශ්‍ය ශක්තිය ලබාදේ. නමුත් මෙමෙ ධාන්‍ය නිවුඩු සහිත වීම ඉතා වැදගත්. ඔබ නිවුඩු සහිත බත් අප්‍රිය කරනවානම්, නිවුඩු සහිත වෙනත් ආහාර ගැන සලකා බලන්න. එවිට ඔබට පුළුවන් ප්‍රධාන ආහාර වෙලා ඔබ කැමති බත් වර්ගය අනුභව කර අනෙක් අතර මැද ආහාර වේල් වලට නිවුඩු සහිත ධාන්‍ය වලින් (whole grain wheat/whole grain oats etc) වලින් සදනු ලැබූ ආහාර ගන්න. උදා: පරළු පාන් වලින් සැදූ සැන්ඩ්විච්, කිරි සහ මුද්දරස්පලම් සමග whole grain oats, කුරක්කන් රොටී, කුරක්කන් පිට්ටු ආදිය.

* එළවලු

ඔබේ ආහාර වේලට විවිධ එළවලු වර්ග එකතු කර ගන්න. කොළ පැහැති, කහ පති මෙන්ම රනිල කුලයේ සහ කෙදි සහිත එළවලු භාවිතයට ගන්න. ඔබට පහසුවෙන් ලබා ගත හැකි කැරට්, ගෝවා, බණ්ඩක්කා, පතෝල, දඹල, මල් ගෝවා, පලා වර්ග ආදී එළවලු බොහොමයක් ආහාරයට ගැනීම සුදුසුය. (ඇතැම් මවුවරුන්ට සමහර එලවලු හා පලතුරු අසාත්මිකතා ඇතිවිය හැකි නිසා ඔබ ආහාරයට ගැනීමට පෙර ඒ ගැන සොයා බලන්න)

* පළතුරු

පළතුරු ආහාරයට ගැනීම පිළිබද ඔබේ අවදානය යොමු කරන්න. ඕනෑම පළතුරක් හෝ 100% යුෂ සහිත පානයක් සුදුසු වේ. පළතුරු නැවුම්, ටින් කල, ශිත කල , වියළි, මේ සියල්ල මිශ්‍ර කල හෝ තනි තනිව භාවිතයට ගත හැක. නමුත් ටින් කල සහ ඇසුරුම් කල පලතුරු යුෂ 100% පලතුරුද නැතිද යන්න සොයා බලන්න. අද වෙළඳපොලේ බොහෝ බීම වර්ග "Juice Drink" ලෙස ලේබල් කර ඇති අතර, "Drink" යන්න කුඩා අකුරින් දක්වයි. බොහෝ විට එය ඉඟි කරන්නේ 100% යුෂ නැති බවයි! දවසකට 3 වරක්වත් යම්කිසි පළතුරක් ආහාරයට ගන්න උත්සහ කරන්න.

* මේද වර්ග (තෙල්) සහ ලුණු

තෙල් වර්ග, සීනි සහ ලුණු බාවිතය සීමා කරන්න. කජු සහ එළවලු තෙල් ඔබේ මේද ප්‍රමාණය වැඩි කරවයි (මෙම ආහාර ඇත හරිය යුතු නොවේ, ප්‍රමාණයට ආහාරයට ගැනීම සුදුසුය). බටර්, මාගරින්, සත්ව තෙල් මෙන්ම ඒවා අඩංගු ආහාර සිමා කරන්න. තෙල් වර්ග අධික ලෙඩ පරිභෝජනය ඔබ මහත් කරන අතර වෙනත් ලෙඩ රෝග වලටද මග පාදයි. නමුත් මාලු වර්ගවල ස්වභාවිකව අඩංගු තෙල් ශරීරයට හිතකරය. සාමාන්‍ය ලෙස මාළු උයා කෑමෙන් මෙම තෙල් ඇඟට උරා ගනියි. අධික ලුණු භාවිතය අධි රුධිර පීඩනය ඇතිවීමට බලපායි.

* කිරි සහ කැල්සියම් 

කැල්සියම් අධික ආහාර භාවිතයට ගන්න. කිරි මෙන්ම කිරි සහිත ආහාර වෙලා අඩංගු වන කැල්සියම් සහ විටමින් D අස්ථි සහ පටක වර්ධනයට උපකාරී වේ. තල ඇට, කුඩා මාළු, යෝගට්, නිවිති, චීස් ආදිය ඔබේ ආහාරයට එක කර ගන්න. විටමින් D මගින් ශරීරයේ කැල්සියම් උරා ගැනීම වැඩිකරන අතර ශරීරය තුල විටමින් D නිෂ්පාදනය සඳහා ඉර එලිය වැටෙන ස්ථානයක මිනිත්තු 30ක් පමණ ගත කිරීම සුදුසුය. නමුත් සම පිළිස්සෙන තුරු ඉර එලිය අවශ්‍ය නොවේ.

*ප්‍රෝටීන 

මේදය අඩු හෝ රහිත මස් වර්ග භාවිතා කරන්න. ප්‍රෝටීන් චක්‍රය පවත්වා ගැනීමට අවශ්‍ය බෝංචි, කජු, මාළු මෙන්ම විවිධ ප්‍රෝටීන් සහිත ආහාර භාවිතා කරන්න. ඔබ නිර්මාංශ අහාර පමණක් ගන්නේ නම් කිරි සහ බිත්තර ඉතාම සුදුසුය. නමුත් ඔබ 100%ක් නිර්මාංශ සහ කිරි/බිත්තර ආහාරයට නොගනී නම් සොයා, රටකජු, කජු ආදිය උදවුවේ.

* දියර වර්ග භාවිතය

කිරි දෙන මව සමබල ආහාර වේලක් සමග දියර වර්ග භාවිතය සුදුසු වේ. බොහෝ මව්වරු කිරි දෙන සමයේ පිපසවකින් පෙලේ. වතුර, කිරි සහ පළතුරු යුෂ මේ සදහා සුදුසු වේ. නිතර පිපාසය නැති උනත් පැයකට වරක් පමණ ජලය ස්වල්පයක් පානය කරන්න. විශේෂයෙන්ම ඔබ වායු සමීකරණය කල ස්ථානයක සිටීනම් වතුර ජෝග්ගුවක් ළඟ තබා ගෙන ටික ටික පානය කරන්න.
..............................
..............................

Wednesday 26 March 2014


pregnancy symptomsවිවාහ වූ පසු දරුවකු ලැබීම ගැන සැලසුම් කල ඔබ ආසාවෙන් බලා සිටින්නේ දරු පිළිසිඳ ගැනීම සිදුවී ඇතිදැයි දැනගැනීමටයි. ඒ වගේම අනපේක්ෂිත සහ අනාරක්ෂිත හැසිරීමක් වූවිට එය පිළිසිඳ ගැනීමකට මුල් වී ඇත්දැයි යන්න ගැනත් ඔබ විමසිලිමත් වී සිටිය හැක. එනිසා ගැබ් ගැනීමක් සිදුවී ඇති බව දක්වන ලකුණු නිසිලෙස දැනගැනීම වැදගත්. අද අපි ඒ ගැන සොයා බලමු.
ගැබ් ගැනීමක් සිදුවී ඇති බවට නිසැක ලෙසම දැනගත හැකි ක්‍රමය වන්නේ වෛද්‍ය පරීක්ෂණයක් පමණි. නමුත් ඔබ නිවසේ සිටින අතර සමහර ලකුණු පෙනේ:

* අසාමාන්‍ය මහන්සිය

මහන්සි ගතිය විවිධ හේතු මත පහල වන බව නොරහසකි. එනිසා ඔබ සාමාන්‍යයෙන් මහන්සි වන දෙයක් නොකළ අවස්තාවකදී ඔබට මහන්සි ගතිය වැඩිපුර දැනේනම්, ඒ වගේම ඔබේ ශරීරයට අවශ්‍ය පෝෂණය නිසි ලෙස ලබෙද්දීත් මහන්සි ගතිය දැනෙයි නම්, විමසිලිමත් වන්න. එය ගැබ් ගැනීමක් දක්වන සලකුණක් විය හැක.

* නිසි දිනට ඔසප් නොවීම

ඔසප් වන දිනය සාමාන්‍ය දින පරාසය තුල නොවී, එය සිදුවන බවට ලකුණක් හෝ නොමැතිනම්, ඔබ ගැබ් ගැනීමක් ගැන සැක කිරීම සාධාරණය. නමුත් මතක තබා ගන්න සියලුම දෙනාට එකම ආර්තව චක්‍රයක් නොමැත. ඇතැම් අවස්ථාවල සාමාන්‍ය දිනට කලින් හෝ ඇතැම් විට මඳක් පමා වී එය සිදුවිය හැක. ඔබ අත්දැකීම අනුව ඉක්මන් වීම හෝ පමා වීම දැනගෙන සිටීනම් එය උදවු වේ. ඔබට අවශ්‍යනම් මෙයට වෙනම දින පතක් හෝsmart phone භාවිතා කරයි නම් app එකක් මගින් එය සටහන් කරගෙන සිට ඊළඟ ආර්තව දිනය අනුමාන කල හැක. ඇතැම් විට ඔබ උපත් පාලන පෙති ගැනීම නතර කල වහාම ඔසප් වීම නැවතීමක් විය හැක. එවිට වෛද්‍ය උපදෙස් පතන්න.

* පියොවුරු වල වෙනස් කම්

මෙය මුල් අවධියේ දැකිය හැකි ලක්ෂණයකි. හෝමෝන ක්‍රියාකාරිත්වය වැඩි වීම නිසා පියවුරු ඉදමුන බවක් හෝ, වේදනා කාරී බවක් හෝ දැනෙන අතර ඇතැම් විට එය තරමක් විශාල වී ඇති බවකුත්, තන පුඩුව අවට අඳුරු පාට වීමත් විය හැක.

* නිතර මුත්‍රා පිටවීම

ඔබ සාමාන්‍යයෙන් මුත්‍රා පිටවන වාර ගණන දන්නා නිසා මෙවැනි වනසක් දන ගැනීම පහසුය. ඔබට දියවැඩියා රෝගය වැළඳී ඇති විටද මෙය සිදුවිය හැක. එනිසා එවැනි අවධානමක් නැති විටත් අසාමාන්‍ය ලෙස මුත්‍රා පිටවන වාර ගණන වැඩිනම් සහ එම කාලයෙම ලිංගික එක්වීමක් වූවානම් ඔබට ගර්භනී පරීක්ෂාවක් කරන්න.

* මල බද්ධය

ගර්භණී භාවයත් සමග වන හෝමෝන ක්‍රියාකාරකම් නිසා සමහර විට මල බද්ධය ඇතිවේ. ඔබට මෙය ඇතිවූ විට මුලින්ම සාමාන්‍ය ප්‍රතිකර්ම (වතුර වැඩිපුර බීම, තන්තු අධික එළවලු සහ පලතුරු කෑම) කර බලන්න. එය සුව ගෙන දෙන්නේ නැතිනම් ගැබ් ගැනීමක් ගැන සක සිතිය හැක.

* උදෑසන අපහසුතා

මෙය ඉතාම ප්‍රසිද්ධ කරුණක් වුවත්, සමහර මවු වරුන්ට එය කිසිසේත් නොදැනෙන බවත්, සමහර මවුවරුන්ට මන්ද වශයෙන් දැනෙන බවත් අමතක නොකරන්න. මෙය තවත් ලක්ෂණ සමග මතු විය හැක. ඒ වගේම සමහර මවු වරුන්ට උදැසන පමණක් නොව දවසේ ඕනෑම වෙලාවක මෙම අපහසුතා දැනෙන්නට පුළුවන්.
* වෙනත් ලක්ෂණ
- ක්ලාන්ත ගතිය
- හිසරදය සහ පිට රිදීම
- මනසේ වෙනස්කම් (mood swings, ඇතැම්විට එක වරම සතුටු වී එක වරම දුක්වේම, තරහ ඒම ආදිය)

මෙහි දැක්වුණේ ඔබට එදිනෙදා ජීවිතයේදී වෛද්‍ය පරීක්ෂාවක් නැතිව දැක ගත හැකි ලක්ෂණ කිහිපයක් පමණි. මෙම ලක්ෂණ එකක් හෝ එකකට වඩා ඔබ ලිංගික එක් වීමකට සුළු කාලයක් ඇතුලත සිදුවේනම් නොපමාව වෛද්‍ය පරීක්ෂාවක් කරගන්න.
මෙම ලිපිය එම පරීක්ෂණ පිළිබඳව විස්තර දක්වයි: http://mathru.lk/index.php/pregnancy/19-what-are-types-of-pregnancy-tests.html

ගර්භණි සමයේ සායනයට යාම/ වෛද්‍යවරයෙකු මුණ ගැසීම


when to meet the doctor once you are pregnant ගර්භනී අවධිය කාන්තාවකගේ ජිවිතයේ බොහෝ බලාපොරොත්තු සහිත සුන්දරම අවධියකි. මෙම අවධියේදී වෛද්‍ය උපදෙස් ලබා ගැනීම ඉතා අත්‍යවශ්‍ය කරුණකි. ඔබ ගැබ් ගෙන ඇති බව හැගුන විට, ගර්භනී සමයේත්, දරුවා බිහිවන තුරු හා ඉන් පසුවත් සායනයට සහභාගී වී උපදෙස් ලබා ගැනිම යෝග්‍ය වේ. මෙම ලිපිය මගින් ඔබව ඒ පිළිබද දැනුවත් කරනු ඇත.

* පළමු වෛද්‍ය හමුව

ඔබේ පළමු වෛද්‍ය හමුව ඔබ ස්ථිරව ගැබ් ගෙන ඇද්ද යන්න දන ගැනීම සදහා වේ. එහිදී ඔබ හා වෛද්‍යවරයා අතර වැදගත් තොරතුරු හුවමාරු වීමක් සිදු වේ. වෛද්‍යවරයා විසින් ඔබට සම්පුර්ණ වෛද්‍ය ඇගයීමක් ලබා දෙනු ලැබේ. එය ඔබේ ගර්භනී සමය පුරාවටම ඔබේ අවශ්‍යතා හදුනා ගැනීමට මෙන්ම ඔබේ සෞඛ්‍ය තත්වය සහ දරුවාගේ වර්ධනය පිළිබද දෙන ගැනීමට උපකාරී වේ. මෙම පළමු හමුවීම ඔබේ වෛද්‍යවරයා සමග සිදුවන තීරණාත්මක මෙන්ම දීර්ඝතම හමුවීම් මලින් එකකි.මෙය ඔබ රෝහලකට ගමන් කරන පළමු අවස්ථාව විය හැක.ඔබ කිසියම් දෙයකට භය නම් හෝ කලබල සහිත නම් ඒ බව වෛද්‍යවරයා දැනුවත් කරන්න.

* ඔබේ ආර්තවය නැවතුනේ කවදාද?

ඔබගේ ආර්තවය නැවතී ඇත්නම් සේම නිවසේදී කරන ලද ගර්භණි පරීක්ෂණය ධනාත්මක නම් (ගැබ් ගැනීමක් ලෙස පෙන්වයි නම්) වහාම වෛද්‍යවරයා හමු වීමට වෙලාවක් යොදා ගත යුතු වේ. ආර්තවය මග හැරීම නිසා සමහර කාන්තාවන් තමන් ගැබ් ගෙන ඇති බව සැක කරයි. කුමන අවස්ථාවක උවද ආර්තවය මහා හැරී ඇත්නම් සහ ගර්භණි ලක්ෂණ පෙන්නුම් කරන්නේ නම් වෛද්‍යවරයෙකු හමු වීම සුදුසු වේ.

* වෛද්‍යවරයෙකු තෝරා ගැනීම

ඔබේ කැමැත්ත අනුව ප්‍රසව හා නාරි වෛද්‍යවරයෙකු මුණ ගැසිය හැක.ඔබ දැනටමත් කෙනෙකු තීරණය කර තිබෙන්නට පුළුවන. ඔබ එසේ කිසිවෙකු තීරණය කර නැත්නම් ඔබ කැමති රෝහලට ගොස් ඒ වන විට රාජකාරියේ යෙදෙන වෛද්‍යවරයා මුණ ගැසෙන්න. ඔබට කිසියම් බරපතල වෛද්‍ය ගැටළු හෝ සංකුලතාවයන් පවතින්නේ නම් ඔබ තෝරා ගන්නා ලද වෛද්‍යවරයා විසින් ඔබ විශේෂඥ වෛද්‍යවරයෙකු වෙත යොමු කරනු ඇත. එවිට ගර්භණි සමය තුල ඔබව වෛද්‍යවරුන් දෙදෙනාගේම අධීක්ෂණය යටතට පත්වනු ඇත. 

* සියළු දත්ත ලබා දෙන්න

බොහෝ ප්‍රශ්න වලට පිළිතුරු සැපයීමට සුදානම්ව වෛද්‍යවරයා මුන ගැසෙන්න. ඔබේ වෛදයවරයට ඔබේ සෞඛ්‍ය තත්වය, ඔබේ සහකරුගේ සහ පවුලේ වෛද්‍ය ඉතිහාසය පිළිබද නිවැරදි නිරවුල් තොරතුරු අවශ්‍ය වේ. ඔබෙන් වෛද්‍යවරයා විමසාවි යැයි අනුමාන කල හැකි ප්‍රශ්න කිහිපයක් පහත දැක්වේ.
  • ඔබ ඔසප් වුනු අවසාන දිනය : ඔබේ අවසාන දිනය ඔසප් දිනය දැන ගැනීමෙන් ඔබේ වෛදයවරයට ඔබේ ප්‍රසුත දිනය ගණනය පහසු වේ.
  • කලින් සිදු වූ ගබ්සා වීම්, කෙලවර වීම හෝ උපත් පිළිබද විස්තර : මෙම තොරතුරු ඔබ ගර්භනී සාමය සහ ප්‍රසුතිය නිරෝගිමත්ව සිදු කර ගැනීම සදහා වැදගත් වේ.
  • ආසාදන සහ ජානමය තත්ත්ව පිළිබද පවුලේ ඉතිහාසය : ඔබේ දෙමාපියන්ගේ සහ ඥාති වෛද්‍ය ඉතිහාස තොරතුරු පිළිබද ඔබ දැනුවත් වන්න. තැලසීමිය වැනි ජානමය රෝගී තත්ත්ව නිවාරණය දැන් විශේෂ වෛද්‍ය මධ්‍යස්ථාන වලදී සිදු වේ. තවද, අසාත්මිකතා සහිත පවුලේ ඉතිහාසය හදවත් රෝග සහ අනෙකුත් ප්‍රධාන වෛද්‍ය තත්ත්ව ඔබේ ගර්භනී බාවයට බලපෑම් කල හැක.
  • උපත් පාලන භාවිතා කලේ නම්, සරු බාවය වැඩි කිරීමට අවශ්‍ය ඖෂධ භාවිතා කලේනම්, විශේෂ ඖෂධ බාවිතා කලේ නම්, ඒ පිළිබද ඔබේ වෛද්‍යවරයා දැනුවත් කරන්න.

* ඔබේ ජිවන රටාව

ඔබ වෛද්‍යවරයා විසින් ඔබේ ජිඅන රටාව පිළිබද ප්‍රශ්න කිහිපයක් ඔබෙන් විමසනු ඇත. දරුවට හානි කර වන බෙහෙත් වර්ග, මත් ද්‍රව්‍ය, මත පැන් සහ දුම් වැටි භාවිතය පිලිබදව ඔබෙන් විමසනු ඇත. එසේම ඔබේ ආහාර සහ අනෙකුත් දේ පිළිබද ඔබට උපදෙස් සපයනු ඇත. එසේත් නැතහොත් ආහාර පිළිබද විශේෂඥයෙකු හමුවී ඒ පිළිබද උපදෙස් ලබා ගන්න ලෙස ඔබව දැනුවත් කරනු ඇත. 
...................

නිවුන් දරු උපත සම්බන්ධ ගැටලු


problems in a twin pregnancy නිවුන් දරු උපතක් යනු ඔබේ සතුට ඉහ වහා යන අවස්ථාවක්... නමුත් ඒ සතුට දුකකට හැරුනොත්? එසේ පිළිසිද ගැනීමකදී මව මෙන්ම දැරුවාද අවදානම් තත්වයකට පත් වන බව ඔබ දන්නවාද? කෙසේද ඔබ ප්‍රවේසම් විය යුත්තේ? මෙම ලිපිය මගින් අපි ඔබව ඒ පිළිබද දැනුවත් කරන්නෙමු.
ඔබ බොහෝ විට නිවුන් හෝ ඊට වැඩි ගැබ් ගැනීමකදී අධි අවධානම් තත්වයක් පිළිබද අසා තිබෙන්නට පුළුවන. එය බොහො විට භය උපදවයි. නමුත් එම අවදානම් තත්ත්වය පිළිබද දැනුවත් වීම මගින් එම තත්වය මග හරවා ගැනීමට ඔබට හැකියාව ලැබේ. එම වෙනස් කල හැකි අවධානම් තත්ත්ව සහ සංකුලතා පිළිබද මෙන්ම ලක්ෂණ සහ ප්‍රතිකාර ක්‍රම පිළිබද අවබෝධයකින් පසු වීම නිවුන් හෝ ඊට වැඩි ගැබ් ගැනීමක් සහිත මවගේ ගර්භනී සමය පහසු කරාවි.

* නිවුන් දරු උපත් සහ ගබ්සා වීම:

නිවුන් දරු පිළිසිද ගැනීමකදී ගබ්සා වීමේ සම්භාවිතාව වැඩි වේ.සමහර අවස්ථා වල එක් කලලයක් පමණක් ගබ්සාවිමක් හෝ සරලව එක් දරුවෙකු අනෙකා ඇත හැර යයි. (අතුරුදහන් වේ ) මෙම තත්වය Vanishing Twin Syndrome ලෙස හදුන්වයි. මෙම තත්වය මුල් මාස 3 තුල සාමාන්‍යයෙන් සිදුවිය හැකි තත්වයකි. මුල් අවධියේ ස්කෑන් පරීක්ෂාවකින් ඔබට නිවුන් දරුවන් පිළිසිඳ ගෙන ඇති බව පෙනී ගියත් මාස 3ක් ඇතුලත එක දරුවෙකු අතුරුදහන් වීම සිතට මහත් අසහනයක් ගෙන දෙයි. නමුත් ඔබ මතක තබා ගත යුතුය මෙය සිදුවීමේ සම්භාවිතාව ඕනෑම කෙනෙකුට පවතින බව. මුල් මාස 3 ඇතුලත එක දරුවකු අතුරුදහන් වීමකදී අනෙක් දරුවාට හානි වීමට ඇති ඉඩ අඩුය. නමුත් ඉන් පසුව මෙය සිදු වුවහොත් මවටත් ඉතිරි වූ දරුවාටත් හානි විය හැක. එම නිසා ඔබ නිවුන් දරු පිළිසිඳ ගැනීමකදී අවධානයෙන් සිටින්න. නිසි පරිධි වෛද්‍ය උපදෙස් අනුව නියමිත දින ගනනේදී ස්කෑන් පරීක්ෂාව කරගන්න.

* අන්තර් ගර්භාෂ විසමානුකුලතා:

නිවුන් දරුවන් අන්තර් ගර්භාෂ විසමානුකුලතා අවධානමට මුහුණ දේ. එනම් එක් දරුවෙකු අනෙකාට සාපේක්ෂව සෙමෙන් වර්ධනය වීමයි. සර්ව සම නිවුන් පිළිසිද ගැනීමකදී හෝ දරුවන් දෙදෙනාම එකම කලලබන්ධය තුල සිටින ගැබ් ගැනීමකදී සිදී වන මෙය twin-to-twin transfusion syndrome (TTTS) ලක්ෂණයකි. TTTS තත්වය එකම කලලබන්ධය බෙදා ගන්නා ඒකාණ්ඩජ නිඹුල්ලු අවස්ථාවේදී විශේෂයෙන් දැක ගත හැක. කලලබන්ධය සමග ඇති රුධිර වාහිනිය දෙමුහුන් වේ. මේ නිසා දරුවන් අතර රුධිරය අසමාන ලෙස බෙදී යයි. එක දරුවෙකු අනෙකා වෙනුවෙන් ප්‍රධානවම දායකයා බවට පත් වන අතර අනෙකා ප්‍රතිග්‍රාහකයා වේ. (සරලව කියනවානම් එක දරුවෙකුගේ පෝෂණය අනික් දරුවා උරා ගනී!) මෙම තත්වය දරුවන් දෙදෙනාටම භයානක වේ, නමුත් මවගේ සෞඛ්‍ය තත්වය කෙරෙහි බලපෑමක් ඇති නොකරයි. වර්තමාන දියුණු තාක්ෂණය මගින් ලේසර් භාවිතයෙන් විශේෂ ශල්‍යකර්ම ක්‍රියා මාර්ගයක් මගින් මෙම තත්වය වෙනස් කිරීමට වෛදයවරයට හැකියාව ඇත.

* අඩු බර උපත් නිවුන් දරුවන්

බොහෝ විට නියම කාලයට ඉපදුනද අඩු බර සහිත වේ. සියලු නිවුන් උපත් සලකා බැලීමේදී බොහෝ නිවුන් දරුවන් (40% - 50% පමණ) කලින් උපත් ලබයි (සති 37 කට පෙර) සහ 2.5 kg වැනි අඩු බර සහිත වේ. තුන් නිවුන් දරුවෝ අඩු බර සහිතව කලින් ඉපදීමේ හැකියාව 90% කි. නිවුන් දරුවන් අපරිණත වීමේ වැඩි අවධානමක් පවතී. එනම් උපත් සති 20 පසු එහෙත් සති 37 ට පෙර සිදු වීමයි. සාමාන්‍ය දරු ප්‍රසුතිය සති 39ක් වුවද, නිවුන් දරු ප්‍රසුතියේ සාමාන්‍ය කාලය සති 35කි. ඉපදී සතියක් ඇතුලත අපරිණත නිවුන් දරුවන්ගේ මිය යාමේ සම්භාවිතාව අපරිණත එක දරු මිය යාම මෙන් 5 ගුණයකි.තුන් නිවුන් දරුවන්ගේ මෙම තත්වය 9 ගුණයකි.

* නොමේරු දරු උපත් සම්බන්ධ ගැටලු

මෙය බොහෝ ගැටළු වලට හේතු වේ. ඉන් කිහිපයක් පහත පරිදි වේ:
අපරිපූර්ණ පෙණහළු ස්වසන අපහසුතා ඇති කරයි. නොමේරු දරුවට පෙණහළු පරිපූර්ණ වාතමාර්ග දැමීමක් සිදු කරයි.
උදරය සහ අන්තක මාර්ගය පිළිබද ගැටළු
ස්නායු පද්ධතිය පිළිබද ගැටළු ( මොලය තුල රුධිර ගැලීම් වැනි)
අඩු බර සහිත වීම්
පෝෂක ලබා දීම පිළිබද ගැටළු (මව්කිරි ලබා දීම ඇතුළුව)

* අමතක නොකරන්න 

ඉහත කරුණු පිළිබඳව දැනුවත්ව සිටීමෙන් ඔබටත් නිවුන් දරු උපතකදී වන ගැටළු වලට සාර්ථකව මුහුණ දිය හැක. නිවුන් දරුවන් පිළිසිඳගෙන ඇති අවධියේදී ඔබ නිතර වෛද්‍ය පරීක්ෂාවට භාජනය විය යුතු අතර විටමින්, යකඩ ආදියද නිසි ලෙස ලබා ගත යුතුය. බෙහෙත් නියම කිරීම වෛද්‍යවරයා සතු කාර්ය භාරයකි. එම නිසා එය 100% පිළිපදින්න. ඒ අතර ඔබගේ කාර්ය භාරය වන්නේ නිසි පෝෂණය සහිත ආහාර ගැනීමයි. දවසට පැය 8ක් වත් නිදා ගැනීමට උත්සාහ කරන්න. අධි රුධිර පීඩනය, දියවැඩියාව ආදී ලක්ෂණ පෙන්නුම් කරන්නේද යන්න ගැන අවධානයෙන් සිටින්න. අපි ඔබට සුභ පතමු!

Tuesday 25 March 2014

සදකඩ පහණක කැටයම් ඔපලා කියන සිංදුව අහලා තිබුනට එකේ තේරුම ගොඩක් අය දන්නේ නැතුව ඇතිනේ.... කියවලා බලන්නකෝ,,

සදකඩ පහණක කැටයම් ඔපලා කියන සිංදුව අහලා තිබුනට එකේ තේරුම ගොඩක් අය දන්නේ නැතුව ඇතිනේ.... කියවලා බලන්නකෝ කොච්චර ගැබුරු හැගීම්බර තේරුමක්ද තියෙන්නේ කියලා. සදකඩ පහණ කියන්නේ කලාකරුවෙක් අතින් නිර්මාණය වෙන අපුරු නිර්මාණයක්... මේකේ සදකඩ පහණකට ආරෝපණය කරලා තියෙන්නේ සැමියා නැති, කුඩා දියණියක් සිටින රූමත් කාන්තාවක්... සදකඩ පහණක කැටයම් ඔපලා පාවෙන දේදුණු ලැගුම් ගනී..... තනිව සිටින මේ කාන්තාවගේ ඇසුරට මිනිස්සු එනවා. පාවෙන දේදුණු කියලා උපමා කරන්නේ ඒ මිනිස්සුන්ට, කැලතුන රසයක පැන ආ බුබුලක් අකුරු වැලක් දෙහදක ලියවී... මේ තහනම් ඇසුරේ කැලතුන රසය ගැන දන්නේ පැමිණෙන මිනිසාත් ගැහැණියත් පමණි. සදකඩ පහණ කොපමණ අනගි නිර්මාණයක් උනත් ඒක පයට පෑගෙනවා, ඒ වගේම මේ කාන්තාව කොච්චර ලස්සන උනත් සමාජයේ ගැරහුමට ලක් වෙනවා යුගයෙන් යුගයට නොමියෙන දහනක දිවියක පදනම මතු වෙද්දී නොපෙනෙන ඈතක ඈ ගෙනයනවා සියුමැලි කැකුලක් මැල වෙද්දී.... මේ විදියට දිගින් දිගටම මිනිසුන් ඇසුරුකරන මේ කාන්තාව ගණිකාවක් බවට පත් වෙනවා.. එතකොට ගැහැණියගේ දරුවා නිවසේ තනි වෙනවා. කැකුලකට උපමා කරලා තියෙන්නේ ඒ දියණිය, දහසක් පෙති මත රහසක් සගවා තුඩින් තුඩට ගෙනයන බින්දු... ඇයව ඇසුරු කරන මිනිස්සු ඇය ගැන තමන්ගේ යාළුවන්ටත් කියනවා.ඇය ගැන ආරංචිය රහසක් විදියට පැතිරෙනවා, අහසක් ගුගුරා කළුවක් වපුරා ඒ හා මුසුවුණු වැහි බින්දු... මේ කාන්තාව මේ කටයුත්ත කරන්නේ කැමැත්තෙන් නෙවේ... තම දරුවාගේ ජීවිතය වෙනුවෙන්, ඈ ගෙන යද්දී නටබුන් අතරින් තවකෙකු ඈ වෙත හද රැන්දූ... පැමිණෙන පුද්ගලයා අසුරුකරලා ඉවර උන ගමන් ඈ ඇසුරු කරන්න තව පුද්ගලයෙක් එනවා. මේ විදියට ඈට තම ජීවිතය ගැටගහා ගන්න මිනිස්සු රාශියකගේ ආශාවන් පිරිමහන්න වෙනවා, හදවිල ඉපදුන කැකුලක් නොකලට නටුවෙන් ගලවා ඉවත යවා.... තමන්ගේ රැකියාවෙන් දියණියට සිදුවන අවමානය නැතිකර ගන්න තමන්ගේ දියණියව ඈතකට යවන්න මේ කාන්තාවට සිදු වෙනවා.දියණියට සිදුවන්නේ අකාලයේ අම්මව අතහැරලා යන්න, මිහිලිය තෙත්කොට ගිලිහුන කදුලක් සත් සමුදුරකට මුහුව ගියා... මේ කාන්තාව දියණියව වෙන තැනකට යවන්නේ ගොඩක් දුකෙන්.. ඒත ඇයට ඒක තවත් එක දුකක් පමණි, ඔබට උරුම වූ රිදුනු තැවුණු හද එක්ටැම් මැදුරක කවුරු අරා රුවන් විමානෙන් පියබා එනතුරු පොපියන හදවත සිටි බලා.... මේ කාන්තාව තමන්ගේ දියණිය ඉගෙනගෙන ලොකු තැනකට ගිහින් තමන්ගේ අම්මව දුක්බර ජිවිතයෙන් මුදව ගන්න එනකන් ඇගිලි ගනිමින් බලන් ඉන්නවා
උපුටා ගැනීමකි >ජනවහර

ආදරය හා විවාහය යනු

ආදරය හා විවාහය යනු පාරිශුද්ධ සමාජසංකේතය
විවාහය යනු ස්‌ත්‍රියකට, පුරුෂයකුට ඔවුන් ජීවත් වන සමාජයේ අනාගත පාලනය උදෙසා දරුවන් බිහිකිරීමටත්, බාහිර පුද්ගලයන්ගේ තහංචියකින් තොරව අඹුසැමි සම්බන්ධතා පවත්වාගෙන යැම පිණිසත් සමාජය විසින් දෙනු ලබන නීත්‍යානුකූල අනුමැතියකි. බැලූ බැල්මට යාන්ත්‍රික ස්‌වරූපයක්‌ මෙන් දක්‌නට ඇති නමුත් මෙය නීත්‍යානුකූල අවසරය තෙක්‌ පැමිණෙන ගමනේදී මෙම ස්‌ත්‍රීන් සහ පුරුෂයන් තම තමන්ට ආශක්‌ත වූ තමාගේ අදහස්‌වලට වඩාත් ගැලපෙන්නා වූ සැකකරු හෝ සහකාරිය සොයා ගැනීමට වෙහෙසෙයි. ආදරය පිළිබඳ විවිධ තේමාවන් ඔස්‌සේ "සිහින සිතිජය" තුළින් කතා කළ අපි අද කතා කරන්නේ ආදරයකින් විවාහ දිවියක්‌ ඇරඹෙන ආකාරය ගැනයි.
ආදරය කායික බන්ධනයක්‌ නොවේ
නව යොවුන් වියේ පටන්ම බොහෝ දෙනෙක්‌ ආදරය කරමින් සොයන්නා වූ මෙම ප්‍රබල මානුෂීය හැඟීම සමාජ සංස්‌ථාවන් විසින් පිළිගනු ලබන්නේ ඒ නීත්‍යානුකූල විවාහය තෙක්‌ පැමිණි විට පමණි. එතෙක්‌ සෘජුව හෝ වක්‍රව යොවුන් පෙම්වතුන් වෙත සමාජය විසින් විවිධ අන්දමේ තහංචි පමුණුවනු ලබයි. එසේම විවාහයට පෙර ඔවුන්ගේ ආදරය ගැඹුරු කායික සම්බන්ධතාවන්ට විවර වීම අනුමත නොකරයි. හෙළාදකියි. වැඩිහිටි පරම්පරාව සහ සමාජය බාල පරම්පරාවෙන් පාරිශුද්ධ වූ ජීවිතයක්‌ විවාහයට පෙර අපේක්‍ෂා කරයි.
වර්තමානයේ මෙම පාරිශුද්ධ තත්ත්වයන් හෝ සමාජ අනුමැතියක්‌ පිළිබඳව තැකීමක්‌ නොමැතිව හිතූ හිතූ ආකාරයට හැසිරෙන වල්මත් වූ තරුණ තරුණියෝ සමාජයේ වෙසෙති. ජනමාධ්‍ය ඔස්‌සේ දිනපතා හෙළිදරව් වෙන්නා වූ බොහොමයක්‌ අපචාරයන් දෙස බලන විට තරුණ පරපුර ආදරය නමින් ආදරය නොවන විඳීම් අපේක්‍ෂා කර ඇති බව පෙනී යයි. ඒ හේතුව නිසාම ඔවුන් සමාජයේ ගර්හාවට පාත්‍ර වී නීතිය ඉදිරියේ වැරදිකරුවන් බවට පත්වනු දිනපතා දකින්නට අසන්නට ලැබේ.
විවාහය යනු පවිත්‍ර බැඳීමකි
සමාජයේ පවතින සියලුම ආකාරයේ ප්‍රතිමාන බිඳ දමා තම ආත්මාර්ථකාමී ලාභ අරමුණු ඉටුකර ගැනීම ආදරය නොවේ. එවන් සම්බන්ධතාවක්‌ නීත්‍යානුකූලව ගැටගැසීම විවාහය ද නොවේ. ආදරය හා විවාහය පාරිශුද්ධ සමාජ සංකේතයන්ය. මෙම සංකේත අතගා බැලිය හැකි ද්‍රව්‍යමය ස්‌වරූපයන් නොදරන මානසික බන්ධනයන්ය. මෙම පවිත්‍ර බන්ධනයන් ආශාවන් සන්තර්පනය සඳහා ඉවක්‌ බවක්‌ නැතිව හැසිරෙන අය අතර ඇති නොවේ. එසේම තමා විසින් මහත් වගකීමකින් සුරැකිය යුතු මානව ගුණධර්ම, සදාචාර නීති රීති, නොතකා හැර පටු ආත්මාර්ථකාමී මනෝභාවයන් ප්‍රකාශ කිරීමක්‌ ද නොවේ.
ආදරය සදාචාරය පෙරටුකොට පවතින්නකි. යුතු අයුතුකම් පෙරටුකොට සලකන්නකි. පුද්ගලයකුට තමන්ගේම යෑයි හැඟෙන ස්‌වාධීනත්වය සහ ආකල්ප පිළිගනු ලබන්නකි. මේ සකලවිධ සදාචාරාත්මක ධර්මතා සමඟ ඒකාන්විත වූ උත්තම මානෂීය හැඟීම් බෙදාගැනීම සැබෑ ආදරයයි. මේ ආදරය ලබාගන්නට නම් පළමුව අප තුළ මෙබඳු ආදරණීය ගුණධර්ම සංචිතයක්‌ ගොඩනඟාගත යුතුය.
එතුළින් ලෝකය දෙස බලන්නට, ලෝකයට ආදරය කරන්නට, ගරු කරන්නට පුරුදු විය යුතුය. එවිට මේ සමාජය යහපත්ව හා ගුණාත්මකව පවත්වාගෙන යැම සඳහා පනවාගෙන ඇති නිහඬ සම්මුතීන්, සදාචාර නීති, සංස්‌කෘතික ගරුධර්ම කෙමෙන් කෙමෙන් අපගේ හදවතේ ගැඹුරු ඉසව් වෙත සම්ප්‍රේෂණය වී සොඳුරු කල්පනා උත්පාද කරයි. මේ සොඳුරු කල්පනා තුළ ජීවිතය පිළිබඳ තැතිගැනීමක්‌ නැත. අවිනිශ්චිත බවක්‌ නැත. ලෝකය සතු සියලු සම්පත් තම දෙපා මුල ගොඩගහ ගන්නට තියෙන කාරණාවක්‌ ද නැත.
ජීවිතයේ සුන්දරතම මොහොත විවාහයයි
අතිශයින් නිහඬ වූ සංසිඳුනා වූ මේ හැඟීම ආදරය වේ. මේ සැබෑ ආදරය ඔබ තුළ ජනිත වූ පසු එය පවත්වාගෙන යැමට වැර වෑයම් කිරීමත් අත්‍යවශ්‍යය. එය ඔබගේ සෙවනැල්ල මෙන් ඔබ සමඟ නිරතුරුවම ළංවී සිටිනු ඇත.
සුන්දර යුවතිය, භද්‍ර යෞවනය මේ ආදරය ඔබ සැම කෙනෙකුගේම හදවතේ නිදිගත් යෝධයකු මෙන් ඔබට නොදැනී සැඟවී හිඳියි. ඔබට සෑම අතින්ම වඩාත්ම ගැලපෙන සහකරු හෝ සහකාරිය මුණගැසුණු පළමු මොහොතේම මේ නිදිගත් යෝධයා සෙමින් සෙමින් අවධි වේ. ඔහු අවධි වූ බව දැනෙන්නේ ඔබට පමණක්‌ නොවේ. ඔබ වටා සිටින්නා වූ සැමටම ඔබගේ ප්‍රබෝධවත් පරිවර්තනය දැනෙන්නට පටන් ගනී. ගුණදම්, සාරධර්ම යන සමාජ ධර්මතා රකිමින් පවත්වාගෙන යමින් ඔබ තුළ පැනනැඟීමේ ආදරය සමාජ ආශිර්වාදයන් සමගින් විවාහය දක්‌වා ගොස්‌ පති පතිනියන් වී අනාගත සමාජය සුවඳවත් කරන සුවඳ සුවඳ කැකුළු බිහිකරනු දකින්නට ඔබ වෙසෙන මේ සමාජයේ සියලු දෙනා මහත් ආශාවෙන් බලා සිටිති. එබඳු වූ පින්වත් දසුනක්‌ දුටු අතීතයේ කුමාරිකාවක්‌ ඇගේ සිත තුළ පැනනැගී මහත් වූ ප්‍රීතිය පළ කළේ අඳුරු කවියකිනි.
නිබ්බුතා නුත සාමානා - නබ්බුතා නූන සෝපිතා
නිබ්බුතා නුන සානාරි - යස්‌සායං ඉදි සෝපති
"මෙබඳු වූ පුතකු ලද මව ද නිවුණු තැනැත්තියකි. මෙබඳු වූ පුතකු ලද පියා ද නිවුණු තැනැත්තෙකි. කිසියම් තැනැත්තියක්‌ මෙබඳු සැමියකු ලද්දේ නම් ඇය සැබැවින්ම නිවුණේ වේ"
ඔබ ඒ පැසසුම් ලැබූ අතීත පරපුරේ සාඩම්බර වර්තමාන පුරුකක්‌ බව සිහිපත් කළ මැනවි. මේ අපූර්වත්වයෙන් පිරි මොහොත එනතෙක්‌ ඉවසා සිටීමෙන් යුග දිවියේ මිහිරි ඵල උපරිමයෙන් බුක්‌ති විඳින්නට ඔබට අවස්‌ථාව ලැබෙන බව කියන්නට ද මේ මොහොත යොදා ගනිමි.
උපුටාගැනිමකි.

Sunday 23 March 2014

විදුහුරු ඇසින් දුටු පිරිත් පැන්වල ගුණ බලය

විදුහුරු ඇසින් දුටු පිරිත් පැන්වල ගුණ බලය

පෙණ කැටි විසුරවමින් හිමිහිට ගලා බසින දිය පහරක හඬ අහගෙන ඉන්න අප බොහොම දෙනෙක්‌ කැමතියි. ඒකට හේතුවක්‌ තියෙනවා. ඒ සිත සමාධිගත කරවන අපූරු සංවේදී මිහිරි නාදයක්‌ ඒ හඬට මුසුවෙලා තියෙන නිසා. හරියට සොබා දහමේ රහසක්‌ කියනවා වගේ. ඇත්තටම මේ ගලා බසින දිය දහරාවට එහෙමත් නැතිනම් කඩා හැලෙන දිය ඇල්ලකට සොබා දහමේ රහස්‌ ස`ගවා ගෙන ඉන්න පුළුවන්ද...? ඔව්.... ඇත්තෙන්ම පුළුවන්. ගලා බසින ගංගාව, කඩා හැලෙන දිය ඇල්ල විතරක්‌ නෙමෙයි, ඔබේ අතේ තියෙන වතුර වීදුරුව පවා මේ අනන්ත අප්‍රමාණ වූ විශ්වයේ අපූරු රහස්‌ රැසක්‌ම ස`ගවා ගෙන ඉන්නවා. ඒ රහස්‌ හඳුනාගන්නට හැකිවුණොත් මවිත වේවි ඔබ නිසැකයෙන්ම.

ඒ අපූරු රහස්‌ එළි කරන්නට ජපන් ජාතික පර්යේෂකයෙක්‌ ඉදිරිපත් වෙලා ඉන්නවා. ඔහු නමින් ආචාර්ය මසාරු ඉමටෝ (Dr' Masaru Emoto). මිනිසුන්ගේ සිතුම් පැතුම් අනුව ජල අණු වල ස්‌වභාවය වෙනස්‌ කරන්නට පුළුවන් බව අපූරු පර්යේෂණ ගණනාවක්‌ මගින් ලොවට ඔප්පු කර පෙන්වන්නට ඔහු සමත් වුණා. ඔහුගේ පර්යේෂණ ක්‍රමවේදය සම්මත විද්‍යාත්මක න්‍යායන්ට අනුව සිදු නොවුණත් ඔහු විසින් සිය පර්යේෂණ දත්ත ඇතුළත් කරමින් ප්‍රකාශයට පත් කරන ලද The Hidden Massages in Water (ජලයේ සැඟවුණු රහස්‌) නම් කෘතිය මුළු විද්‍යාත්මක ලෝකයේම ඇස්‌ අරවන කෘතියක්‌ බවට පත් වී හමාරයි. මේ නිසාම ඔහුගේ පර්යේෂණ දත්තයන්ට විද්‍යාත්මක ලෝකයේ පිළිගැනීම මේ වනවිට නිතැතින්ම හිමි වී තිබෙනවා.

ආචාර්ය මසාරුගේ පර්යේෂණයකින්ම අපි මේ කතාව පටන් ගනිමු.

ජපානයේ ෆුජිවාරා (Fujiwara) වේල්ල මේ කියන කාලයේ, ඒ කියන්නේ 1995 වසරේ දී ඒ තරම්ම පිරිසිදු මට්‌ටමක නෙමෙයි තිබුණේ. ඒත් ආචාර්ය මසාරුගේ සුප්‍රකට පර්යේෂණයකට මුල් වුණේ මේ ෆුජිවාරා වේල්ලයි. ෆුජිවාරාහි ජල සාම්පලයක්‌ අධික සිසිලසකට ලක්‌කොට අධි තාක්‌ෂණික කැමරාවකින් රූප රාමුවකට ගත්ත ආචාර්ය මසාරුට දකින්න ලැබුණේ අපිරිසිදු නොපැහැදිලි ජල අණුවක රූපයක්‌. ඉන්පසුව ඔහු මේ වේල්ලේ ඇති ජලයට සෙන් බෞදධ හිමිවරයකුගේ මුවින් සූත්‍ර සඡ්ජායනාවක්‌ ඇසෙන්නට සැලැස්‌සුවා. සූත්‍ර සඡ්ජායනයෙන් පස්‌සේ වේල්ලෙන් ගත්ත ජල සාම්පලයක්‌ පෙර පරිදිම අධික සිසිලසකට බ`දුන්කොට අධි තාක්‌ෂණික කැමරාවෙන් රූප රාමුවට නැගුණා. ප්‍රතිඵලය වුණේ හැමදෙනාම අතිශයින්ම මවිත කරවන සුලු වූවක්‌. පෙරදී දුටු අපැහැදිලි අපිරිසිදු ජල අණුව වෙනුවට මෙවර දකින්නට ලැබුණේ අතිශයින්ම පිරිසිදු හා පැහැදිලි දිලිසෙන ජල අණුවක රූපයක්‌. මේ ප්‍රතිඵලය කොයි තරම් පෙරළිකාර සිදුවීමක්‌ වුණා ද කියනවා නම් ඔහු මේ පදනමේ ඉ`දන් පර්යේෂණ මාලාවක්‌ම ඉන්පස්‌සේ සිදු කළා.

සම්භාව්‍යය සංගීත රාවය මෙන්ම ගොරහැඩි නාද එකම ජල සාම්පලයකට අසන්නට සලස්‌වා පෙර ආකාරයෙන්ම එය රූපගත කළ පසුව ඔහුට දකින්නට ලැබුණේ මේ ආකාරයේම මවිත කරවන දත්ත සමුදායක්‌. සම්භාව්‍යය සංගීත රාවයට හා මුසුවූ ජල සාම්පලය පියකරු ජල අණු රටා මවද්දී ගොරහැඩි නාද සාම්පලය හා මුසු වුණු ජල සාම්පලයෙන් දකින්නට ලැබුණේ කිසිසේත්ම පියකරු නොවූ අපැහැදිලි රටාවක්‌.

මේ පර්යේෂණය තවත් ඉදිරියට ගෙන ගිය ආචාර්ය මසාරු ජල සාම්පල් දෙකකට නිතිපතා එකිනෙකට වෙනස්‌ ආකාරයේ වදන් අසන්නට සැලැස්‌සුවා. ආචාර්ය මසාරුගේ මුවින් ගිලිහුණු කාරුණික වදන් දිනපතා අසන්නට ලැබුණු ජල සාම්පලය පෙර පරිදිම පියකරු ජල අණු රටා මවද්දී ඔහුගේ මුවින් සැර පරුෂ වදන් නිතිපතා ඇසූ ජල සාම්පලය විකෘති හැඩ තල මවන්නට වුණා.

මේ විදියේ එකිනෙකට වෙනස්‌ විවිධාකාර පර්යේෂණ ගණනාවක්‌ තුළින් මිනිස්‌ චිත්ත සන්තානයට ජල අණුවල ව්‍යqහය වෙනස්‌ කළ හැකිය යන මතය තහවුරු කරන්නට ඔහු සමත් වුණා.

ඔහුගේ මේ පර්යේෂණය බෞද්ධ ජනතාවට ඒ තරම්ම පුදුම සහගත කරුණක්‌ නොවන්නේ පිරිත් සඡ්ජායනාවෙන් ආශීර්වාද ලබන පිරිත් පැන් පිළිබද සංකල්පය බෞද්ධ සිත් සතන් තුළ තැන්පත් වෙලා තියෙන්නේ සියවස්‌ ගණනාවක්‌ ඈත ඉ`දන් නිසයි. ෆුජිවාරාහි ඔහු කළ පර්යේෂණය මගිනුත් තහවුරු වෙලා තිබුණේ පිරිත් සූත්‍ර සඡ්ජායනා ජලයේ ස්‌වභාවයට ධනාත්මක විදියට බලපාන ආකාරයයි.

මේ කතාව අවසන් කරන්නට මත්තෙන් ආචාර්ය මසාරු අවධාරණය කරන තවත් කරුණක්‌ සිහිපත් කරන්නට අවශ්‍යයි. අපේ සිරුරෙන් සියයට හැත්තෑවකටත් වඩා තියෙන්නේ ජලය බව විද්‍යාත්මක සත්‍යයක්‌. ඒ කියන්නේ මිනිසුන් කියන අපි නිර්මාණය වෙලා තියෙන්නේත් ජලය මත පදනම්ව. ඒ නිසා ධනාත්මක සිතිවිලි නිරන්තරයෙන්ම සිතන පතන පුද්ගලයන්ගේ සිරුරේ ජල අණු ඒ මත පදනම්ව ධනාත්මක පිරිපුන් දිවියකට මග පාදන බව ආචාර්ය මසාරු පෙන්වා දෙනවා.

ඒත් ඔහු මේ කියන කරුණ මීටත් වඩා පුළුල් අර්ථයෙන් බුදුන් වහන්සේ පහදලා දුන්නේ අවුරුදු දහස්‌ ගණනකට කලින්. "ඔබ කවුරුන්දැයි තීරණය වන්නේ ඔබේ සිතිවිලි අනුවයි". ඒ බුදු වදනයි.

සමන් කළුආරච්චි | දිවයින පුවත්පත 2014/01/26

සටහන: බටහිර විද්‍යාවෙන් අන්ධ වී බුදු දහමට ගරහන නිර් ආගමික මිසදිටුවන් මෙම ලිපිය විශ්වාස නොකරන අතර ඔවුන්ට මෙලෙස බටහිරයින්ගේම මූලාශ්‍ර අවශ්‍ය වී තිබේ. මේ එය වෙනුවෙනි.

1. http://www.highexistence.com/water-experiment/
2. http://www.unitedearth.com.au/watercrystals.html
3. http://www.positive-thinking-principles.com/dr-masaru-emoto.html

හදවතේ තියෙන තෙතමනයට අපි ගැළපෙන ම නමක් දෙමු. ‘මනුෂ්‍යත්වය’………. ඔව්, එයට කියන නම තමයි මනුෂ්‍යත්වය. මි